Астанада 4 ел федерацияларының қатысуымен ОАБА Ассамблеясы өтті

2 ақпанда Астана қаласында Қазақстан, Қырғызстан, Өзбекстан, Түрікменстан баскетбол федерациялары президенттерінің, бас хатшыларының қатысуымен ОАБА (Орталық Азия баскетбол федерациясы) Ассамблеясы өтті.

Ассамблея жұмысына FIBA Азия бойынша аймақтық директоры Агоп Хажирян қатысты. Кездесу барысында келесі тақырыптар талқыланды: FIBA мен федерациялардың өзара іс-қимыл мәселелері; жақын мерзімге федерациялардың негізгі мақсаттары; FIBA қолдайтын федерацияның даму бағдарламалары қаралды; судьялар корпусын дамыту мәселелері талқыланды; әлеуметтік желілер арқылы баскетбол қауымдастығымен белсенді жұмыс істеудің маңыздылығы атап өтілді.


Ассамблея ОАБА басқарушы құрамын сайлады. ОАБА президенті болып Қазақстан Республикасы баскетбол федерациясының президенті А.А. Алпамысов сайланды, ол FIBA Asia board мүшесі бола отырып, FIBA Asia-да ОАБА субаймақ атынан өкілдік етеді. Бас хатшы болып Түркіменстан баскетбол федерациясының вице-президенті Валерий Ситников сайланды. Ассамблея Орталық Азияның бес мемлекеті аясындағы қызметті жандандыру, Азия біріншіліктеріне шығу үшін іріктеу жарыстарын өткізу қажеттігі туралы қорытындыға келді.


Агоп Хажирян мырза сапары аясында Қазақстан Республикасы Мәдениет және спорт министрі А. Р. Ораловпен кездесті. Кездесу барысында қазақстандық баскетболды дамытудың өзекті мәселелері талқыланды, елімізде және Орталық Азия өңірінде осы спорт түрін одан әрі дамыту жолдары айқындалды.

---

Біздің сайттағы жаңалықтарды оқып, қазақстандық баскетболға қатысты барлық шаралар туралы хабардар болыңыздар. Instagram, Facebook, Vkontakte әлеуметтік желілері мен YouTube арнамызға жазылыңыздар.