Қазақстан Республикасының
Ұлттық баскетбол федерациясы

3х3 баскетболдан Қазақстан чемпионатының 3-ші туры аяқталды: Iphone_mobilestore және Rakhat «Atyrau Quest»-ке жолдама алды

26.05.2024    Оқылғаны: 582
Дереккөз: Баспасөз қызметі
Алматыда елiмiздiң үздiк командаларын қызықты да тартысты матчтарға жинаған 3х3 баскетболдан Қазақстан чемпионатының үшiншi туры аяқталды. Турнир қатысушылардың жоғары шеберлігін және корттағы бітіспес күресті көрсеткен нағыз спорт мерекесіне айналды.
Әр топтан жартылай финалға ең мықты командалар шықты. Бірінші жартылай финалда Iphone_mobile Store командасы Drive-ты 21-15 есебімен сенімді түрде жеңіп,
Екінші жартылай финалда Rakhat және IMS командалары кездесті. Бұл кездесу өте шиеленісті жағдайда өтті. Негізгі уақыт 14-14 есебімен тең аяқталды, тек қосымша уақытта Rakhat 16-15 есебімен жең іске же еалды. Матч екі команданың да жоғары ойын деңгейін көрсетіп, турдың ең қызықты ойындарының біріне айналды.
Үшінші орын үшін матчта IMS командасы Drive-пен кездесіп, 14-12 есебімен жеңіске жетті. Бұл нәтиже IMS-ке қола жүлдемен қатар, 3х3 баскетболдан Қазақстан чемпионатының финалдық кезеңіне жолдама алуға мүмкіндік берді.
Iphone_mobilestore мен Рахат арасындағы финалдық ойын 21-15 есебімен Iphone_mobilestore пайдасына аяқталды. Жеңіке жеткен «Iphone_mobile store» үшінші турдың чемпионы атағы мен 15-16 маусымда өтетін «Atyrau Quest» халықаралық турниріне жолдама алды.
3х3 баскетболдан Қазақстан чемпионатының үшінші кезеңінің қорытындысы бойынша Iphone_mobilestore және Rakhat командалары халықаралық турнирде ел намысын қорғау құқығына ие болды. Нәтиже ойыншылардың қажырлы еңбегі мен шеберлігінің, сондай-ақ бапкерлердің сауатты тактикасы мен стратегиясының жемісі болды.
«Atyrau Quest» турнирі қазақстандық командалар үшін жаңа сынақ болмақ, жанкүйерлер баскетболшыларымыздың халықаралық аренада сәтті өнер көрсетеді деп үміттенуіне толық негіз бар.
 

Біздің сайттағы жаңалықтарды оқып, қазақстандық баскетболға қатысты барлық шаралар туралы хабардар болыңыздар. Instagram, Facebook, Vkontakte әлеуметтік желілері мен YouTube арнамызға жазылыңыздар.


Подписывайтесь на нашу рассылку!