«Ақтөбе» қола жүлде сериясында көш бастады

Бүгін «Ақтөбе» қола медальдар сериясындағы үшінші кездесуінде «Тобылды» қабылдады. Естеріңізге сала кетейік, осы матчқа дейін сериядағы есеп 1-1 болған еді. Ойын қонақтардың белсенді әрекеттерімен басталды, олар бірінші ширекті 25-18 есебімен өз пайдасына сенімді аяқтады.

Екінші ширекте алаң иелері «Ақтөбе» қарсыластарынан аз ұпаймен бастағанымен, кезең соңына қарай алға шыға алды. Екінші ширектің нәтижесі 29-18 есебімен ақтөбеліктердің жеңісімен аяқталды. Үлкен үзіліске командалар Ақтөбенің 47-43  басымдығымен шықты. 

Үзілістен кейін командалар тең ойын көрсетті, бірақ алаң иелері сәл сәтті және дәлірек болып, үшінші кезеңде 25-23 есебімен жеңіске жетті. Төртінші ширекте  «Тобыл» мойымай, алға ұмтылып, ақтөбеліктердің шеңберіне доп салуды тоқтатпады. Дегенмен, серия иелерінің бұл ойынға өз жоспарлары да болды. «Тобыл» төртінші ширекте 20-18 есебімен жеңіске жеткенімен, жалпы жеңіске бұл ұпай аздық етті.  Матчтың қорытынды есебі 90-86 ақтөбеліктердің пайдасына шешілді. 

Ақтөбенің үздік ойыншысы Сергей Борматенков 29 пайдалылық коэффициентін көрсетті.  Оның еншісінде сондай-ақ 19 ұпай, 10 допты қақшу және 5 допты тартып алу бар. «Тобыл» сапында Дмитрий Дойников 24 пайдалылық коэффициентімен көзге түсті, 18 ұпай жинады, 13 рет допты қақшып, 1 допты тартып алды және 1 тосқауыл қойды.

Қола медальдар сериясы тартысты өтуде. Алда бізді қызықты матчтар күтіп тұр, кімнің жеңімпаз болатынын білу баршамыз үшін қызықты болмақ.

---

Біздің сайттағы жаңалықтарды оқып, қазақстандық баскетболға қатысты барлық шаралар туралы хабардар болыңыздар. Instagram, Facebook, Vkontakte әлеуметтік желілері мен YouTube арнамызға жазылыңыздар.