Алматыда "Үміт кубогы" баскетбол чемпионаты басталды

Алматы, Қазақстан – Қазақстанның оңтүстік астанасы Алматыда баскетболдан "Үміт кубогы" чемпионаты басталды. Жарысқа 16 аймақтың қарамағындағы балалар үйлері мен мектеп-интернаттарының 24 командасы келді. Турнирге барлығы 290-ға жуық тәрбиеленуші қатысуда.

Турнирдің негізі Halyk Bank  қаржыландыруымен өткен «Халық Лигасы» жобасы. Бірнеше ай бойы қатысушылар үздік жаттықтырушылардан баскетбол ойынын үйренсе, өз кезегінде банк ойыншыларды толықтай киім-кешек, доптар және қажетті құрал-жабдықтармен қамтамасыз етті.

«"Халық Лигасы" жобасына қатысу көптеген балаларды спорттық жетістіктерге, әсіресе баскетболға деген ынтасын арттырғаны бізді қуантады. Жоба іске асқан 17 жыл ішінде біз арқылы балалар үйлерінің 3500-ден астам тәрбиеленушісі өтті. Олардың көпшілігі кәсіби спортшылар,
жаттықтырушыларға айналды, кейбірі өз қалаларының кәсіпқой командаларына кіріп, республикалық турнирлерге қатысты. Елу түлек спорт шеберлігіне кандидат дәрежесін, үшеуі – спорт шебері дәрежесін алды», – деп түсіндірді Halyk Bank басқарма төрағасының орынбасары және "Халық Лигасы" жобасының кураторы Ольга Вурос.

«Халық Лигасы» жобасы балаларға тек спорттық дағдыларды ғана емес, сонымен қатар өмірлік жолын табуға, танымал болуға және болашақ мамандықтарын таңдауға мүмкіндік береді. Бұл жоба жақсы оқуға және спортпен шұғылдануға күшті ынталандыру болып, құрдастарымен кездесуге және халықаралық дәрежедегі жаттықтырушылар мен төрешілер алдында өз жетістіктерін көрсетуге керемет мүмкіндік береді.
«Федерация үшін бұл жай ғана спорттық жоба емес, ең алдымен әлеуметтік үлес. Турнирге қатысқан көптеген тәрбиеленушілер кәсіби спортшы бола алатынын дәлелдей алды. Бұл жоба балаларды баскетболға үйретіп қана қоймай, оларға өзін көрсетуге және табысты мансап құруға мүмкіндік беріп, тұлға ретінде қалыптастырады», – деп атап өтті Қазақстан баскетбол федерациясының бас хатшысы Алмаз Ұзақов.

Алматыда өтіп жатқан турнирдің соңғы кезеңіне 300-ден астам қатысушы жиналды. Ойындар жобаның барлық қатысушыларын сыйғызу үшін екі спорт залында өтуде. Бірнеше күн ішінде Қазақстанның 16 аймағынан келген 24 команда елдің ең мықты командасын анықтайды. Ерекше атап өтерлік жайт, турнирге қатысушылар санының өсуі: биыл 24 команданың 8-і – әйелдер командасы.

Атырау, Талдықорған, Шығыс Қазақстан облысы, Түркістан облысы, Петропавл, Павлодар, Семей, Ақкөл, Екібастұз, Қарағанды, Алматы, Рудный, Қызылорда, Шымкент, Орал және Тараздың балалар үйлері мен мектеп-интернаттарының тәрбиеленушілері жобаға қатысады. «Халық Лигасына» қатысушылар саны жыл сайын артып келеді, бұл ұйымдастырушыларды ерекше қуантатынын атап өткеніміз жөн.

Осылайша, жоба Halyk Bank-тің ұлт болашағына қосқан әлеуметтік жауапкершілігі мен үлесінің жарқын мысалы болып табылады, спорттың тек ойын-сауық қана емес, Қазақстанның жас ұрпағы үшін жаңа өмір шыңдарына жету сатысы бола алатынын көрсетеді.
 
 

---

Біздің сайттағы жаңалықтарды оқып, қазақстандық баскетболға қатысты барлық шаралар туралы хабардар болыңыздар. Instagram, Facebook, Vkontakte әлеуметтік желілері мен YouTube арнамызға жазылыңыздар.