Ақтөбе төртінші матчта жеңіске жетіп, қола жүлдені жеңіп алды

Ерлер командалары арасында Ұлттық Лиганың қола медальдары үшін серияның төртінші матчында Ақтөбе командасы Тобылы жеңіп жетіп, тұғырдың үшінші сатысына ие болды. 

Алдыңғы матчтан айырмашылығы, командалар бірінші ширекті өте біркелкі бастады. Ширек Тобылдың минималды басымдығымен аяқталды — 22-21. Алайда, екінші ширекте алаң иелері Ақтөбе сенімді түрде алға шықты, ширекті 21-12 есебімен жеңіске жетті. Үлкен үзіліске командалар Ақтөбенің басымдығымен кетті — 42-34.
Үзілістен кейін Тобыл тек ойынды теңестіріп қана қоймай, алға да шықты. Үшінші ширектен кейін таблода Тобылдың пайдасына 56-54 есебі көрсетілді. Төртінші ширекті қонақтар жақсы бастағанымен, басымдықты ұстап тұра алмады. Ақтөбеліктер ширекті 20-17 есебімен жеңіп, матчты жалпы 74-73 есебімен аяқтады.
Серия қорытындысы бойынша есеп те Ақтөбенің пайдасына — 3-1 болды. Бұл жеңіс Ақтөбеліктерге Қазақстан Чемпионатының қола медальдарын әкелді.
Ақтөбе құрамында үздік ойыншы Ванте Хендрикс болды, оның тиімділік коэффициенті 24. Оның есебінде 18 ұпай, 5 рет доп қақшу, 3 нәтижелі пас, 4 допты тартып алу және 2 блокшот бар. Тобыл құрамында үздік ойыншы Антон Быков болды. Оның тиімділік коэффициенті 26. Ол 16 ұпай жинап, 11 рет доп қақшыса, 3 пас беріп, 1 допты тартып алу және 1 блокшот жасады.
Маусым қорытындысы бойынша Ұлттық Лиганың MVP атағы Ақтөбе сапындағы Ванте Хендрикске берілді. Үздік ойыншылардың қатарында Тобыл ойыншылары Антон Быков пен Дмитрий Дойников та бар. 
Бұл кездесуде ақтөбеліктердің жеңіске жетуі команда мен олардың жанкүйерлері үшін жеңіске деген жоғары жігер мен командалық рухты көрсеткен маңызды сәт болды. Команданы лайықты қола медальдарымен құттықтаймыз!

---

Біздің сайттағы жаңалықтарды оқып, қазақстандық баскетболға қатысты барлық шаралар туралы хабардар болыңыздар. Instagram, Facebook, Vkontakte әлеуметтік желілері мен YouTube арнамызға жазылыңыздар.