Қазақстанның Ұлттық баскетбол Федерациясы мен «Astana Tigers» клубы меморандумға қол қойды
Қазақстанның Ұлттық баскетбол федерациясы мен «Astana Tigers» клубы меморандумға қол қойды
Қол қойылған меморандум аясында Қазақстанның қыздар құрамасы (U18) «Astana Tigers» баскетбол клубының базасында FIBA CABA Азия кубогының іріктеу кезеңіне дайындықты бастайды.
Меморандумға Қазақстан Ұлттық баскетбол федерациясының Бас хатшысы Байдүсенова Жұлдыз Ералиевна және «Astana Tigers» баскетбол клубының директоры Коптелов Илья Валерианович қол қойды.
«Astana Tigers» клубы – еліміздегі әйелдер баскетболының көшбасшыларының бірі. Команда тұрақты түрде Ұлттық лига мен Жоғары лигада өнер көрсетеді, сондай-ақ жастар және жасөспірімдер чемпионаттарында табысты ойнап, Қазақстандағы әйелдер баскетболының дамуына үлкен үлес қосып келеді.
Қазақстанның қыздар құрамасының (U18) бас бапкері болып Темірғазы Азиза тағайындалды. Ол команданы жауапты іріктеу матчтарына дайындайды.
Жаңалықтарды қадағалап, Азия кубогына жолдама үшін күресте қыздарымызға қолдау көрсетіңіздер!
Біздің сайттағы жаңалықтарды оқып, қазақстандық баскетболға қатысты барлық шаралар туралы хабардар болыңыздар. Instagram, Facebook, Vkontakte әлеуметтік желілері мен YouTube арнамызға жазылыңыздар.
