Қазақстан Республикасының
Ұлттық баскетбол федерациясы

Азия Кубогі -2025: Қазақстан құрамасының Үндістан құрамасына қарсы матчына БАҚ аккредитациясы

29.01.2024    Оқылғаны: 777
Дереккөз: Баспасөз қызметі
Құрметті БАҚ өкілдері! ФИБА халықаралық баскетбол федерациясының арнайы Медиа-порталында 2025 жылғы ерлер командалары арасындағы баскетболдан Азия кубогі іріктеу матчтарына БАҚ өкілдерін аккредитациялау ашылды. Тіркеу 2024 жылдың 18 ақпанына дейін қолжетімді болады.

Қазақстан құрамасының іріктеу аясындағы Үндістан командасына қарсы матчы 23 ақпан күні Астана қаласындағы "Сарыарқа" республикалық велотрегінің аренасында өтеді. Ойынның басталуы елорда уақытымен 20:00-де. Билеттер тек Zakazbiletov.kz онлайн сайтында сатылады.

Аккредитацияға өтінім беру жөніндегі нұсқаулық:
  • Ерлер ұлттық командаларының алдыңғы іріктеу сынындағыдай, өтініш беру үшін әрбір журналист ФИБА медиа-порталындағы жеке профильді пайдалануы керек (немесе егер сіз ФИБА іс-шараларына бірінші рет тіркелсеңіз, жаңа профиль ашуыңыз керек). Қазіргі уақытта медиа-портал төрт тілде қолжетімді: ағылшын, испан, француз және қытай.
  • Барлық қажетті профильдегі сұрақтарға жауап берілген соң (аты, тегі,  БАҚ атауы және түрі, телефон, жеке фотосурет және т.б.) my Events қойындысына өтіп, FIBA Asia Cup 2025 Qualifiers (window 1) таңдап, қолдану түймесін басыңыз.
  • Ойынды онлайн көру үшін аккредитациялау әлі де қолжетімді. Ол аренада отырмаған журналистерге ұйымдастырушылардан матч туралы барлық материалдарды тез алуға, сондай-ақ ойынға дейін және одан кейін жаттықтырушылар мен ойыншыларға қойылатын сұрақтарды жіберуге көмектеседі.
  • Баскетбол туралы соңғы жарияланымдардың біріне сілтеме жасау міндетті шарт екенін ескеріңіз.
  • Өтінімнің барлық тетіктерін толтырғаннан кейін оны Apply батырмасын қайта басу арқылы жіберу қажет. Сіз көрсеткен электрондық мекенжайға өтінімді тіркеуді растау келіп түскеніне көз жеткізіңіз (аккредитацины растау болып табылмайды).
  • Өтінімдерді қабылдау 18 ақпан орта еуропалық уақыт бойынша 23:59-да аяқталады (19 ақпан Астана уақыты бойынша 04:59-да). Матч күні аккредитацилаудан өту мүмкін емес!
Аккредитацилауға байланысты барлық сұрақтарды ҰБФ баспасөз қызметі электрондық пошта мекенжайына қабылдайды pr@nbf.kz немесе FIBA accreditation@fiba.basketball.

Қазақстан ұлттық құрамасының 2025 жылғы Азия Кубогі іріктеуіне қатысуы туралы толық ақпарат, команда құрамы, турнирлік кестелер, матчтардың кестесі мен нәтижелері біздің сайтымызда Құрамалар бөлімінде жарияланған.

Естеріңізге сала кетейік, жеребе қорытындысы бойынша "Дала қасқырлары" іріктеу кезеңінде «Е» тобында Иран, Үндістан және Катар  құрамаларына қарсы ойнайды.

Ойындар кестесі:
  • 23 ақпан 2024: Қазқстан – Үндістан
  • 26 ақпан 2024: Катар – Қазақстан
  • 22 ақпан 2024: Иран – Қазақстан
  • 25 ақпан 2024: Үндістан – Қазақстан
  • 21 ақпан 2025: Қазақстан – Катар
  • 24 ақпан 2025: Қазақстан – Иран
 
Азия Кубогі 2025 жылдың 5-17 тамызы аралығында Сауд Арабиясында өтеді.

Ұлттық құрамаға көрсеткен қолдауы мен көмегі үшін ҚР Туризм және спорт министрлігіне, Спорт және дене шынықтыру істері комитетінің спортты дамыту дирекциясына, Ұлттық Олимпиада комитетіне, "Самұрық-Қазына" ұлттық әл-ауқат қорына, Астана қаласының әкімдігіне, Astana Saad қонақ үйіне, Arzu брендіне алғысымызды білдіреміз.
 

Біздің сайттағы жаңалықтарды оқып, қазақстандық баскетболға қатысты барлық шаралар туралы хабардар болыңыздар. Instagram, Facebook, Vkontakte әлеуметтік желілері мен YouTube арнамызға жазылыңыздар.


Подписывайтесь на нашу рассылку!