Қазақстан Республикасының
Ұлттық баскетбол федерациясы

Almaty Quest: Қонақтар турнир жоғары деңгейде өтіп жатқандығын айтты

24.09.2023    Оқылғаны: 1136
Дереккөз: Баспасөз қызметі
Алматы қаласы, Абай алаңында 3х3 баскетболынан Almaty Quest халықаралық турнирі өтіп жатыр. Қонақтар арасында алыс-жақын елдердіндегі баскетбол басшылары,  танымал қазақстандық жұлдыздар болды. Ұлттық баскетбол федерациясы турнир қонақтарының пікірін білді.
 
Қырғызстан баскетбол федерациясы презиленті Бахтияр Қадыров бұл турнир тек Қазақстан үшін ғана емес жалпы Орта Азия баскетбол қауымдастығы үшін үлкен мереке екендігін тілге тиек етті.

"Алматыда өтіп жатқан баскетбол мерекесі туралы айтқым келеді. Бұл Орта Азия мемлекеттеріндегі баскетбол үшін шынымен мереке. Турнирдің жоғары деңгейде өтіп жатқандығы көңіл қуантады. Әлемдік деңгейдегі корт, сапалы командалар бұның бәрі сіздер ұйымдастырған турнирдің биік деңгейін көрсетеді. Осы орайда Қазақстан Баскетбол федерациясы (Ұлттық баскетбол федерациясы) мен Алматы қаласының әкімдігіне ерекше алғыс айтқым келеді. Сіздер Орта Азия баскетбол жанкүйерлерін бір емес бірнеше мәрте қуантып келесіздер. Бұған дейін де Қазақстандағы турнирлер жоғары деңгейде өтетін. Бұл Қырғыз баскетболы үшін де бір меже болып қалмақ. Осы деңгейге жету үшін біз де бар күшімізді саламыз және сіздерге қарап бой түзейміз. Бұл турнир аясында көп нәрсе үйрендік, өзімізге керектігін алдық деп сеніммен айта аламын. Осы мерекені ұйымдастырушыларға тағы да бір рет алғыс айтқым келеді."

 
Қазақстандық танымал актер Әділ Ахметов те турнир қонақтары арасында болып, турнир туралы оң пікір білдірді.
 

«Мінеки Алатаудың бөктерінде, ару – Алматы қаласының төрінде керемет Almaty Quest халықаралық турнирі өтіп жатыр. Әр командада 3 адамнан, турнир өте тартысты өтіп жатыр. Корттағы оқиғалар көз ілеспес жылдамдықпен өткендіктен, турнир қызық өтуде деп айталамын. Командалардың да деңгейі жақсы екен. Бірінен бірі өтіп тұр. Өзім Астана қаласының тұрғыны болғандықтан астаналық  IMS командасының жеңгейін қалаймын. Осындай халықаралық жарысты жоғары деңгейде ұйымдастырып жатқан баршаға ерекше ықыласымды білдіргім келеді.»

 
3х3 баскетболынан «Almaty Quest» халықаралық турниріне 6 қазақстандық және 10 шетелдік команда қатысады. Турнир жеңімпазы Chengdu Masters Әлемдік туры жолдамасына ие болады.
            Турнир қонақтары арасында FIBA ​​3X3 басқарушы директоры – Алекс Санчез және Орта Азия аймағы бойынша 3х3 баскетболының жұлдыздары болды.
 

Біздің сайттағы жаңалықтарды оқып, қазақстандық баскетболға қатысты барлық шаралар туралы хабардар болыңыздар. Instagram, Facebook, Vkontakte әлеуметтік желілері мен YouTube арнамызға жазылыңыздар.


Подписывайтесь на нашу рассылку!