Көңіл айтамыз

2023 жылы 25 шілдеде баскетболдан Қазақ КСР-нің еңбек сіңірген жаттықтырушысы Байкин Анатолий Александрович қайтыс болды.

Анатолий Александрович 1951 жылы 10 қаңтарда дүниеге келген. Еңбек жолын 1969 жылы Екібастұз қаласындағы жасөспірімдер спорт мектебінде баскетболдан жаттықтырушы болып бастап, 51 жыл еңбек етті.

1980 жылы Павлодар педагогикалық институтын «Дене шынықтыру» мамандығы бойынша бітірген.

Байкин А.А.ның бапкерлік қызметі. №1 БЖСМ қабырғасында өтті. Оның күшімен Екібастұз өңірінде баскетбол қайта жанданып, дамыды. Анатолий Александрович жас ұрпақты тәрбиелеуге, дене шынықтыру мен спортты насихаттауға үлкен үлес қосты, республика мен қаланың беделді спортшыларын дайындады.

Анатолий Александровичтің көпжылдық және жемісті жұмысы республиканың спорт қоғамдастығы арасында лайықты беделге ие болды.  Осы жылдар ішінде ол өзін жоғары білікті маман, іскер де жауапты жаттықтырушы және дарынды ұстаз-тәлімгер ретінде көрсете білді.

Анатолий Александровичтің шәкірттері арасында:

• ҚР халықаралық дәрежедегі спорт шебері – 1 адам;
• Қазақстан Республикасының спорт шебері – 6 адам;
• Спорт шеберіне үміткер – 28 адам;
• 1 спорттық разряд – 260 адам.

Анатолий Александровичтің шәкірттерінің арасында көрнекті спортшылар бар:

• Олег Мелещенко – Халықаралық дәрежедегі спорт шебері, Еуропа және КСРО құрама командаларының мүшесі, Аргентинада өткен әлем чемпионатының күміс жүлдегері;
• Захарченко Федор – Қазақстан Республикасының спорт шебері, Азия чемпионатының күміс жүлдегері;
• Антон Куценко – Қазақстан Республикасының спорт шебері, жастар арасындағы Азия чемпионатының қола жүлдегері.

2014 жылы Байкин А.А. лайықты демалысқа шығып, 2020 жылға дейін №1 жасөспірімдер спорт мектебінің әдіскері қызметін жалғастырып, тәлімгерлік жұмыстарын атқарып, өзінің бай тәжірибесін жас жаттықтырушыларға үйретті.

1987 жылдың қазан айында жоғары санатты спортшыларды дайындаудағы табысы үшін оған Қазақ КСР-нің еңбек сіңірген жаттықтырушысы – Құрметті спорт атағы берілді.

Көп жылғы еңбегі және дене шынықтыру мен спортты дамытуға қосқан зор үлесі үшін Анатолий Байкин бірнеше рет Екібастұз қаласы әкімінің, Павлодар облысының дене шынықтыру және спорт басқармасының Құрмет грамоталарымен және алғыс хаттарымен марапатталған.

• 2011 жыл - «Қазақстан Республикасының Тәуелсіздігіне 20 жыл» мерейтойлық медалі;
• 2021 жыл - «Қазақстан Республикасының Тәуелсіздігіне 30 жыл» мерейтойлық медалі.

Ұлттық баскетбол федерациясы және барша баскетбол қауымдастығы марқұмның отбасына, туған-туыстары мен жақындарына қайғыларына ортақтасып көңіл айтады.

---

Біздің сайттағы жаңалықтарды оқып, қазақстандық баскетболға қатысты барлық шаралар туралы хабардар болыңыздар. Instagram, Facebook, Vkontakte әлеуметтік желілері мен YouTube арнамызға жазылыңыздар.