КӨҢІЛ АЙТАМЫЗ

Шора Қадырұлы Алматы облысы, Жамбыл ауданы, Ақтерек ауылында дүниеге келген. Білімі жоғары, дене тәрбиесі техникумын және Қазақ мемлекеттік дене шынықтыру және спорт институтын бітірген. 1958-1959 жылдары Қазақ КСР баскетбол құрамасының мүшесі болды. 1959 жылдан Талғар ауыл шаруашылығы және механикаландыру техникумында оқытушы болып жұмыс істеп, Алматы облысының баскетболдан ерлер және әйелдер құрамаларының жаттықтырушысы болды. Оның тәрбиеленушілері орта арнаулы оқу орындары арасында Республиканың үш дүркін чемпионы және Алматы облысының жеті дүркін чемпионы атанды.

1974 жылдан «Университет» А класс шеберлерінің әйелдер командасының және баскетболдан Қазақстан ұлттық құрамасының жаттықтырушысы болды. Осы кезеңде ол чемпиондарды тәрбиеледі: Надежда Ольхова – 2 дүркін Олимпиада чемпионы, Әлем, Еуропа және Дүниежүзілік Универсиада чемпионы; Галина Кудреватова – Әлем және Еуропа чемпионы; Галина Быняева – Еуропа чемпионы; Вера Гришина, Валентина Молярчук, Валентина Соломеева – Дүниежүзілік Универсиада чемпиондары; Альбина Жексенбаева, Ирина Жұмабекова Қазақстан мен «Буревестник» КС чемпиондары. 1984 жылдан 1987 жылға дейін келісім-шарт бойынша Ангола Халық Республикасында баскетбол жаттықтырушысы болып жұмыс істеді. 1987 жылдан 1997 жылға дейін Қазақ КСР Спорт комитетінде мемлекеттік жаттықтырушы болып жұмыс істеді, Қазақстан республикасы баскетбол федерациясының вице-президенті болды. Қазақстан Республикасы Баскетбол ардагерлері кеңесін басқарды, «КСРО дене шынықтыру ісінің үздігі», «Қазақстан Республикасының құрметті спорт қызметкері», «Қазақстан ҰОК Құрмет белгісі» төсбелгілерімен марапатталған. «ҚР ҰОК алтын ордені». Спорт және туризм академиясының құрметті профессоры атағы бар.

Оның ісіне жанқиярлықпен және адал қызмет етудің жарқын үлгісі. Шора Қадырұлы барлық мәселені шешуге ілтипатпен қарайтыны, адамдарға деген ізгі көзқарасы және өмірін арнаған іс үшін жауапкершілік сезімін жоғарылатуымен құрметке ие болды.

Ұлттық баскетбол федерациясы және барша баскетбол қауымы марқұмның отбасына, туған-туыстары мен жақындарына қайғыларына ортақтасып көңіл айтады. Бұл ғажайып адамның жарқын естелігі оны білетін, сүйген, құрметтеген жандардың жүрегінде мәңгі сақталады.

---

Біздің сайттағы жаңалықтарды оқып, қазақстандық баскетболға қатысты барлық шаралар туралы хабардар болыңыздар. Instagram, Facebook, Vkontakte әлеуметтік желілері мен YouTube арнамызға жазылыңыздар.