WASL-8: «Астананың» жартылай финалдағы қарсыласы?

15.06.2023 Оқылғаны: 179

Дереккөз: Баспасөз қызметі

«Астана» КПК өз тобында бірінші орын алып West Asia Super League-8 турнирінің жартылай финалына шықты. Жартылай финалда астаналықтарға Бахрейн елінің атақты Манама командасы қарсылас атанады.

«Аль Манама» – 1946 жылы негізі қаланған Бахрейн Премьер-лигасында ойнайтын кәсіпқой баскетбол клубы. Бүгінде Бахрейн баскетбол тарихындағы рекордтық 21 чемпиондық, 18 кубок және 5 суперкубок титулдарын жеңіп алған осы елдегі ең беделді клуб саналады.

WASL-8 турнирінің финалдық кезеңіне «Шығанақ лигасында» 2-орын алып, жолдама алды. Әуелі топтық кезеңдегі 6 ойынның 4-еуін жеңіп плей-офф кезеңіне шықты. Плей-офф кезеңінде кувейттік «Казма», Сауд Арабиясының Аль Хилал командаларын жеңіп, «Шығанақ лигасының» финалына шықты. Финалда қос ойынның қорытындысы бойынша Кувейт Клабқа есеп жіберді.

WASL-8 турнирінде «А» тобында сынға түсіп әуелі ливандық Аль Рияди командасында 84-112 есебімен жол берсе, екінші ойында 86-75 есебімен Бейрут клабтан басым түсіп, өз тобында 2-орын алды.

Астана және Аль Манама клубтары бұған дейін өзара кездеспеген. Жартылай финалдық ойын 16 маусым күні 21:00-де Qazsport арнасында.

Астана командасына сәттілік тілейміз!

Біздің сайттағы жаңалықтарды оқып, қазақстандық баскетболға қатысты барлық шаралар туралы хабардар болыңыздар. Instagram, Facebook, Vkontakte әлеуметтік желілері мен YouTube арнамызға жазылыңыздар.