«Астана» КПК West Asia Super League 8 турнирін сәтті бастады

Сегіздік финалында «Астана» командасынан бөлек 6 команда сынға түсіп жатыр. Олар: Аль Рияди Бейрут (Ливан), Аль Манама (Бахрейн), Бейрут Клаб (Ливан), Кувейт Клаб (Кувейт), Шахрдари Горган (Иран) Шабаб Аль Ахли (БАӘ). 

Алғашқы ойында Астаналықтар Біріккен араб әмірліктерінен келген Шабаб Аль Ахли клубынан 80-73 (21-16, 28-20, 12-17, 19-20) басым түсті. Бұл ойында Маркелл Джонсон 16 ұпай және 7 нәтижелі паспен «Астана» сапында үздік ойыншы атанды. Карвел Андерсон (19 ұпай, 3 қағып алу, 4 ассист) мен Мартин Крампель (12 ұпай, 3 қағып алу) да жақсы өнер көрсетті.


Екінші турда Астаналық команда Иран чемпиондары Шахрдари Горган командасымен күш сынасты. Қос қарсылас ойынды тең бастағанымен, соңғы бөлімінде ирандық команда 76-72 есебімен 4 ұпайға дейін ұзап кеткен болатын. Алайда Олег Киселев баптаған команда қарсыластарын қуып жетіп, жеңісті жұлып алды. Қорытынды есеп 87-71 «Астана» командасының пайдасына.


Қос турдан соң Астана командасы 4 ұпаймен турнир кестесінде Кувейт Клаб командасынан кейінгі 2-орында келеді. Бүгін соңғы шешуші ойында Астаналықтар турнир фавориттерінің бірі – Кувейт клаб командасымен күш сынасады.

Жігіттерімізге сәттілік тілейміз!

---

Біздің сайттағы жаңалықтарды оқып, қазақстандық баскетболға қатысты барлық шаралар туралы хабардар болыңыздар. Instagram, Facebook, Vkontakte әлеуметтік желілері мен YouTube арнамызға жазылыңыздар.