"IRBIS Almaty" және "Ақтөбе" жеке қарсыласудың үшінші айналымында кездеседі

30 қараша мен 1 желтоқсанда Алматыда Ұлттық лиганың ерлер командалары арасында баскетболдан Қазақстан чемпионатының екі матчтық ойындар сериясы өтеді - "IRBIS Almaty" өзінің аланыңда "Ақтөбе" ұжымымен кездеседі.

Осыдан он күн бұрын командалар Ақтөбеде кездесіп, серияда қонақтар екі сенімді жеңіске жетті. Қазан айының ортасында Алматыда өткен серияда қарсыластар жеңістерімен бөлісті. Осылайша, "Irbis Almaty" 3:1 есебімен жеке қарсыласуда көш бастап тұр. Сонымен қатар, алматылықтар ақтөбеліктерден бірнеше пунктке озып кетті: "IRBIS Almaty" – үшінші, ал "Ақтөбе" – бесінші. Бұл ретте командалардың жеңістер саны бірдей – 4, ал ақтөбеліктерде жеңілістері төрт есе көп. Екі командаға да бұл матчтарда жеңіс қажет. Алматылықтардың нәтижесі тиімді болса, олар кестенің екінші қатарына көтеріле алады, ал грифондар жеңсе төртінші қатарға жайғаса алады. Дегенмен, бұл серияда алматылықтар басым түсетін сияқты.

Матчтар Алматыда 30 қараша мен 1 желтоқсанда "Достық" спорт кешенінің аренасында өтеді. Екі кездесу елорда уақытымен 20:00-де басталады. Ойындардың тікелей көрсетілімдері біздің сайттың басты бетінде және Kazakhstan Basketball YouTube арнасында қолжетімді болады.

Турнир мен командалар туралы толық ақпарат, турнир кестелері, матчтардың кестесі мен нәтижелері, командалар мен ойыншылардың статистикасы, турнирдің рекордтары мен көшбасшылары Турнирлер бөлімінде жарияланған.

---

Біздің сайттағы жаңалықтарды оқып, қазақстандық баскетболға қатысты барлық шаралар туралы хабардар болыңыздар. Instagram, Facebook, Vkontakte әлеуметтік желілері мен YouTube арнамызға жазылыңыздар.