Қазақстан Республикасының
Ұлттық баскетбол федерациясы

Баскетболдан Қазақстан құрамасының жаңа капитаны тағайындалды

10.11.2022    Оқылғаны: 75
Дереккөз: Баспасөз қызметі
Баскетболдан Қазақстан Ұлттық құрамасының бас бапкері Олег Киселев, Шаим Қуановты жаңа капитан етіп тағайындады. Бұған дейін бұл міндетті Рустам Мурзагалиев атқарған еді.

"Рустам үш жыл қатарынан Ұлттық құраманың капитаны болып, "Астана" БК капитан болды. Қазіргі уақытта клуб психологиялық және физикалық күйзелісте деп айтуға болады. Себебі команданың күнтізбесі тығыз. Сол үшін Рустам алдағы ойынға баса назар аударуы керек деп ойладым. Біз онымен сөйлесіп, осындай шешімге келдік. Мен Шаим Қуановты жаңа капитан етіп тағайындадым. Менің ойымша, бұл жақсы және дұрыс таңдау. Рустам оның көмекшісі болады, менің ойымша, Шаим бұл жұмысты жақсы жүргізеді! Сонымен қатар, біз адамдарға сенім білдіріп, сол сенімді ақтайтынына көз жеткізуіміз керек", - деп айтты баскетболдан Қазақстан Ұлттық құрамасының бас бапкері Олег Киселев.

2019 жылдан бастап Қазақстан құрамасының капитаны болған Рустам Мурзагалиев сенім білдіргені үшін алғысын білдіріп, Шаим Қуановтың ойыншы ретіндегі тәжірибесі оның капитандық лауазымдағы табысты жұмысына қызмет ететінін атап өтті. Айта кетейік, Рустам Мурзагалиев "Астана" БК капитаны болып қалады.

Шайым Қуанов – баскетболдан Қазақстан ерлер құрамасының капитаны
Шаим Қуанов - 1991 жылы 28 шілдеде Қостанай облысы Қамысты ауылында дүниеге келген. Баскетболмен 10 жасынан бастап айналысып келеді. Бірінші жаттықтырушысы - Александр Артюшихин. Облыстық және республикалық жарыстардың бірнеше дүркін чемпионы, ҚР Кубогының жүлдегері, Жоғары лиганың бірнеше дүркін чемпионы, Ұлттық лиганың жүлдегері. Баскетболдан Қазақстан ұлттық құрамасының қорғаушысы. "Тобыл" БК (Қостанай қ.) және "Каспий" БК (Ақтау қ.) командалары үшін өнер көрсетті. Қазір қостанайлық клубтың намысын қорғап жүр. Баскетболдан Қазақстан Республикасының спорт шебері.

2022 жылғы 11 және 14 қарашада Қазақстан 2022 FIBA Әлем Кубогына іріктеу кезеңі аясында Австралия мен Жапонияның құрама командаларын қабылдайды. Ойындар Астана қаласының "Сарыарқа" республикалық велотрегінде өтеді.



Біздің сайттағы жаңалықтарды оқып, қазақстандық баскетболға қатысты барлық шаралар туралы хабардар болыңыздар. Instagram, Facebook, Vkontakte әлеуметтік желілері мен YouTube арнамызға жазылыңыздар.


Подписывайтесь на нашу рассылку!