Антон Быков: "Мен бақытты адаммын, өйткені мен сүйікті ісіммен айналысамын!"

Баскетболдан Қазақстанның ерлер Ұлттық құрамасы 2023 жылғы Әлем кубогының іріктеу кезеңіндегі күресін жалғастыруда. Айта кетейік, еліміздің баскетбол командасының ойыншылары бұрын-соңды Әлем кубогына шығуына осылай жақын болған емес. Ол үшін "Дала қасқырларына" тағы да жеңіс керек. Айта кетейік, 11 және 14 қарашада "Дала қасқырлары" Австралия мен Жапония құрамасымен кездеседі. Біздің қасқырлар алдағы маңызды ойындарға дайындалуда. Осыған байланысты біз сіздерді Қазақстан құрамасының негізгі ойыншыларымен таныстыруды жалғастырамыз.
 
Антон Быков 1989 жылы 18 сәуірде Өскемен қаласында дүниеге келген. Қазақстандық кәсіби баскетболшы. Орталық позицияда ойнайды. "Тобыл" баскетбол клубында өнер көрсетеді. Өскемен баскетболының тәрбиеленушісі. 2010 жылы Быков алматылық "ЦСКА" - дан "Қапшағайға" ауысты. 2016 жылы Антон "Тобылмен" келісімшартқа отырды. Ұлттық құрамада ойнайды. 2015/2016 ж. Қазақстанның қола жүлдегері; 2014, 2016 жж. Қазақстан Кубогының күміс жүлдегері; 2015 ж. Қазақстан Кубогының қола жүлдегері; 2009/2010, 2011/2012 жж. Қазақстан Жоғары лигасының чемпионы.
 
- Неліктен барлық спорт түрлерінің ішінен таңдау баскетболға түсті?
- Бала кезімде футбол, волейбол, күреспен айналыстым. Баскетболмен де шұғылданғам. Кейін бұл спорт менің жаныма жақын екенін түсіндім.  Осы күнге дейін мен баскетболмен өмір сүріп келемін.
 
Сіздің отбасыңыз баскетболшы болам деген шешіміңізді қалай қабылдады?
 
- Ата-аналарым баскетболға қарсы болмады. Себебі мен сабағымды қатар алып жүрдім. Менің алғашқы білімім спортпен байланысты емес еді. Сол себепті спорттық білімді, кәсіби баскетболшы болған кезде алдым.

Сіздің бойыңызға баскетболдың негізін кім сіңірді?
- Баскетболға деген сүйіспеншілік маған мектеп кезінде пайда бола бастады. Біз балалармен үнемі доп лақтыру үшін көше кезіп жүретінбіз. Мені Алматы ЦСКА-ға шақырған кезде мен кәсіби дағдыларды үйрене бастадым.
 
Баскетбол сіздің өміріңізде қандай рөл атқарды?
- Баскетбол менің өмірімде өте маңызды рөл атқарады, мен бақытты адаммын, өйткені мен сүйікті ісіммен айналысып келемін.
 
Сіз өзіңізге қандай мақсаттар қоясыз?
- Бүгінгі күннің басты мақсаты - жаңа маусымда жақсы өнер көрсетіп, лайықты командалық ойын көрсету және еліміздің бас командасымен Әлем чемпионатына өту.
 
Кәсіби мансабында алғашқы қадамдарын жасап жатқан баскетболшылардың жас буынына қандай кеңес бересіз?
- Баскетболмен табандылықпен айналысып, өзіңізге сеніңіз! Командалық спорт түрі болғанына қарамастан жеке қасиеттеріңізді дамытуды ұмытпау керек.
 
Бүгінгі таңда Қазақстандағы баскетболдың жағдайын қалай бағалайсыз?
- Біздің алдымызда қызықты маусым күтіп тұр. Қазақстандық баскетболда көптеген жаңалық бар. Астананың жаңа командасы, Алматыдан келген жаңа команда. Менің ойымша, барлық командалар осы маусымның басталуына дейін өз құрамдарын жақсы нығайтты.
 
Қараша айында Австралия мен Жапония құрамасына қарсы екі матчқа дайындық қалай?
- Оларға дайындықпен келеміз деген ойдамын. Біз жеңіске жетуге бар күш-жігерімізді саламыз!
 
Ұлттық баскетбол Федерациясының атынан Антон Быковқа сұхбат бергені үшін үлкен алғысымызды білдіреміз! Сізге зор денсаулық тілейміз. Бізді өз жетістіктеріңізбен қуантуды жалғастыра беріңіз!

Ұлттық құрамаға көрсеткен қолдауы мен көмегі үшін ҚР мәдениет және спорт министрлігіне, Спорт және дене шынықтыру істері комитетінің спортты дамыту дирекциясына, Ұлттық Олимпиада комитетіне, "Самұрық-Қазына" ұлттық әл-ауқат қорына, "Sport Qory" туризм және спорт индустриясын қолдау қорына, Нұр-Сұлтан қаласының әкімдігіне алғысымызды білдіреміз.

---

Біздің сайттағы жаңалықтарды оқып, қазақстандық баскетболға қатысты барлық шаралар туралы хабардар болыңыздар. Instagram, Facebook, Vkontakte әлеуметтік желілері мен YouTube арнамызға жазылыңыздар.