«Астана» Ұлттық лиганың жаңа маусымын өз алаңындағы ойынмен бастап, "Атырау барыстарын" жеңді

Ұлттық Лиганың жаңа маусымы елордада басталды, онда жергілікті "Астана" командасы "Атырау Барыстарын" қабылдады.

Ойын барысы: Ойынның алғашқы минуттары тең дәрежеде өтті. Бірақ нәтижелі ойын болды деп айтуға келмейді. Кездесудің алғашқы бес минутында көшбасшы бірнеше рет өзгерді. Бірінші кезеңнің ортасына қарай алаң иелері бірнеше ұпай мен алға шықты. Бірінші кезеңнің екінші бес минутында командалар әлі де ұпай жинағысы келмеді. Есесіне "Барыстар" ұпай санын теңестгенімен "Астана" ойын тізгінін өз қолында қалдырды – 15:12. Екінші кезеңде алғашқы ұпайларды алаң қонақтары өз есебіне жазды, бірақ "Астана" бірден серпіліс жасап, алға қарай ұмтылды. Алайда," Атырау барыстары" еңселерін түсірмей матчтың екінші кезеңінің ортасына қарай 2 ұпайға ғана ұтылып тұрды. Ойыншылардың жүйкелері сыр беріп, араларында қақтығыс та болды. Кездесудің бірінші жартысының соңына дейін командалар тепе-тең жүрді, айырмашылық 3-5 ұпай аралығында болды. Алаң қожайындары өздерінің басымдығын сақтап қалып, 39:35 есебімен үлкен үзіліске аттанды.


"Атырау барысы" матчтың екінші жартысын сәтсіз бастады. Батыстан келген команда үшінші тоқсандағы алғашқы ұпайларын бес минут өтісімен жинады. Елордалық команданың басымдығы тез өсіп, бес минут ішінде төрт ұпайдан жиырма ұпайға бірден жетті.  Бірнеше минуттардан кейін бұл межеден де асып түсті. Нәтижесінде, матчтың аяқталуына он минут қалғанда астаналық ұжым 69:47 есебімен алда тұрды. Олег Киселевтің командасы төртінші он минуттықта өз басымдылығын сақтап қалды. Қорытынды есеп - 92:59. 
 
Шешуші сәт: ойынның бірінші жартысы теке тіреспен өтті, бірақ үшінші кезеңде, әсіресе оның басында, "Астана" алаңда сөзсіз үстемдік етіп, ұпайдағы өз алшақтығын бірнеше есеге арттырды. Әрине, "Барыстар" мұндай соққыдан бірден айығып кете алмай жеңіліске ұшырады.

Матчтың үздік ойыншысы: Дмитрий Гаврилов алаңда шамамен 16 минут болып, матчтың ең нәтижелі және тиімді ойыншысы ретінде танылды.

Матч көшбасшылары:

• "Астана": Дмитрий Гаврилов (17 ұпай, 4 рет допты алу, 1 блокшот), Майкл Майерс (16 ұпай, 2 рет допты алу, 3 пас, 2 ұстап алу, 1 блокшот), Роман Марчук (14 ұпай, 5 рет допты алу).
• "Атырау барысы": Эрик Макгилл (11 ұпай, 5 рет допты алу, 2 пас, 5 ұстап алу), Дэвин Гилмор (10 ұпай, 3 рет допты алу, 1 блокшот), Рустам Өтеген (9 ұпай, 2 рет допты алу, 4 пас, 3 ұстап алу).

Нәтижесі: "Астана" Ұлттық лига маусымын сенімді бастап, бірден турнирлік кестеде көш бастады.

Келесі ойындар: ертең 30 қыркүйекте "Астана" және "Атырау Барыстары" командалары осы «серия аясында Сарыарқа" велотрегінің алаңында, елорда уақыты бойынша сағат 19:00-де тағы кездесу өткізеді. Ойынның тікелей көрсетілімін біздің сайттымыздан және Kazakhstan Basketball YouTube арнасында тамашалауға болады.

Турнир мен командалар туралы толық ақпарат, турнирлер, матчтардың кестесі мен нәтижелері, сонымен қатар командалар мен ойыншылардың статистикасы, турнир рекордтары мен көшбасшылары сайтымыздағы Турнирлер бөлімінде жарияланған.

---

Біздің сайттағы жаңалықтарды оқып, қазақстандық баскетболға қатысты барлық шаралар туралы хабардар болыңыздар. Instagram, Facebook, Vkontakte әлеуметтік желілері мен YouTube арнамызға жазылыңыздар.