Қазақстан Республикасының
Ұлттық баскетбол федерациясы

Ерлер ұлттық лигасының 2022/2023 маусымы командаларының таныстырылымы

28.09.2022    Оқылғаны: 303
Дереккөз: Баспасөз қызметі
Ұлттық лиганың ерлер командалары арасындағы баскетболдан Қазақстан чемпионатының жаңа маусымы алдында сіздердің назарларыңызға XXXI-ші чемпионатта чемпиондық титул үшін күресетін командалар жайындағы ақпаратты ұсынамыз.

Турнирге қатысуға өтінім 5 команда берді: қазіргі чемпиондар - "Астана", Ұлттық лиганың көшбасшылары мен күміс жүлдегерлері - "Атырау Барыстары", өткен маусымның қола иегерлері - "Ақтөбе", қостанайлық "Тобыл", сондай-ақ еліміздің оңтүстік астанасының дебютанттары - "IRBIS Almaty".
"Астана", Астана - Қазақстанның қазіргі чемпиондары маусымаралық ребрендинг өткізіп, ойын алдындағы ең үлкен өтінім берген клуб.

Қазақстандықтар: "Астананың" өткен маусымдарындағы ростер негізінен екі ойыншы – Николай Бажин мен Роберт Пан биылғы маусымда еліміздің оңтүстік астанасына көшіп кетіп, "Irbis Almaty" командасына өнер көрсететін болады. Қалған қазақстандықтар – капитан Рустам Мырзағалиев, Максим Марчук, Дмитрий Гаврилов, Вадим Щербак, Руслан Айтқали, Олег Балашов және Андрей Литвиненко. Сондай-ақ, өткен маусымда жарақатынан айыққан Асқар Майдекин "Астана" сапында қалды. Өткен маусымдағыдай, елордалық команда академиядан Әлижан Ыдырысжан, Асқар Серімбет, Мұхаммедәлі Сайранов, Әсет Амангелдинов және Әмірәлі Сүлейменов сияқты жастарын еліктіретін болады. Айта кету керек, Антон Пономарев "Ақтөбедегі" бір маусымнан кейін құрамаға қайта оралды, ал Роман Марчук тоғыз маусымнан кейін елордалық команданың формасын киді. Осы уақыт ішінде ол "Алматы легионы", "Каспий", "Синегорья" және "Атырау Барыстары" құрамаларында ойнап, үш рет Қазақстан Кубогының иегері атанды. "Каспийдің" төрт ойыншысы – Ақтау командасының өткен маусымының көшбасшыларының бірі Константин Нефф, сондай – ақ Александр Оразбеков, Мағжан Сәрсенғалиев және Валерий Симонов осы маусымда "Астанаға" жаңадан келіп қосылды. Владислав Исаенко соңғы екі маусымда Жоғары лигада Алматы облысынан команда құрамында жақсы өнер көрсеткен, ал Артур Джунусов та жоғары лига – "Атырау Барсы 2" және "SC Qazaqstan" шеңберінде өнер көрсеткен. Ал, Сардал Абашидзе үшін бұл ересектер чемпионаттарындағы дебют болмақ.

Легионерлер: Елордалық ұжым кезекті рет маусымаралық кезеңде шетелдік ойыншыларды алмастырды. Командадан американдықтар Энтони Хики, Скайлар Спенсер және Антонио Кэмпбелл, сондай-ақ ресейлік Марк Тихоненко кетіп қалды. Осы маусымда "Астана" құрамын екі америкалық ойыншы толықтырды. Шабуылшы Майкл Майерс француз, эстон, фин, итальян, бельгия, чех, украин және оңтүстік корея командаларының құрамында болды. Бельгия, Чехия және Украина чемпионы атанды. Ол тек жергілікті чемпионаттарға ғана емес, Еурокубоктарға да қатысты. Қорғаушы Дэондре Паркс өзінің мансабында Ұлыбританияда, Грузияда, Кипрде, Тунисте, Канадада, Израильде, Финляндияда және Венгрияда ойнап үлгерді және өз қорында Ұлыбритания Кубогы мен Финляндия чемпионатын иемденді. Сондай-ақ, "Астана" құрамына тәжірибелі ресейлік форвард Валерий Лиходей келді, ол өзінің мансабы барысында тек үздік ресейлік командаларда ғана емес, Литва, Италия және Польшада ойнап үлгерді. Жастар Еуролигасының жеңімпазы және ФИБА шақыру Кубогы мен Еуропа Кубогының иегері. Қорғаушы Даниил Аксенов "Астанаға" келгенге дейін ресейлік суперлигадағы бірнеше команданы ауыстырды.

Жаттықтырушылар штабы: "Астананың" жаттықтырушылар құрамы биылғы маусымда айтарлықтай өзгерді, өткен маусымнан бастап өз лауазымдарын тек медицина қызметкерлері – дәрігер Дамир Абильдин мен массажист-дәрігер Тамерлан Батыргалиев, сондай – ақ спорт директоры - Рүстем Мұқанов сақтап қалды. Команданың жаңа бас бапкері ресейлік маман Олег Киселев атаңды. Олег Валерьевич қазақстандық баскетболда танымалдылығы бар, бұл уақытқа дейін ол еліміздің бір-неше баскетбол клубтарын жаттықтырып, Қазақстандық жарыстарға белсенді қатысып келеді. Оның басшылығымен ақтаулық "Каспий", "Алматы легионы", көкшетаулық "Синегорье" және "Атырау Барыстары" ойындарға қатысты. Ол 15/16 маусымда Қазақстан чемпионы атанған Атырау ұжымын басқарды. Осы жаздың басында Олег Киселев Қазақстан құрамасының бас бапкері болды. Киселевтің көмекшілері де бар. Ресейлік бапкер Глеб Плотников Қазақстан чемпионатында дебют алатын болса, бұған дейін ол ресейлік Суперлига командаларының жаттықтырушылар штабында болған. Тағы бір ресейлік Михаил Лоншаков өткен маусымды Ақтау "Каспий" жүйесінде жұмыс істеді, ал өткен маусымда Ақтаудың бас ұжымын басқарды. Қазақстандық Леонид Воронушкин бірнеше маусым бойы "Алматы легионы" жүйесінде Олег Киселевтің көмекшісі болды. Ал команданың физикалық дайындығына тәжірибелі қазақстандық маман - Ринат Абитов жауап береді.
"Атырау Барыстар", Атырау – өткен маусымның финалистері мен астаналық ұжымның өткен бірнеше маусымның чемпиондық атақтары үшін күрестегі басты қарсыластары - Қазақстан Кубогының қазіргі иегерлері болып табылады.

Қазақстандықтар: Өткен маусымнан бастап негізгі ойыншылардан "Астанаға"көшкен Роман Марчук командадан кетті. Сонымен қатар, Мерей Уапов осы маусымда ойыншы ретінде емес, екінші команданың жаттықтырушылар штабына кірді. Алексей Аленушка "Қарағандыға" қайта ауысты, сондай-ақ командадан Диас Арықов кетті. Қазақстандық негізден Владимир Иванов, Рустам Өтеген және Марат Әділхан қалды. Атырау ұжымының маусым алдындағы өтініміне өткен маусымдарда Жоғары лигада екінші команданың түстерін қорғаған, ал негізгі құрамға қосылған жергілікті тәрбиеленушілердің үлкен когорттары - Тимур Тангиев, Богдан Рабченюк, Махамбет Казимов, Рамазан Самсин және Рахат Таукен кірді. Сондай-ақ, павлодарлық "Ertis" клубынан Әли Исағұлов пен Мейрамбек Шамұратов ауысты. Айта кету керек, негізгі Атырау командасы өз ойындарына "Атырау Барыстары 2" фарм-командасынан ойыншыларды тарта алады.

Легионерлер: Америкалық Джордан Уотсон мен Данте Макгилл, сондай-ақ екі Белорус Денис Викентьев пен Андрей Рогозенко маусымаралық кезеңде Атырау ұжымынан кетті. Жаңа маусымда команда екі американдықты - Дэвин Гилмор мен Эрик Макгиллді таныстырды. Орталық Дэвин Гилмор университет командасынан кейін кәсіби баскетболда бір маусымды Ирландия чемпионатында ойнады. Эрик Макгиллдің маңсабында кәсіпқой баскетболда бір ғана Маусым тәжірибесі бар. Ол оны Болгария чемпионатында өткізген еді.

Жаттықтырушылар штабы: Атыраулықтардың жаттықтырушылар штабы өткен маусымнан өзгере қойған жоқ. Командадан Босниялық маман-бас бапкердің көмекшісі - Огнен Молевич кетті. Осы маусымда команданы Армениядан келген жаттықтырушы Тигран Гекчян басқарады, ал екінші құрамды басқаратын қазақстандық Александр Лысяк пен бас бапкердің көмекшісі-литвалық Юрис Васильевс. Сонымен қатар, Александр Литвиненко бұрынғыдай ойыншылардың денсаулығына камқорлық етеді.
"Ақтөбе", Ақтөбе - Ұлттық лигаға жаңадан келген команда төртінші маусымын өткізеді, бірақ өткен маусымда тарихта бірінші жүлделі орынға ие болды. Сонымен қатар, "Ақтөбе" маусым алдындағы ең аз өтініш берген команда.

Қазақстандықтар: Антон Пономарев Ақтөбе командасымен келісімшартты ұзартпады, бірақ "Астанаға" оралды. Сондай-ақ, өтінішке Глеб Жуков, Александр Евдокимов және Бақыт Маханалин кірмеді. "Ақтөбеде" өз мансабын өткен маусымда өнер көрсеткен негізгі ойыншылардың көп бөлігі жалғастырады - Сергей Борматенков, Василий Петришинец, Константин Двирный, Александр Папшив және Богдан Лащ. Қостанайлық "Тобылдан" команданы қорғаушы Вадим Коржов толықтырды. Ақтөбе клубы екінші команданы Жоғары лигаға шығарып, өз құрамын сол жақтан толықтыра алады.

Легионерлер: Екі ресейлік легионер Иван Белоусов пен Глеб Толкачев маусымаралық кезеңде командадан кетті, бұл ретте Глеб Толкачев "Irbis Almaty" - ға көшті. Ал ресейлік ойыншы Борис Назмутдинов "Ақтөбеде" қалып, осы маусымға өтініш білдірді. Серб ортаншысы Никола Шакич өзінің кәсіби мансабында серб, македон, чех және словак командаларында өнер көрсету тәжірибесі бар. Ресейлік жас шабуылшы Роман Кобзев "Ақтөбеге" дейін бірнеше маусымды Саратовтың "Автодор" жүйесінде өткізді.

Жаттықтырушылар штабы: Команданы тағы да ресейлік маман және өткен маусымдағы Ұлттық лиганың үздік бапкері - Елен Шәкірова басқарады. Еске салайық, Элен аты аңызға айналған баскетболшы – Олимпиада чемпионы, Еуропа чемпионы. Ол ойыншы мен жаттықтырушы ретінде үлкен тәжірибеге ие. Көмекшісі қазақстандық Арсен Телеуов.
"Тобыл",Қостанай - Ұлттық лиганың байырғы ойыншыларының бірі, бірақ өткен маусымда қостанайлықтар төртінші орынды иемденді. Осы маусымның басында олардың өтінімдері көп болмағанмен, маусымның барысында топ күшейе түсуі мүмкін.

Қазақстандықтар: "Тобыл" сапынан Никита Тимофеев пен Даниэль Альбрант маусым аралығында шығып, екеуі де "Алматы легионы 2", Вадим Коржов – "Ақтөбеге" ауысып, Максим Жуков осы маусымда"ЧелГУ" сапында өнер көрсетеді. Сонымен қатар, маусым алдындағы өтінімде Максим Воейков жоқ. Ал Антон Быков, Шаим Қуанов, Павел Ильин, Асқар Ахметжанов, Рустам Валиев, Михаил Мудрагеля және Әнуар Симбаев "Тобылдың" намысын қорғауды жалғастыратын болады. Қазақстандықтардан команданы "ЧелМУ"командасының өткен маусымдағы көшбасшыларының бірі Әділбек Битенов толықтырды.

Легионерлер: "Тобыл" соңғы жылдары тек қазақстандық ойыншылармен өнер көрсетеді, бірақ осы маусымның алдындағы өтінімінде бірден қазақстандық паспорты жоқ екі ойыншы көрінді. Екеуі де өте жас, бірақ ресейлік жеңіл форвард Даниил Посашков "Новосібір" құрамында бірнеше маусым бойы иық тенестірген болса, Қырғызстан өкілі – Темірлан Капаков биыл ғана 18 жасқа толып, қостанайлық құрамының ең жас ойыншысы болып табылады.

Жаттықтырушылар штабы: "Тобылдың" жаттықтырушылар штабында бәрі тұрақты. Команданы баскетбол алаңына қазақстандық бапкер Тимур Сұлтанов шығарса, бапкердің көмекшісі ретінде бір-неше маусымдарда жұмыс атқарып жүрген Сергей Ратников жалғастырмақ.  
"Irbis Almaty", Алматы - Ұлттық лиганың дебютанты, бірақ бұл атау сіздерге таныс болмағанмен, жаңылыспаңыздар. Алматылық ұжым өткен маусымда жоғары Лиганы жеңіп алды, ол кезде ол "SC Qazaqstan" деп аталды. Сонымен қатар, олардың осы маусымға арналған қызықты өтінімдерін атап өткен жөн.

Қазақстандықтар: Осыдан бастайық, олардың құрамы өткен маусыммен салыстырғанда айтарлықтай өзгерді. Өткен маусымның негізгі ойыншыларынан команда Денис Дегтярев, Вадим Фабрикантов, Есет Жаркыловты мәлімдемеді. Бұдан басқа, өтінімге Таир Мейрханов, Әділ Нариманов, Богдан Иваничкин және Дулат Ешмұхамбет кірмеді. Артур Жүнісов "Астана" қатарын толықтырды, ал Тамерлан Жүнісов пен Дастан Қалдыбаев "Астана Тайгерс"командасына ауысты. Осылайша, өткен маусымнан бастап төрт ойыншы қалды – Исмаил Бимендин, Даниил Селезнев, Рустам Лукманов және Азиз Ялкунов. Команданың ең ірі толықтырулары Николай Бажин мен Роберт Пан болды, екеуі де "Астанадан" ауысты. Ақтаулық "Каспийден" үш ойыншы келді - Аймұрат Саткеев, Владимир Курочкин және Данил Давлетбаев. Сонымен қатар, алматылық командаға өткен маусымдағы Жоғары лиганың көшбасшыларының бірі, Петропавлдық "Барыстың" бұрынғы ойыншысы Артем Козыркин қосылды. Сонымен қатар, өтінімге тәжірибелі қазақстандықтар Әділ Дәрібеков, Евгений Булатов және Азамат Шоқатаев та кірді. 

Легионерлер: Өткен маусымда алматылық команда шетелдік ойыншылардың қызметтерін пайдаланған жоқ, осы маусымда олардың бесеуі мәлімделді. Ресейлік форвард Глеб Толкачев қазақстандық чемпионатқа жаңдан келіп қосылмады, ол өткен маусымда "Ақтөбенің" намысын қорғады, ал оның отандасы форвард Егор Захаров үшін қазақстандық баскетбол – жаңа орта. Бұған дейін Захар "Самара" баскетбол клубында ойнаған, онда жастар командасымен ВТБ Бірыңғай жастар лигасына қатысқан. Тәжірибелі американдық қорғаушы Аарон Феликс өткен маусымдарды "Сан-Диего Шаркс" сапында ТБЛ-да өткізді, ал жас американдық шабуылшы Джейден Сейлс үшін бұл маңсабындағы алғашқы халықаралық тәжірибе болады, бірақ оның артында американдық студенттер лигасының бес маусымы бар. Команданың тағы бір легионері сербиялық орталық ойыншысы Семин Бурко болды, ол да жас ойыншы, бірақ Сербия, Испания және Венгрияда өнер көрсетті.

Жаттықтырушылар штабы: Исмаил Бимендин-өткен маусымдағы команданың ойнайтын жаттықтырушысы, бұл жолы алаңға көп көңіл бөлемін деген ойда. "Irbis Almaty" бас жаттықтырушысы қазақстандық маман Евгений Исаков болды. Евгений қазақстандық танымал ойыншыларының бірі болды, ал ойын мансабын аяқтағаннан кейін бапкерлік жолды таңдады. Бұған дейін ол бірнеше маусым бойы ақтаулық "Каспийді" жаттықтырып, "Астана"жаттықтырушылар штабының құрамына кірген.
Турнир мен командалар туралы толық ақпарат, турнирлер, матчтардың кестесі мен нәтижелері, сонымен қатар командалар мен ойыншылардың ресми статистикасы, турнир рекордтары мен көшбасшылары Турнирлер бөлімінде жарияланған.

Біздің сайттағы жаңалықтарды оқып, қазақстандық баскетболға қатысты барлық шаралар туралы хабардар болыңыздар. Instagram, Facebook, Vkontakte әлеуметтік желілері мен YouTube арнамызға жазылыңыздар.


Подписывайтесь на нашу рассылку!