Қытай баскетбол қауымдастығы ҚР ҰБФ-на матчты ұйымдастыруға көмектескені үшін алғыс білдірді

09.09.2022 Оқылғаны: 968

Дереккөз: Баспасөз қызметі

ҚР Ұлттық Баскетбол Федерациясының атына Қытай баскетбол қауымдастығынан 2022 жылғы 29 тамызда Нұр-Сұлтан қаласында өткен Қытай мен Бахрейн командалары арасындағы Әлем кубогының іріктеу кезеңінің матчын ұйымдастырғаны үшін алғыс сөздерімен хат келіп түсті.

"Құрметті Қазақстан Республикасы Ұлттық баскетбол федерациясының өкілдері, қымбатты достар!

Қытай баскетбол қауымдастығының президенті және Бас хатшысы атынан біздің үлкен ризашылығымызды қабыл алыңыздар. Әлем кубогының іріктеу матчтарының 4-ші турында біздің команда мен Бахрейн арасындағы ойынды ұйымдастыруға қолдау көрсетіп, ыстық ықыласпен қарсы алғандарыңыз үшін алғыс білдіреміз. Сіздердің кәсіби ұйымдастыруларыңыз бен бізге деген мұқият қарым-қатынасыңыз болмаса, ойын соншалықты сәтті өтпес еді. Қытай баскетбол қауымдастығы мен Қазақстан Ұлттық баскетбол федерациясы арасындағы достық қарым қатынас пен ынтымақтастық әрқашан жемісті болғанын атап өткім келеді. Сіздердің командаларыңызға іріктеу матчтарының алдағы кезеңінде сәттілік тілейміз. Келесі кездесулерде кездескенше!

Құрметпен, Қытай баскетбол қауымдастығы " - делінген хатта.

Өз кезегінде Қазақстан Республикасының Ұлттық баскетбол федерациясы Қытай баскетбол қауымдастығына жылы лебіздері үшін алғыс білдіріп, одан әрі жемісті ынтымақтастық қарым-қатынас жасайтындарына сенім білдіреді. Алдағы матчтарда кездескенше!

Біздің сайттағы жаңалықтарды оқып, қазақстандық баскетболға қатысты барлық шаралар туралы хабардар болыңыздар. Instagram, Facebook, Vkontakte әлеуметтік желілері мен YouTube арнамызға жазылыңыздар.