25.08.2022 6591
Дереккөз: Баспасөз қызметі
Қазақстан vs Қытай матчына шолу - 2023 жылғы Әлем Кубогына іріктеу
Баскетболдан Қазақстан ерлер командасы 2023 жылғы әлем кубогіне іріктеу кезеңі аясында Қытай құрамасын қабылдап, 56:68 есебімен қарсыласқа жол берді.
«Сарыарқа» велотрегінде өткен матчта жанкүйерлердің қызу қолдауы мен өз алаңымыздағы басымдыққа қарамастан, «Дала қасқырлары» жеңіліс тапты. Бұл ретте Қытай командасының тәжірибесі де, шеберлігі мен жылдамдығы да біздің құрамадан оқ бойы озық болғанын мойындау керек. Баскетболдан 2023 жылғы әлем кубогіне Азия аймақтық іріктеу кезеңін Қазақстан құрамасы сәтті бастаған. Іріктеу кезеңінің бірінші айналымында еліміздің бас құрамасы D тобына түсіп, алты ойынның бесеуін жеңіспен аяқтады. Ал екінші айналымда қазақстандықтар Қытай, Жапония және Австралиямен бірге F тобына түскен болатын. Өкінішке қарай, бүгінгі матчта Қытай командасы алдырмады.
Қытай құрамасы әлемдік баскетболда алыптар қатарына енбегенімен, Азиядағы үздік командалардың бірі саналады. Бұған қытайлықтардың сары құрлық додасында 14 рет жеңіске жеткенін айтсақ та жеткілікті. Одан бөлек, бүгінгі қарсыласымыз 1984 жылдан бастап Олимпиада ойындарында тоғыз рет бақ сынаған. Сондай-ақ, қытайлық баскетболшылар Ұлттық баскетбол лигасында өнер көрсетіп жүр. Солардың бірі – Қазақстанға қарсы матчта 19 ұпай жинап, көш бастаған Чжоу Ци. Чжоу Қытай құрамасының үздігі саналады әрі 43-ші нөмірлі драфтпен «Хьюстон Рокетс» командасында өнер көрсеткен. Қытайлық ойыншылардың атақ-дәрежесі мен салмағына қарап, Қазақстан командсының бүгінгі ойынына жақсы баға беруге болады.
Кездесу қарқынды басталды. Қазақстандықтар адуынды қарсыластан қорықпай, алғашқы минуттарда таблода 4:4 нәтижесі тіркелді. Атап айтар болсақ, Рустам Мырзағалиев екі айып добын сәтті орындап, кейін ойын барысында екі ұпайлық нүктеден дәл түсті. Оның ізін ала Антон Быков үш ұпайлық алаңнан қарсыласты тағы да қапы қалдырып, Олег Киселев шәкірттері сеніммен алға басқан. Алайда, бұл матч барысындағы қазақстандықтардың есепте алға шыққан жалғыз әрі соңғы мүмкіндігі еді. Себебі, үш ұпайлық алаңнан допты торға тоғытқан қарсыластар есеп айырмасын бірден ұзартып, сол басымдықты ойынның соңына дейін ұстап тұрды. Осылайша, бірінші кезең 14:23 есебімен аяқталды.
Екінші кезеңді де Қазақстан командасы жаңа леппен бастауға тырысқан. Максим Марчук есеп айырмасын екі ұпайға қысқартып, Рустам Мырзағалиев екі ұпайлық нүктеден шабуылды әдемі аяқтай білді. Алайда, біздің команда бірнеше минут бойы қателікке бой алдырып, 18 ұпаймен аялдап қалды. Қарсыластар ұпайы 32-ден асып кеткен соң, Олег Киселев тайм-аут алып, жігіттерге біраз ақыл-кеңесін айтқан. Бірақ командаға бұл да көмек болмады. Қытай командасы 36-ұпайын алғанда Шайым Қуанов екі айып добын сәтті орындап, есеп айырмасын сәл қысқартқандай болды. Бұл кезеңде де Рустам Мырзағалиев айып добын сәтті орындады. Өкінішке қарай, есеп айырмасы бәрібір үлкен еді. Екінші кезеңде 10:18 нәтижесі тіркелді, Қытай командасы алда.
Үшінші кезеңде Киселев шәкірттері қарсыласты біраз өкшелеп, есеп айырмасын жеті ұпайға дейін азайтты. Дәл осы кезеңде Қазақстан командасының қарсыласты қуып жететін мүмкінігі молырақ болған. Әсіресе, Шайым Қуанов, Рустам Мырзағалиев, Вадим Щербак екі ұпайлық нүктеден шабуылды сәтті орындап, есеп айырмасы жеті ұпайға дейін қысқарды. Бірақ қарсы шабуыл кезіндегі қателіктер қарсыласты қуып жетуге тағы мүмкіндік бермеді. Үшінші кезеңдегі көрсеткіш – 18:7.
Төртінші кезең тағы да команданы бапкердің сілкуімен басталды. Ұзақ уақыт бойы ұпай ала алмаған соң, Олег Киселев төрешілерден тайм-аут сұрап, соңғы кезеңді абыроймен өткізуді тапсырған болатын. Роберт Пан мен Рустам Мырзағалиевтың екі ұпайлық нүктедегі шабуылдары нәтижелі аяқталды. Алайда, бұл сәтте Қытай ойыншылары басымдықты түгелдей қолға алған болатын. Қорытынды есеп – 56:68.
Матчтың маңызды сәттері:
Матч көшбасшылары:
Матчтан кейінгі баспасөз мәслихаты:
Келесі матч: Қазақстан командасы әлем кубогіне іріктеу турнирінің келесі матчын 30 тамыз күні Жапонияға қарсы өткізеді.
Матч туралы толық ақпарат, құрамдар, жаңалықтар, фото және бейне есептер, сондай-ақ статистика Матч орталығында жарияланған.
Қазақстан ұлттық құрамасының 2023 жылғы Әлем Кубогы іріктеуіне қатысуы туралы толық ақпарат, команда құрамы, турнирлік кестелер, матчтардың кестесі мен нәтижелері біздің сайтымызда Құрамалар бөлімінде жарияланған.
Естеріңізге сала кетейік, жеребе қорытындысы бойынша "Дала қасқырлары" 1-ші раундта Иран, Сирия және Бахрейн құрамаларымен бірге "D" тобына түсті. Біздің команда алты матчтың бесеуінде жеңіске жетіп, көш басында келеді.
Ұлттық құрамаға көрсеткен қолдауы мен көмегі үшін ҚР мәдениет және спорт министрлігіне, Спорт және дене шынықтыру істері комитетінің спортты дамыту дирекциясына, Ұлттық Олимпиада комитетіне, "Самұрық-Қазына" ұлттық әл-ауқат қорына, "Sport Qory" туризм және спорт индустриясын қолдау қорына, Нұр-Сұлтан қаласының әкімдігіне алғысымызды білдіреміз.
Біздің сайттағы жаңалықтарды оқып, қазақстандық баскетболға қатысты барлық шаралар туралы хабардар болыңыздар. Instagram, Facebook, Vkontakte әлеуметтік желілері мен YouTube арнамызға жазылыңыздар.
«Сарыарқа» велотрегінде өткен матчта жанкүйерлердің қызу қолдауы мен өз алаңымыздағы басымдыққа қарамастан, «Дала қасқырлары» жеңіліс тапты. Бұл ретте Қытай командасының тәжірибесі де, шеберлігі мен жылдамдығы да біздің құрамадан оқ бойы озық болғанын мойындау керек. Баскетболдан 2023 жылғы әлем кубогіне Азия аймақтық іріктеу кезеңін Қазақстан құрамасы сәтті бастаған. Іріктеу кезеңінің бірінші айналымында еліміздің бас құрамасы D тобына түсіп, алты ойынның бесеуін жеңіспен аяқтады. Ал екінші айналымда қазақстандықтар Қытай, Жапония және Австралиямен бірге F тобына түскен болатын. Өкінішке қарай, бүгінгі матчта Қытай командасы алдырмады.
Қытай құрамасы әлемдік баскетболда алыптар қатарына енбегенімен, Азиядағы үздік командалардың бірі саналады. Бұған қытайлықтардың сары құрлық додасында 14 рет жеңіске жеткенін айтсақ та жеткілікті. Одан бөлек, бүгінгі қарсыласымыз 1984 жылдан бастап Олимпиада ойындарында тоғыз рет бақ сынаған. Сондай-ақ, қытайлық баскетболшылар Ұлттық баскетбол лигасында өнер көрсетіп жүр. Солардың бірі – Қазақстанға қарсы матчта 19 ұпай жинап, көш бастаған Чжоу Ци. Чжоу Қытай құрамасының үздігі саналады әрі 43-ші нөмірлі драфтпен «Хьюстон Рокетс» командасында өнер көрсеткен. Қытайлық ойыншылардың атақ-дәрежесі мен салмағына қарап, Қазақстан командсының бүгінгі ойынына жақсы баға беруге болады.
Кездесу қарқынды басталды. Қазақстандықтар адуынды қарсыластан қорықпай, алғашқы минуттарда таблода 4:4 нәтижесі тіркелді. Атап айтар болсақ, Рустам Мырзағалиев екі айып добын сәтті орындап, кейін ойын барысында екі ұпайлық нүктеден дәл түсті. Оның ізін ала Антон Быков үш ұпайлық алаңнан қарсыласты тағы да қапы қалдырып, Олег Киселев шәкірттері сеніммен алға басқан. Алайда, бұл матч барысындағы қазақстандықтардың есепте алға шыққан жалғыз әрі соңғы мүмкіндігі еді. Себебі, үш ұпайлық алаңнан допты торға тоғытқан қарсыластар есеп айырмасын бірден ұзартып, сол басымдықты ойынның соңына дейін ұстап тұрды. Осылайша, бірінші кезең 14:23 есебімен аяқталды.
Екінші кезеңді де Қазақстан командасы жаңа леппен бастауға тырысқан. Максим Марчук есеп айырмасын екі ұпайға қысқартып, Рустам Мырзағалиев екі ұпайлық нүктеден шабуылды әдемі аяқтай білді. Алайда, біздің команда бірнеше минут бойы қателікке бой алдырып, 18 ұпаймен аялдап қалды. Қарсыластар ұпайы 32-ден асып кеткен соң, Олег Киселев тайм-аут алып, жігіттерге біраз ақыл-кеңесін айтқан. Бірақ командаға бұл да көмек болмады. Қытай командасы 36-ұпайын алғанда Шайым Қуанов екі айып добын сәтті орындап, есеп айырмасын сәл қысқартқандай болды. Бұл кезеңде де Рустам Мырзағалиев айып добын сәтті орындады. Өкінішке қарай, есеп айырмасы бәрібір үлкен еді. Екінші кезеңде 10:18 нәтижесі тіркелді, Қытай командасы алда.
Үшінші кезеңде Киселев шәкірттері қарсыласты біраз өкшелеп, есеп айырмасын жеті ұпайға дейін азайтты. Дәл осы кезеңде Қазақстан командасының қарсыласты қуып жететін мүмкінігі молырақ болған. Әсіресе, Шайым Қуанов, Рустам Мырзағалиев, Вадим Щербак екі ұпайлық нүктеден шабуылды сәтті орындап, есеп айырмасы жеті ұпайға дейін қысқарды. Бірақ қарсы шабуыл кезіндегі қателіктер қарсыласты қуып жетуге тағы мүмкіндік бермеді. Үшінші кезеңдегі көрсеткіш – 18:7.
Төртінші кезең тағы да команданы бапкердің сілкуімен басталды. Ұзақ уақыт бойы ұпай ала алмаған соң, Олег Киселев төрешілерден тайм-аут сұрап, соңғы кезеңді абыроймен өткізуді тапсырған болатын. Роберт Пан мен Рустам Мырзағалиевтың екі ұпайлық нүктедегі шабуылдары нәтижелі аяқталды. Алайда, бұл сәтте Қытай ойыншылары басымдықты түгелдей қолға алған болатын. Қорытынды есеп – 56:68.
Матчтың маңызды сәттері:
Матч көшбасшылары:
- Қазақстан: Бұл ойында Қазақстан командасының капитаны Рустам Мырзағалиевтің еңбегін ерекше атап өткен жөн. Ол капитандық міндетін толықтай атқарып, құраманы алға сүйреумен болды. Айып добын салу кезінде де еш қателескен жоқ. Қытайға қарсы ойында Мырзағалиев 14 ұпай жинап, ең нәтижелі ойыншы ретінде тіркелді. Рустам матч барысында 4 рет допты тартып алып, 5 рет командаласына допты жеткізген. Шайым Қуанов 10 ұпаймен екінші орында, ол 4 рет допты тартып алып, екі рет допты ойыншыларға жеткізді. Сондай-ақ, Максим Марчуктың еншісінде де 10 ұпай бар.
- Қытай: Қытай командасы сапынан құраманың басты жұлдызы Чжоу Ци 19 ұпай жинады. Екінші орында 13 ұпайы бар Сунь Минхуй тұр.
Матчтан кейінгі баспасөз мәслихаты:
Келесі матч: Қазақстан командасы әлем кубогіне іріктеу турнирінің келесі матчын 30 тамыз күні Жапонияға қарсы өткізеді.
Матч туралы толық ақпарат, құрамдар, жаңалықтар, фото және бейне есептер, сондай-ақ статистика Матч орталығында жарияланған.
Қазақстан ұлттық құрамасының 2023 жылғы Әлем Кубогы іріктеуіне қатысуы туралы толық ақпарат, команда құрамы, турнирлік кестелер, матчтардың кестесі мен нәтижелері біздің сайтымызда Құрамалар бөлімінде жарияланған.
Естеріңізге сала кетейік, жеребе қорытындысы бойынша "Дала қасқырлары" 1-ші раундта Иран, Сирия және Бахрейн құрамаларымен бірге "D" тобына түсті. Біздің команда алты матчтың бесеуінде жеңіске жетіп, көш басында келеді.
- 2021 жылдың 26 қарашасы – Қазақстан vs Сирия – 84:74
- 2021 жылдың 29 қарашасы – Сирия vs Қазақстан – 71:81
- 2022 жылдың 24 ақпаны – Иран vs Қазақстан – 69:73
- 2022 жылғы 27 ақпан – Бахрейн vs Қазақстан – 48:95
- 2022 жылдың 1 шілдесі – Қазақстан vs Иран – 68:60
- 2022 жылдың 4 шілдесі – Қазақстан vs Бахрейн – 51:62
- 25 тамызы 2022 - Қазақстан vs Қытай - 56:68
- 30 тамызы 2022 - Жапония vs Қазақстан
- 11 қараша 2022 - Қазақстан vs Австралия
- 14 қараша 2022 - Қазақстан vs Жапония
- 29 тамыз 2022 - Жапония vs Қазақстан
- 23 ақпан 2023 - Қытай vs Қазақстан
- 25 тамыз 2022 - Қазақстан vs Қытай
- 26 ақпан 2023 - Австралия vs Қазақстан
Ұлттық құрамаға көрсеткен қолдауы мен көмегі үшін ҚР мәдениет және спорт министрлігіне, Спорт және дене шынықтыру істері комитетінің спортты дамыту дирекциясына, Ұлттық Олимпиада комитетіне, "Самұрық-Қазына" ұлттық әл-ауқат қорына, "Sport Qory" туризм және спорт индустриясын қолдау қорына, Нұр-Сұлтан қаласының әкімдігіне алғысымызды білдіреміз.
Біздің сайттағы жаңалықтарды оқып, қазақстандық баскетболға қатысты барлық шаралар туралы хабардар болыңыздар. Instagram, Facebook, Vkontakte әлеуметтік желілері мен YouTube арнамызға жазылыңыздар.
05.06.2024
1208
FIBA 3x3 U23 Nations League 2024 - Asia 2 турниріне қатысатын Қазақстан U23 құрамасының тізімі
