Венгрияға аттанған спортшылар белгілі болды

21.08.2022 Оқылғаны: 650

Дереккөз: Баспасөз қызметі

3x3 баскетболынан U-18 құрамасының жаттықтырушылар штабы Венгрияда өтетін Әлем кубогына қатысатын ойыншылар құрамын анықтады. Алматыдағы оқу-жаттығу жиынының қорытындысы бойынша төрт спортшы іріктелді. Олар Степан Якубович, Радислав Родионов, Әнуар Арғынбаев, Тимур Батырқұл. Жаттықтырушы – Ривхат Бабекенов.

Еске салайық, былтыр Ривхат Бабекенов бастаған 3х3 баскетболдан жастар құрамасы Әлем Кубогының ширек финалына шыққан болатын.

Әлем Кубогы 23-28 тамыз аралығында Венгрияның Дебрецен қаласында өтеді. Қазақстан құрамасы алғашқы ойынын 24 тамыз күні Литва командасына қарсы өткізеді.

Қазақстан Ұлттық құрамасының баскетболдан 3х3 U-18 Әлем Кубогы қатысуы, команда құрамы, турнирлік кестелер, кесте және матч нәтижелері туралы толық ақпарат біздің сайттың Құрамалар бөлімінде жарияланған.

Қазақстанның Ұлттық баскетбол федерациясы ҚР мәдениет және спорт министрлігіне, Спорт және дене шынықтыру істері комитетінің спортты дамыту дирекциясына, Ұлттық Олимпиада комитетіне, "Самұрық-Қазына" ұлттық әл-ауқат қорына, "Sport Qory" туризм және спорт индустриясын қолдау қорына турнирге команданы дайындауға көрсеткен қолдауы мен көмегі үшін алғысын білдіреді.

Біздің сайттағы жаңалықтарды оқып, қазақстандық баскетболға қатысты барлық шаралар туралы хабардар болыңыздар. Instagram, Facebook, Vkontakte әлеуметтік желілері мен YouTube арнамызға жазылыңыздар.