Асқар Майдекин "KIDS EXPO. Балалар Әлемі" жәрмеңкесінде Александр Заруцкиймен кездесті

18.08.2022 Оқылғаны: 763

Дереккөз: Баспасөз қызметі

Екінші күні қонақтарды ұлттық құраманың баскетболшысы Асқар Майдекин қарсы алды, ол балаларға мастер-класс өткізді. Көрмеде баскетбол алаңынан басқа, футбол алаңы да құрылды.

Сол жерде Александр Заруцкий мен Данила Подымский шеберліктерін көрсетті. Осы мүмкіндікті пайдаланып, баскетболшы Асқар Майдекин футбол қақпашысы Александр үшін жаттығу өткізді. Өз кезегінде Александр баскетболшыға футболдың қыр-сырын үйретті. Осыдан кейін екі спортшы өз жанкүйерлерін матчтарына шақырды.

Асқар Майдекин, Александр Заруцкий

Айта кетейік, жұма және сенбі күндері жәрмеңкеге баскетбол академиясының тәрбиеленушілері қатысады. Олар дриблинг шоуларын, сондай-ақ допты жүргізу және оны себетке лақтыру бойынша шеберлік сабақтарын өткізеді. Алаңда басқа да баскетбол ойындары ұйымдастырылады.

Аскар Майдекин

Естеріңізге салайық, осы аптада баскетболдан Қазақстан ұлттық құрамасының ойыншылары "Kids EXPO" Балалар тауарлары жәрмеңкесінде сіздерді күтеді. Мұнда ата-аналар балаларды жаңа оқу жылына дайындап, кеңсе тауарларын, мектеп формасы мен кітаптар сатып ала алады. Жәрмеңке 21 тамызға дейін жалғасады. Мекен-жайы: Мәңгілік Ел даңғылы 53/1.

Ұлттық құрамаға көрсеткен қолдауы мен көмегі үшін ҚР мәдениет және спорт министрлігіне, Спорт және дене шынықтыру істері комитетінің спортты дамыту дирекциясына, Ұлттық Олимпиада комитетіне, "Самұрық-Қазына" ұлттық әл-ауқат қорына, "Sport Qory" туризм және спорт индустриясын қолдау қорына, Нұр-Сұлтан қаласының әкімдігіне алғысымызды білдіреміз.

Біздің сайттағы жаңалықтарды оқып, қазақстандық баскетболға қатысты барлық шаралар туралы хабардар болыңыздар. Instagram, Facebook, Vkontakte әлеуметтік желілері мен YouTube арнамызға жазылыңыздар.