Баскетболдан Қазақстан ерлер құрамасының Қытайға қарсы өтетін ойынына билеттер сатылымға шықты

Баскетболдан Қазақстанның ерлер ұлттық құрамасы 2023 жылғы Әлем Кубогына жолдама үшін күресті жалғастыруда. Іріктеу кезеңінің 2-туры аясында "Дала қасқырлары" Қытай командасына қарсы матч өткізеді.

Кездесу 25 тамызда Нұр-Cұлтан қаласындағы «Сарыарқа» Республикалық велотрегінің аренасында өтеді. Ойынның басталуы Нұр-Сұлтан уақытымен 20:00-де. Билеттерді тек Zakazbiletov.kz сайтында онлайн түрде сатып алуға болады.
⠀
Біз барлық спорт сүйер қауымды, Қазақстан баскетболы мен құрама команда жанкүйерлерін матчта күтеміз. Еліміздің құрама командасына қолдау көрсетіп, баскетбол маусымының маңызды оқиғасын жіберіп алмаңыз.

Қазақстан ұлттық құрамасының 2023 жылғы Әлем Кубогы іріктеуіне қатысуы туралы толық ақпарат, команда құрамы, турнирлік кестелер, матчтардың кестесі мен нәтижелері біздің сайтымызда Құрамалар бөлімінде жарияланған.

Естеріңізге сала кетейік, жеребе қорытындысы бойынша "Дала қасқырлары" 1-ші раундта Иран, Сирия және Бахрейн құрамаларымен бірге "D" тобына түсті. Біздің команда алты матчтың бесеуінде жеңіске жетіп, көш басында келеді.

2021 жылдың 26 қарашасы – Қазақстан vs Сирия – 84:74
2021 жылдың 29 қарашасы – Сирия vs Қазақстан – 71:81
2022 жылдың 24 ақпаны – Иран vs Қазақстан – 69:73
2022 жылғы 27 ақпан – Бахрейн vs Қазақстан – 48:95
2022 жылдың 1 шілдесі – Қазақстан vs Иран – 68:60
2022 жылдың 4 шілдесі – Қазақстан vs Бахрейн – 51:62

2-ші раундта Қазақстан құрамасы Австралия, Қытай және Жапония командаларымен бірге "F" тобында ойынды жалғастырады. Сондай-ақ, біздің құрамамен 1-ші раундта бірге ойнаған Иран және Бахрейн баскетболшылары да келесі кезеңге өтті. Юірақ біз олармен кездеспейміз.

2-ші раундтың ойындар кестесі:

25 тамызы 2022 - Қазақстан vs Қытай
30 тамызы 2022 - Жапония vs Қазақстан
11 қараша 2022 - Қазақстан vs Австралия
14 қараша 2022 - Қазақстан vs Жапония
29 тамыз 2022 - Жапония vs Қазақстан
23 ақпан 2023 - Қытай vs Қазақстан
25 тамыз 2022 - Қазақстан vs Қытай
26 ақпан 2023 - Австралия vs Қазақстан

Әлем Кубогы 2023 жылдың 25 тамызы мен 10 қыркүйегі аралығында үш елде - Жапония, Филиппин және Индонезияда өтеді.

Ұлттық құрамаға көрсеткен қолдауы мен көмегі үшін ҚР мәдениет және спорт министрлігіне, Спорт және дене шынықтыру істері комитетінің спортты дамыту дирекциясына, Ұлттық Олимпиада комитетіне, "Самұрық-Қазына" ұлттық әл-ауқат қорына, "Sport Qory" туризм және спорт индустриясын қолдау қорына, Нұр-Сұлтан қаласының әкімдігіне алғысымызды білдіреміз.

Біздің сайттағы жаңалықтарды оқып, қазақстандық баскетболға қатысты барлық шаралар туралы хабардар болыңыздар. Instagram, Facebook, Vkontakte әлеуметтік желілері мен YouTube арнамызға жазылыңыздар.