Қазақстан Республикасының
Ұлттық баскетбол федерациясы

Баскетболдан Қазақстанның ерлер Ұлттық құрамасы 2022 жылғы Азия Кубогында кездесетін қарсыластары жайлы ақпарат білді

18.02.2022    Оқылғаны: 535
Дереккөз: Баспасөз қызметі
18 ақпанда Индонезияның астанасы Джакарта қаласында 2022 жылғы ерлер командалары арасында Азия Кубогының жеребесі өткізіліп, Қазақстан Ұлттық құрамасының қарсыластары белгілі болды.

Ерлер арасындағы баскетболдан Азия Кубогы (бұрын Азия баскетбол қауымдастықтарының Кубогы деп аталған) – 1960 жылдан бастап екі жылда бір рет ФИБА Азия қамқорлығымен өткізілетін баскетболдан халықаралық турнир. Азия командалары үшін Әлем чемпионаты мен Олимпиада турниріне жол беретін біліктілік турнирі болып табылады. Азиядағы баскетболдан ерлер ұлттық құрамалары үшін ең беделді турнир болып табылады. Қазіргі чемпион – Аустралия құрамасы (2017).

Алдағы 2022 жылғы Азия Кубогының 30-шы мерейтойлық ойыны 2022 жылғы шілденің 12-сі мен 24-і аралығында Индонезияның Джакарта қаласында өтеді.
 

Турнирге қатысушы елдер: Азия Кубогы үшін біліктілік іріктеуінен өткен 16 команда бақ сынасады – турнир иелері Индонезия, Аустралия, Бахрейн, Қытай, Қытайлық Тайбэй, Үндістан, Иран, Жапония, Иордания, Қазақстан, Корея, Ливан, Жаңа Зеландия, Филиппин, Сауд Арабиясы және Сирия құрамалары.

Жеребе қорытындысы: "Дала қасқырлары" Иран, Жапония және Сирия құрамаларымен бірге "С" тобына түсті.


Естеріңізге сала кетейік, құрлықтық біріншілікке іріктеу турнирі 2020 жылдың ақпан айында басталған болатын. Қазақстанның ерлер ұлттық құрамасы кубок ұтысына жолдама үшін күресті Нұр-Сұлтан қаласында жаңа заманауи Жекпе-Жек спорт аренасында өткен екі үй матчынан бастады. Сонда Дала қасқырлары Палестина құрамасынан жауынгерлік жеңісті тартып алды - 79:76 және Иордания құрамасынан сәл жеңілді - 68:71. КОВИД-19 пандемиясының таралуына байланысты 2020 жылдың қараша айында жоспарланған екінші біліктілік ойын терезесінің матчтары 2021 жылғы ақпан айының соңына ауыстырылды және Бахрейн астанасы Манама қаласында өтті. Палестина құрамасына қарсы қайта кездесуде біздің команда табысты нығайтты - 56:93, ал Шри-Ланка құрамасына қарсы екі ойын да Эмиль Райковичтің шәкірттерінің сөзсіз жеңісімен аяқталды - 52:111 және 107:37. Қазақстан құрамасы біліктіліктің қорытынды матчында, өкінішке орай, иорданиялықтардан олардың алаңында реванш ала алмады - 80:70. Осылайша, біздің команда алты матчтағы төрт жеңіспен топта екінші орыннан Азия Кубогына өтті.

Қазақстан ұлттық құрамасының 2022 жылғы Азия Кубогы біліктілігіне қатысуы туралы толық ақпарат, команда құрамы, турнирлік кестелер, матчтардың кестесі мен нәтижелері біздің сайтымызда Құрамалар бөлімінде жарияланған.
Қазақстанның Ұлттық баскетбол федерациясы Мәдениет және спорт министрлігіне команданы турнирге қатысуға дайындауға көрсеткен қолдауы мен көмегі үшін алғысын білдіреді, Спорт және дене шынықтыру істері комитетінің Спортты дамыту дирекциясы, Ұлттық Олимпиада комитеті, «Самұрық-Қазына» ұлттық әл-ауқат қоры, «Спорт Қоры» туризм және спорт саласын қолдау қоры. Баскетболдан Қазақстан Ұлттық құрамасының бас демеушісі – «М-Спорт» ЖШС, демеушілер – «Capital City Center» ЖШС және Begtas NS фирмасы, техникалық серіктесі — «Транстелеком» АҚ.

Біздің сайттағы жаңалықтарды оқып, қазақстандық баскетболға қатысты барлық шаралар туралы хабардар болыңыздар. Instagram, Facebook, Vkontakte әлеуметтік желілері мен YouTube арнамызға жазылыңыздар.


Подписывайтесь на нашу рассылку!