Қазақстан Республикасының
Ұлттық баскетбол федерациясы

Қазақстан баскетбол құрамасының Сирия құрамасына қарсы өз алаңындағы ойынына билеттер сатыла бастады

15.11.2021    Оқылғаны: 459
Дереккөз: Баспасөз қызметі
Баскетболдан Қазақстанның ерлер Ұлттық құрамасы 2023 жылғы Әлем Кубогына жолдама алу үшін күресті бастайды және Біліктіліктің 1-ші туры бастауында Сирия командасына қарсы үй матчын өткізеді.

Матч 26 қарашада Нұр-Сұлтан қаласында, "Сарыарқа" Республикалық велотрегінің аренасында өтеді, басталуы елорда уақытымен 20:00-де. Билеттер тек онлайн Ticketon.kz сайтында сатылады.

НАЗАР АУДАРЫҢЫЗ! 18 жастан асқан көрермендер үшін матчқа кіру "Ashyq" қосымшасында жасыл мәртебесі бар болса ғана қолжетімді.

Біз барлық спорт сүйер қауымды, Қазақстан баскетболының әуесқойларын және құрама жанкүйерлерін матчта күтеміз. Сіздердің қолдауларыңыз біз үшін өте маңызды! 
Еске сала кетейік, жеребе қорытындысы бойынша "Дала қасқырлары" Иран, Сирия және Бахрейн құрамаларымен бірге "D" тобына түсті.

Біліктіліктің 1-ші раунды аясында біздің жігіттер 6 матч өткізеді:
  • 26 қараша 2021 - Қазақстан vs Сирия
  • 29 қараша 2021 - Сирия vs Қазақстан
  • 24 ақпан 2022 - Иран vs Қазақстан
  • 27 ақпан 2022 - Бахрейн vs Қазақстан
  • 1 шілде 2022 - Қазақстан vs Иран
  • 4 шілде 2022 - Қазақстан vs Бахрейн
Кубоктың өзі 2023 жылдың 25 тамызы мен 10 қыркүйегі аралығында үш елде - Жапония, Филиппин және Индонезияда өтеді.

Қазақстан Ұлттық баскетбол федерациясы команданы турнирге қатысуға дайындауда көрсеткен қолдауы мен көмегі үшін Ұлттық Олимпиада комитетіне, Мәдениет және спорт министрлігіне, "Самұрық-Қазына" Ұлттық әл-ауқат қорына, "Sport Qory" Туризм және спорт индустриясын қолдау қорына және Нұр-Сұлтан қаласының әкімдігіне шексіз алғысымызды білдіреміз. Баскетболдан Қазақстан Ұлттық құрамасының бас демеушісі - "M-Sport" ЖШС, демеушілері - "Capital City Center" ЖШС және "Бегтас НС" фирмасы, техникалық серіктесі - "Transtelecom" АҚ, серіктесі - "Prima Naturale" сауда маркасымен "Көкше Сусындары" компаниясы.

Біздің сайттағы жаңалықтарды оқып, қазақстандық баскетболға қатысты барлық шаралар туралы хабардар болыңыздар. Instagram, Facebook, Vkontakte әлеуметтік желілері мен YouTube арнамызға жазылыңыздар.


Подписывайтесь на нашу рассылку!