Қазақстан баскетбол федерациясы
28.08.2021     608
Дереккөз: Баспасөз қызметі

3х3 баскетболдан Қазақстанның жасөспірімдер құрамасы U-18 Әлем Кубогының жартылай финалына шығу мүмкіндігінен бір қадамда болды

3х3 баскетболдан Қазақстанның жасөспірімдер ұлттық құрамасы қажырлы күресте Мысыр командасынан жеңіліп қалып, U-18 Әлем Кубогына қатысуын 1/4 финал кезеңінде аяқтады.

Мысырлықтар - Қазіргі Африка чемпиондары және осы турнирде үшінші нөмірмен іріктелінді. Бұған дейін Египет құрамасы Әлем Кубогына үш рет қатысып, ең көп дегенде 1/8 финалда өткен. "С" тобында Мысыр құрамасы 4 матч өткізіп, төртеуінде де жеңіске жетіп, топта бірінші болды.

Біздің қарсыластарымыз матчта есеп ашты, бірақ қазақстандық команданың жауабы көп күттірмеді. Мысырлықтар бойдағы айтарлықтай артықшылықтың арқасында сақинаның астында үстемдік етті және біздің команданың тактикасы ұзақ лақтыруларды жүзеге асыру болды. Бұл өз жемісін берді. "Дала қасқырлары" өте жақсы пайызбен доғаның артынан лақтырып, алға шыға алды. Осы уақытта мысырлықтар сақинаның астынан сенімді ұпай жинай берді. Кездесудің соңына үш минут қалғанда есеп тең болды - 15:15, ал матчтың нәтижесін болжау мүмкін болмады. Біздің қарсыластарымыз сақинаның астында үстемдік етіп, жеңіл ұпай жинады, алайда біздің алыс қашықтық артиллерия сәтсіздікке ұшырады. Мысырлықтар алға жөнеле бастап, матчты 21:16 есебімен жеңіске жеткізді.

Радислав Родионов нысанаға бес алыс лақтыру салып - 10 ұпай жинап, мергендердің әсерлі шеберліктерін көрсетті. Артем Тугалев 5 ұпай және Ордоков 1 ұпай жинады, ал Кирилл Ивановский ұпайларсыз қалды.


Өкінішке орай, қазақстандық команда Кубокқа қатысуын аяқтады, бірақ кез-келген жағдайда бұл жасөспірімдер құрамасының әлем біріншілігіндегі ең сәтті өнер көрсетуі болды.

Естеріңізге сала кетейік, біздің ойыншы Кирилл Ивановский қатысатын данк-контест финалы 29 тамызда өтеді. Жоспарланған басталу уақыты елорда уақытымен 19:00-де.

Турнирдің барлық матчтарының онлайн-көрсетілімдері Федерация сайтының басты бетінде қолжетімді.

Қазақстан Ұлттық құрамасының Әлем Кубогына қатысуы туралы толық ақпарат, команда құрамы, турнирлік кестелер, матчтардың кестесі мен нәтижелері біздің сайтымызда Құрамалар бөлімінде жарияланған.

Біздің сайттағы жаңалықтарды оқып, қазақстандық баскетболға қатысты барлық шаралар туралы хабардар болыңыздар. Instagram, Facebook, Vkontakte әлеуметтік желілері мен YouTube арнамызға жазылыңыздар.


25.06.2024
2481
Спорттық үміт: Алматыда баскетбол чемпионаты аяқталды
19.06.2024
1866
Алматыда "Үміт кубогы" баскетбол чемпионаты басталды
16.06.2024
2409
3х3 баскетболдан "Atyrau Quest-2024" халықаралық турнирінің қорытындысы
14.06.2024
2411
Atyrau Quest-2024: Жылдың басты баскетбол турнирі
05.06.2024
2578
FIBA 3x3 U23 Nations League 2024 - Asia 2 турниріне қатысатын Қазақстан U23 құрамасының тізімі
31.05.2024
2424
Anadolu Efes - баскетболдан Қазақстан чемпионатының жаңа маусымының титулдық демеушісі