Қазақстан Республикасының
Ұлттық баскетбол федерациясы

Қазақстан Ұлттық құрамасының Аустралия мен Филиппиндерге қарсы үйде өтетін матчтарына билеттер сатылымы ашылды

01.02.2019    Оқылғаны: 350
Дереккөз: Баспасөз қызметі
Автор:
2019 жылғы баскетбол бойынша Әлем Чемпионатына іріктейтін Квалификация аясында Қазақстан Ұлттық құрамасының Аустралия мен Филиппиндер құрамаларына қарсы үйде өтетін матчтарына билеттер сатылымы басталды.
 

Әлем Чемпионатына іріктейтін Азиялық біліктілік аясында қорытынды болатын келесі матчтарды "дала қасқырлары" өз алаңында өткізеді.

21 ақпанда, бейсенбі күні Қазақстанға F тобының көшбасшылары – Аустралия құрамасы келеді. Біздің құрама олармен 2018 жылдың 17 қыркүйегінде Жасыл континентте кездескен болатын. Сонда қарсыластар мықтырақ болып шығып, жеңіске жетті – 94:41. Матчтың басталуы Астана уақыты бойынша сағат 20:00-де. Билеттердің онлайн сатылымы Ticketon.kz сайтында.

24 ақпанда, жексенбі күні қазақстандық жасақ Филиппин құрамасын қарсы алады. Олармен болған бірінші кездесу 2018 жылдың 30 қарашасында Манилада өтіп, біздің жігіттеріміздің қайсарлы жеңісімен аяқталды – 88:92. Матчтың басталуы Астана уақыты бойынша сағат 20:30-да. Билеттердің онлайн сатылымы Ticketon.kz сайтында.

Матчтардың екеуі де Астанада "Сарыарқа" Республикалық велотрегінің алаңында өтеді. Алаң жанындағы трибуналарға билеттердің бағасы – 3 000 теңге (билеттің бағасына Әлем Чемпионатына іріктейтін Азия Квалификациясының бейнелемесімен өрнектелген айрықша футболка кіреді).

Біз барлық спорт сүйер қауымды, қазақстандық баскетбол бағалаушыларын және де құрама жанкүйерлерін матчтарда күтеміз. Сіздердің қолдауларыңыз біз үшін өте маңызды!
2019 жылғы баскетбол бойынша Әлем Чемпионаты – ФИБА қамқорлығымен өтетін ерлер ұлттық құрамаларының арасындағы баскетбол бойынша 18-ші әлем чемпионаты. ФИБА комиссиясы мүшелерінің дауыс беру нәтижелері бойынша жарыстың Қытайда өтетіні анық болды.

Енді, Әлем Чемпионатына қатысу үшін ұлттық құрамалар өңірлік аймақтардағы квалификациялық жарыстардан өтуге мәжбүр болады. ФИБА ұйымының аясында бес құрлықтық аймақ бар: ФИБА Америка, ФИБА Еуропа, ФИБА Африка, ФИБА Азия және ФИБА Океания. Алайда қазір Азия мен Океания жарыстарды бірге өткізіп жатыр, сондай-ақ ұлттық құрамалардың ресми рейтингісінен ФИБА Океания алынған болатын, ал осы аймақтың барлық құрамалары Азия рейтингісіне енгізілді. Осылайша, төрт географиялық аймақтардан: Америка, Еуропа, Африка және Азия/Океания квалификациялық іріктеуде 80 ұлттық құрамалар қатысады. Қытай, ұйымдастырушы ел сияқты, чемпионатқа автоматты түрде өтті, бірақ бұл ретте Азиялық квалификациялық іріктеуде қатысатын болады. Алғаш рет жолдамалар елдердің біріндегі құрлықтық біріншіліктерде емес, толыққанды іріктеу циклі барысында, сапарлық ойындармен қоса.

Еске сала кетейік, бірінші раундтың нәтижелері бойынша Қазақстан құрамасы, D тобында екінші орынды иеленіп және бұл ретте 9 ұпай жинап, Азия Квалификациясының екінші кезеңіне өтті. Өз топтарында соңғы орындарды иеленген командалар жарыстан біржола кетті, ал бірінші раундтың төрт тобы әр топта алты командадан екі топты құрайды. Сөйтіп, B және D топтары F топты құрайды, және де екінші раундта біздің қарсыластарымыз болып Аустралия, Филиппиндер және Жапония командалары шығады. Бірінші раундтың матч нәтижелері екінші раундта ескеріледі, осыған байланысты біздің құрама Иранмен және Катармен ойнамайды. Командалар екі кездесуден, үйде және қонақта, тек бірінші раундтың аясында кездеспеген командалармен өткізеді.

Баскетбол бойынша Қазақстан Ұлттық құрамасының 2019 жылғы Әлем Чемпионатына іріктейтін Квалификациясында қатысуы жайлы толық ақпарат біздің сайтымыздың Құрамалар бөлімінде жарияланған.

ҚР ҰБФ және баскетбол бойынша Қазақстан Ұлттық құрамасының Бас демеушісі – "Медикер Спорт" компаниясы. Серіктестер – "GB Media Consult" маркетинг агенттігі және "Kinopark Theatres" кинотеатрлар желісі. Ұлттық Олимпиада Комитеті, Мәдениет және спорт Министрлігі және Астана қаласы Әкімдігінің қолдауымен.

Будьте в курсе всех событий казахстанского баскетбола, следите за новостями на нашем сайте и подписывайтесь на наши социальные сети Instagram, Facebook, Vkontakte и YouTube канал, а также на информационную рассылку в форме ниже.


Подписывайтесь на нашу рассылку!

Подписывайтесь на нашу рассылку!