Қазақстан Республикасының
Ұлттық баскетбол федерациясы

Спортпен шұғылданып, ұлылар қатарына қосылайық!

04.08.2020    Оқылғаны: 41
Дереккөз: Баспасөз қызметі
Автор:
Баскетбол - адамның ептілігі мен икемділігін, күші мен жылдамдығын дамытатын бүкіл әлемге танымал спорт түрі.
 

Баскетбол - адамның ептілігі мен икемділігін, күші мен жылдамдығын дамытатын бүкіл әлемге танымал спорт түрі. Eң қызығы оның пайда болу тарихы ауа-райының қолайсыздығымен байланысты болды. Алғашқы ойын 1891 жылы Массачусэтс штатының Спрингфилд колледжінің жаттығу орталығында ұйымдастырылған.

Бірде Канададан Америка Құрама Штаттарына қоныс аударған жас мұғалім Джеймс Нейсмит студенттерінің жабық кеңістіктегі бір қалыпты жаттығудан жалыққанын байқағаннан кейін жаңа ойын енгізуді қолға алады. Осылайша, ол бала кезіндегі ойындарының элементтерін еске түсіріп, қазіргі баскетболдың негізін қалады деседі. Алғашында ойын футбол добымен өткізіліп, бір жылдан кейін Джеймс Нейсмит арнайы доп пен баскетболдың алғашқы 13 ережесін ойлап табады.

Қазір де бұл ойынның 200 ден астам ережесі бар. Бес ойыншыдан  тұратын екі команда, ұзындығы 28, ал ені 15 м болатын алаңда ойнайды. Ойынның мақсаты - допты қарсылас команданың себетіне салу. Ойыншы допты себет сызығының арғы жағынан салса, командаға 3 ұпай, басқа жағдайларда 2 ұпай есептеледі. Ал айыпдоп соғылғанда 1 ұпайдан беріледі.

Бүгінгі күні баскетболдағы ең танымал лига — АҚШтағы Ұлттық баскетбол бірлестігінің чемпионаты, біз білетін NBA. 90 жылдардан бастап баскетбол ойынының әлемдегі танымалдығы айтарлықтай өсті. Оған бірінші кезекте NBA-де ойнайтын Майкл Джордан сияқты ойыншылардың ықпал еткені анық. Бүгінгі күні NBA лигасының баскетболшылары жалпы әлем спортшылары ішінде қолақы мөлшері бойынша бірінші орында. АҚШ үшін NBA ойыншылары ұлттық символдары сияқты.     

Көп жылдар бойы NBA ойыншылары Олимпиада ойындарын мойындамай келді. Тек 1992 жылы олимпиада ойындарына білікті спортшылардан жасақталған ұлттық баскетбол қауымдастығы шеңберінде құрылған құрама жиналды. Ол Америкада «Dream Team», «арман командасы» деп аталды. Оның Барселона Олимпиада ойындарында жеңімпаз болған құрамын атайық: Майкл Джордан, Мэджик Джонсон, Чарльз Баркли, Ларри Берд, Клайд Дрекслер, Патрик Юинг, Кристиан Леттнер, Карл Мэлоун, Крис Маллин, Скотти Пиппен, Дэвид Робинсон және Джон Стоктон.

Спортпен шұғылданып, ұлылар қатарына қосылайық!

Будьте в курсе всех событий казахстанского баскетбола, следите за новостями на нашем сайте и подписывайтесь на наши социальные сети Instagram, Facebook, Vkontakte и YouTube канал, а также на информационную рассылку в форме ниже.


Подписывайтесь на нашу рассылку!

Подписывайтесь на нашу рассылку!