Қазақстан Республикасының
Ұлттық баскетбол федерациясы

Jr. NBA Юниорлық баскетбол лигасы көшбасшыларының конференциясы онлайн форматта өтеді

11.05.2020    Оқылғаны: 25
Дереккөз: Баспасөз қызметі
Автор:

15 мамырда Jr. NBA Юниорлық баскетбол лигасы көшбасшыларының төртінші жыл сайынғы Конференциясы "Under Armour" қолдауымен алғаш рет қашықтан онлайн форматта өтеді.

Конференцияның мақсаты: әлемдік жастар баскетбол қауымдастығын осы теңдессіз уақытта қосып, қолдау көрсетіп, ойыншылардың келесі буынына NBA отбасына деген шынайы берілгендігін нығайту, сондай-ақ жастар баскетболының ағымдағы жағдайына және оның одан әрі дамуына байланысты тақырыптарда интерактивті пікірталастар үшін жаттықтырушыларды, бағдарлама әкімшілерін және мүдделі тұлғаларды тарту.

Конференция қатысушылары: үш дүркін NBA чемпионы, "Golden State Warriors" командасының ойыншысы Стивен Карри, ESPN талдаушысы Дорис Берк, "Dallas Mavericks" бас бапкері Рик Карлайл, "LA Clippers" бас жаттықтырушысы Док Риверс, Оңтүстік Каролина университеті әйелдер командасының бас жаттықтырушысы Доун Стейли, АҚШ-тың бұрынғы бас хирургі дәрігер Вивек Мурти және басқа да спикерлер. Сондай-ақ, НБА комиссары Адам Сильвер құттықтау сөз сөйлейді.

Конференцияның басталуы Нұр-Сұлтан қаласының уақыты бойынша сағат 22:00-де. Конференция көрсетілімі NBA.com және Jr. NBA.com ресми сайттарында, NBA App мобильдік қосымшасында, сондай-ақ Facebook, Twitter және YouTube әлеуметтік желілеріндегі NBA және Jr. NBA аккаунттары арқылы қолжетімді болады.

Конференцияға қатысу тегін. Тіркелу формасы https://jrnbaconference.splashthat.com сайтында қолжетімді.

Конференция бағдарламасы және спикерлер туралы ақпарат https://jr.nba.com/event/leadership-conference сайтында жарияланған.

Виртуалды конференциядан кейін, NBA жастар баскетболын дамытуға және тәжірибе алмасуға байланысты тақырыптарға сарапшылар, баскетбол бойынша жастар жаттықтырушылары және бағдарламалар әкімшілерінің қатысуымен Jr. NBA Live апталық тікелей сессияларын қоса алғанда түрлі форматтағы пікірталастарды жалғастырады.

Сонымен қатар, Jr. NBA at Home подкасты іске қосылды – бұл интерактивті контент сериясы, онда NBA және WNBA ойыншылары бүкіл әлем бойынша жас ойыншыларға белсенді және ойынға қосылған болуға көмектеседі. Jr. NBA әлеуметтік желілерінде жарияланған күнделікті бейнелерге толықтыру ретінде, жанкүйерлер Jr. NBA at Home Workouts бағдарламасының үй жаттығуларына қол жеткізе алады – бұл Jr. NBA YouTube арнасында NBA және WNBA ойыншыларының қатысуымен әр сейсенбі сайын шығатын 15 минуттық бейнероликтер.



Будьте в курсе всех событий казахстанского баскетбола, следите за новостями на нашем сайте и подписывайтесь на наши социальные сети Instagram, Facebook, Vkontakte и YouTube канал, а также на информационную рассылку в форме ниже.


Подписывайтесь на нашу рассылку!

Подписывайтесь на нашу рассылку!