"Дала қасқырлары" «MarSpo Awards» сыйлығына ұсынылды

Қазақстан Ұлттық баскетбол федерациясы "Steppen Wolves" – елдің бас командасы брендіне арналған жобамен Ресейдегі «MarSpo Awards» спорттық маркетинг саласындағы жыл сайынғы кәсіби сыйлыққа қатысуға өтінім берді.

«MarSpo Awards» - өз қызметінде спорттық маркетинг құралдарын тиімді пайдаланатын спорт клубтар, федерациялар, лигалар, брендтер мен агенттіктер үшін бұл кәсіби марапат.

Өткен үш жыл ішінде сыйлыққа 300-ден астам номинант қатысты, олардың ішінде – Континенттік Хоккей Лигасы, Бірыңғай ВТБ лигасы және басқа да лигалар мен федерациялар, ресейлік топ клубтар - "Химки" баскетбол клубы, СКА хоккей клубы және "Локомотив" футбол клубы, сондай-ақ ірі спорттық брендтер, спорттық шараларды ұйымдастырушылар, медиа-компаниялар және спорттық маркетинг нарығының басқа да тәжірибелі ойыншылары. Қазылар алқасының мүшелері спорттық маркетинг саласында атақты және тәуелсіз сарапшылар, жоғары дәрежелі мамандар болып табылады.

Байқау жобасы аясында Федерациядан үш номинация бойынша өтінімдер берілді:

• "Спорт шараның үздік маркетингі" - биылғы жылғы отандық баскетболдың ең маңызды және жарқын оқиғасы болған 2021 жылғы Азия Кубогы іріктеу кезеңі аясында Ұлттық құраманың ақпан айындағы үйде өткен матчтары.

• "Спорт шараның үздік жарнама науқаны" - Федерация өз активінде Ұлттық құраманың үй матчтарын ұйымдастыру туралы жағымды пікірлерді ғана иеленбей, сондай-ақ ақпараттық жарықтандыру, жарнамалық және PR науқандары бойынша Азия өңірінің үздік Федерацияларының бірі ретінде ФИБА-мен атап өтілді.

• "Спорттық маркетингтегі ең үздік дағдарысқа қарсы шешім" – 13 наурыздан бастап Қазақстанның бүкіл баскетбол өмірі коронавирустық инфекцияның таралу қаупіне байланысты тоқтап қалғанға қарамастан, Федерация аудиториямен белсенді қарым-қатынасты жалғастырды. "Дала қасқырларының" жанкүйерлері біздің Instagram парақшамыздағы тікелей эфирде құраманың көптеген ойыншыларымен сөйлесіп, олармен онлайн режимде жаттығып, фирмалық атрибутиканың ұтыс ойынына қатысып, баскетболға арналған тақырыптық жарияланымдар сериясынан көптеген жаңалықтарды білді.

2020 жылы қазақстандық баскетбол басты оқиғасының маркетингтік тұжырымдамасы негізіне 2017 жылы жанкүйерлер арасында ашық дауыс беру арқылы таңдалған құрама лақап аты - "Дала қасқырлары" алынды. Құрама лақап атының құрылу тарихы біздің сайтта ФИБА мақаласында жарияланған.

12 мамырға дейін онлайн дауыс беру кезеңі өтеді, ал 13 мамырда қатысушылардың шорт парағы жарияланады, оларға 21 және 22 мамырда өз жобаларын көзбе-көз қорғауға тура келеді, одан кейін номинациялар бойынша жеңімпаздар жарияланады. Коронавирус пандемиясына байланысты жобаларды қорғау онлайн режимде өтеді. Бастапқыда сыйлықтың қорытынды кезеңі сәуір айының соңында Мәскеуде спорт федерациялар, лигалар, клубтар, турнирлер мен спорт ғимараттарының маркетингі жөніндегі V Халықаралық конференция аясында өтуге тиіс болған, алайда 2020 жылдың қазан айына ауыстырылды. Сол жерде жеңімпаздарды салтанатты марапаттау рәсімі де өтеді.

Сыйлық туралы толық ақпарат https://marspo.ru/awards сайтында жарияланған.
 

Қазақстан Ұлттық құрамасының 2021 жылғы Азия Кубогы іріктеу кезеңіне қатысуы туралы толық ақпарат, команда құрамы, турнирлік кестелер, ойынның кестесі мен нәтижелері біздің сайтта Құрамалар бөлімінде жарияланған.

Ұлттық Баскетбол Федерациясы құраманы қолдап, үй матчтарын ұйымдастыруға көмек көрсеткені үшін Ұлттық Олимпиадалық Комитеті мен Мәдениет және спорт министрлігіне, сондай-ақ сұхбат өткізуде жәрдемдескені үшін QAZSPORT TV Телеарнасына алғыс білдіреді. Біздің серіктестеріміз - "Транстелеком" АҚ, "Kinopark Theatres" кинотеатрлар желісі және "Dala FM" радиосы.