2021 жылғы баскетбол бойынша Азия Кубогының Квалификация матчтарына БАҚ тіркеуі

Құрметті бұқаралық ақпарат құралдарының өкілдері!

ФИБА Халықаралық баскетбол федерациясы 2020 жылғы баскетбол бойынша Азия Кубогының Квалификация матчтарын айқындау үшін БАҚ өкілдерінің тіркеуі басталғаны туралы хабарлайды. Медиа аккредиттеу ФИБА Медиа порталында қолжетімді.

Ақпан айының соңында ерлер командалары арасында 2021 жылғы Азия Кубогына жолдама үшін күрес басталады. 1-ші тур аясында Қазақстан Ұлттық құрамасы өз алаңында екі матч өткізеді.

• 21 ақпанда "Дала қасқырлары" Палестинадан келген қарсыластарымен паркетте кездеседі. Билет сатып алу.
• 24 ақпан күні екінші матчта қазақстандық жасаққа Иорданияның құрамасы қарсы тұрады. Билет сатып алу.

Ойындардың екеуі де Нұр-Сұлтан қаласында, "Жекпе-Жек" сарайының алаңында өтеді. Матчтардың басталуы елорда уақыты бойынша сағат 20:00-де.

Эмиль Райкович басқарған "Дала қасқырларының" бапкерлер штабы 15-20 ақпан аралығында елордада жоспарланған оқу-жаттығу жиындарына шақырылған ойыншылардың тізімін анықтады.

Қазақстан Ұлттық құрамасының 2021 жылғы Азия Кубогы іріктеу кезеңіне қатысуы туралы толық ақпарат, команда құрамы, турнирлік кестелер, ойынның кестесі мен нәтижелері біздің сайтта Құрамалар бөлімінде жарияланған.

Қосымша сұрақтар бойынша Ұлттық Баскетбол Федерациясының баспасөз қызметіне 8 (7172) 555 266 телефоны арқылы немесе pr@nbf.kz мекенжайына хабарласыңыз.

Ұлттық Баскетбол Федерациясы Ұлттық Олимпиадалық Комитеті мен Мәдениет және спорт министрлігіне құраманы қолдап, үй матчтарын ұйымдастыруға көмектескені үшін алғыс білдіреді. Біздің серіктестеріміз - "Транстелеком" АҚ, "Kinopark Theatres" кинотеатрлар желісі және "Dala FM" радиосы., және "Prima Naturale" сауда маркасымен "Көкше сусындары" компаниясы.

---

Біздің сайттағы жаңалықтарды оқып, қазақстандық баскетболға қатысты барлық шаралар туралы хабардар болыңыздар. Instagram, Facebook, Vkontakte әлеуметтік желілері мен YouTube арнамызға жазылыңыздар.