Қазақстан Республикасының
Ұлттық баскетбол федерациясы

Димаш Досанов "Астана" Баскетбол клубының тұсаукесеріне қатысты

05.10.2019    Оқылғаны: 60
Дереккөз: Баспасөз қызметі
Автор:
Қазақстан Республикасы Ұлттық Баскетбол Федерациясының президенті - Димаш Ғабитұлы Досанов 3 қазанда Нұр-Сұлтан қаласында өткен "Астана" Президенттік баскетбол клубының маусым алдындағы таныстырылымының құрметті қонағы болды.

Өз сөзінде Димаш Ғабитұлы астаналық клубты жаңа баскетбол маусымының басталуымен құттықтап, командаға өткен маусымның жетістіктерінен асып түсуді тіледі. Сондай-ақ, ол 2021 жылғы Азия Кубогына іріктеу кезеңінің қарсаңында Федерацияның Ұлттық құраманың базалық клубы ретінде "Астанамен" ынтымақтастығын жалғастырудың маңыздылығын атап өтті.

Ең алдымен «Астана» Президенттік баскетбол клубының ұжымын және де елордалық команданың барлық жанкүйерлерін жаңа маусымның басталуымен құттықтаймын!

Бүгін «Астана» Баскетбол клубының маусымалды тұсаукесері болып өтті. Қазіргі таңда «Астана» қазақстандық баскетболдың сөзсіз көшбасшысы, оның халықаралық спорттық аренадағы танымал карточкасы мен қалыптасып үлгерген спорт өнімі болып табылады. 2019-2020 Ойын маусымының тұсаукесері Клубтың жаңа имидждік тұжырымдамасы туралы бейнероликті көрсетуден басталды. Клубтың заманауи трендтер мен ата-бабаларымыздан қалған мәдени мұраны онда орынды қиыстырғаны қуантарлық жайт. Ендігі маусымда табиғаттың дүлей күші «Астанаға» одан да үлкен жетістіктерге жетуді көмектесетініне үмітім зор.
 
Имиджді көпшілікке тарату тұрғысынан клубтың дамуына ВТБ Бірыңғай лигасында қатысуы айтарлықтай әсер ететіні сөзсіз. Осы мәселеге жыл сайын көзқарас анағұрлым маңызды болып келеді. Біздің Федерация өз кезегінде осы бағытта белсенді жұмыс жүргізіп, заманауи беталыстарды жіті қадағалауда. Оның үстіне, біз, талаптары едәуір жоғары болатын Әлем Кубогына өткен іріктеу сияқты ірі халықаралық жарыстарда өнер көрсететін Ұлттық құраманың негізгі клубы ретінде, "Астанамен" тығыз қарым-қатынас орнатамыз.
 
Халықаралық жарыстарға қатысатын басқа қазақстандық клубтар тек спорттық ғана емес, өз имиджін дамыту тұрғысынан да тәжірибе жинақтайтын болады деген үміттемін. Естеріңізге сала кетейін, "Астанадан" бөлек, Қазақстанды әлемге әйгілеуге үлес қосып жүрген Еуропа чемпионаттарына жыл сайын қатысатын "Барсы Атырау" командасы болып табылады, ал осы жылдан бастап олар жаңа турнирде – Еуразиялық баскетбол лигасында өнер көрсетеді.
 
Дегенмен, спорттағы ең бастысы – бұл команданың өз алдына қойған мақсаттары мен міндеттері. Еске сала кетейін, өткен маусым Ұлттық біріншілікте және Қазақстан Кубогында чемпиондық атақтарын қорғаудан басқа, клуб тарихында үздік болды, "Астана" Зенит, Локомотив және УНИКС сияқты топ командаларды жеңе отырып, ВТБ Бірыңғай лигасында жеңіс саны бойынша өз рекордын жаңартты. Команданың бас бапкері Эмиль Райковичтің ВТБ Бірыңғай лигасы маусымының үздік жаттықтырушысы деп танылуы жеке назар аударуға тұрарлық. Сондықтан "Астана" алдында тұрған міндет оңай емес – кем дегенде берілген деңгейді сақтап қалу міндеті тұр, бірақ біз бәріміз бірге біздің командамызға сенеміз және жанкүйер боламыз. Оның үстіне, команда легионерлерінің құрамы жаңартылып, Коти Кларк сияқты атақты ойыншылармен толықты.
 
Сонымен қатар, Жаңа жылдан кейін бізді 2021 жылғы Азия Кубогының іріктеу кезеңі күтуде. Осы спорттық шараға командамыз қазірден бастап дайындық үстінде. Ойыншылары Әлем Кубогына іріктеу кезеңін лайықты өткізген елордалық клубқа біз  үлкен үміт артамыз.
 
Жаңа баскетбол маусымының басталуымен барша жанкүйерлерді тағы да құттықтаймын. Командаға тілерім, ойлағандарынан асып түсіп, жанкүйерлерін одан да көп жеңістерімен қуанту.

Будьте в курсе всех событий казахстанского баскетбола, следите за новостями на нашем сайте и подписывайтесь на наши социальные сети Instagram, Facebook, Vkontakte и YouTube канал, а также на информационную рассылку в форме ниже.


Подписывайтесь на нашу рассылку!

Подписывайтесь на нашу рассылку!