Қазақстан Республикасының
Ұлттық баскетбол федерациясы

3х3 баскетболынан «Almaty Quest» халықаралық турниріне арналған пресс-бранч өтті

22.09.2023    Оқылғаны: 787
Дереккөз: Баспасөз қызметі
22 қыркүйек күні Алматы қаласында 3х3 баскетболынан «Almaty Quest» халықаралық турнирі БАҚ өкілдеріне арналған пресс-бранч өтті. Іс-шараға ҰБФ (Ұлттық баскетбол федерациясы) вице-президенті Алмаз Ұзақов, Алматы қаласы Спорт басқармасы спорт бөлімі басшысы Бауыржан Жұматаев, «Al Shamal» клубы бапкері Бассам Хасан Сайед Али және ойыншысы Уильямс Декстер, сонымен қатар қазақстандық баскетболшылар Роберт Пан мен Константин Нефф қатысты.

Алғашқы сөзді алған ҰБФ вице-президенті Алмаз Ұзақов: «Almaty Quest» сынды халықаралық турнирлерді өткізу құқығына ие болу елімізде баскетболдың жаңа бір деңгейге көтерілуі деп білемін. Біз бұнымен тоқтап қалмақ емеспіз, алдағы уақытта «Quest» деңгейінен жоғары турнирлерді өткізу жоспарда бар. Бастыс жергілікті әкімдік (Алматы) мен мемлекет тарапынан үлкен қолдау бар»,-деп бұл турнир жоғары деңгейлі турнирлердің тек бастамасы екенін атап өтті.

Алматы қаласы Спорт басқармасы спорт бөлімі басшысы Бауыржан Жұматаев өз сөзінде әкімдік тарапынан командалық спорт түрлерін дамытуға ерекше көңіл бөлініп жатқандығын айта келе жарыстың жоғары деңгейде өтетініне сенім білдіріп, қатысушыларға сәттілік тіледі.

Катар клубының бас бапкері өз командасының жеңісіне сенімді және тек жеңіс үшін ойнайтынын айтты.

Қазақстандық ойыншылар Роберт Пан мен Константин Нефф Азия ойындарына кетіп бара жатқандықтан бұл турнирге қатыса алмайтындарына өкініш білдірді. Бұл турнирде қазақстандық клубтар жеңіске жетеді деп сенеді.

3х3 баскетболынан «Almaty Quest» халықаралық турниріне 6 қазақстандық және 10 шетелдік команда қатысады. Турнир жеңімпазы Chengdu Masters Әлемдік туры жолдамасына ие болады.

Турнир қонақтары арасында FIBA 3X3 басқарушы директоры – Алекс Санчез және Орта Азия аймағы бойынша 3х3 баскетболының жұлдыздары болады.
 

Біздің сайттағы жаңалықтарды оқып, қазақстандық баскетболға қатысты барлық шаралар туралы хабардар болыңыздар. Instagram, Facebook, Vkontakte әлеуметтік желілері мен YouTube арнамызға жазылыңыздар.


Подписывайтесь на нашу рассылку!