Ұлттық құрама ойыншылары жанкүйерлерді MEDIA DAY-ға шақырады

16.08.2022 Оқылғаны: 632

Дереккөз: Баспасөз қызметі

Медиа күн барысында еліміздің бас баскетбол командасының ойыншылары мастер-класс, жанкүйерлермен фото және қолтаңба сессиясын өткізеді.

Өтетін орны: Нұр-Cұлтан қаласы, Триатлон саябағының баскетбол алаңы
Уақыты: 16.00-17.00

Сонымен қатар, баскетбол алаңына келген алғашқы 20 адам үшін Қазақстан құрамасының Қытай командасына қарсы матчына билет сыйлаймыз. Ол 25 тамызда Нұр-Сұлтанда,"Сарыарқа" республикалық велотрегінің аренасында өтеді.

MEDIA DAY-ға кіру тегін.

Қазақстан ұлттық құрамасының 2023 жылғы Әлем Кубогы іріктеуіне қатысуы туралы толық ақпарат, команда құрамы, турнирлік кестелер, матчтардың кестесі мен нәтижелері біздің сайтымызда «Құрамалар» бөлімінде жарияланған.

Ұлттық құрамаға көрсеткен қолдауы мен көмегі үшін ҚР мәдениет және спорт министрлігіне, Спорт және дене шынықтыру істері комитетінің спортты дамыту дирекциясына, Ұлттық Олимпиада комитетіне, "Самұрық-Қазына" ұлттық әл-ауқат қорына, "Sport Qory" туризм және спорт индустриясын қолдау қорына, Нұр-Сұлтан қаласының әкімдігіне алғысымызды білдіреміз.

Біздің сайттағы жаңалықтарды оқып, қазақстандық баскетболға қатысты барлық шаралар туралы хабардар болыңыздар. Instagram, Facebook, Vkontakte әлеуметтік желілері мен YouTube арнамызға жазылыңыздар.