Қазақстан Республикасының
Ұлттық баскетбол федерациясы

Ойын орталығы

2023 жылғы Әлем Кубогы - Азиялық біліктілік
Қазақстан
Раунд 2
F тобы
14.11.2022 (Дс), 20:00
Арена: "Сарыарка" велотрегі (Астана)
61:81
Негізгі уақыт
14:16 13:29 19:28 15:8
Ойын: R2-23
Көрермен: 0 (0.00%, сыйымдылығы 9200)
Жапония
Жапония

Қазақстан vs Жапония матчына хабарландыру - 2023 жылғы Әлем Кубогына іріктеу

14.11.2022    Оқылғаны: 4319
Дереккөз: Баспасөз қызметі
Автор:
Бүгін, 14 қарашада баскетболдан Қазақстанның ерлер Ұлттық құрамасы 2023 әлем Кубогына іріктеу аясында Жапония құрамасымен кездеседі.

2023 жылғы Әлем Кубогына Қазақстан құрамасы мен Жапония құрамасын іріктеу ойыны Астана қаласының "Сарыарқа" велотрегінде өтеді. Басталуы Елорда уақытымен 20: 00-де. Билеттерді Zakazbiletov.kz сайтында онлайн түрде сатып алуға болады.

Матч жайындағы барлық ақпарат, оның ішінде құрамдар, жаңалықтар, фото және бейне есептер, сондай-ақ статистика Матч орталығында жарияланады. Тікелей эфир біздің сайтта өтеді.

Барлық жанкүйерлерді тарихи ойынға келіп, Ұлттық құрамаға қолдау көрсетуге шақырамыз! 

Қазақстан ұлттық құрамасының 2023 жылғы Әлем Кубогы іріктеуіне қатысуы туралы толық ақпарат, команда құрамы, турнирлік кестелер, матчтардың кестесі мен нәтижелері біздің сайтымызда Құрамалар бөлімінде жарияланған.
Естеріңізге сала кетейік, жеребе қорытындысы бойынша "Дала қасқырлары" 1-ші раундта Иран, Сирия және Бахрейн құрамаларымен бірге "D" тобына түсті. Біздің команда алты матчтың бесеуінде жеңіске жетіп, көш басында келеді. 
  • 2021 жылдың 26 ​​қарашасы – Қазақстан vs Сирия – 84:74
  • 2021 жылдың 29 қарашасы – Сирия vs Қазақстан – 71:81
  • 2022 жылдың 24 ақпаны – Иран vs Қазақстан – 69:73
  • 2022 жылғы 27 ақпан – Бахрейн vs Қазақстан – 48:95
  • 2022 жылдың 1 шілдесі – Қазақстан vs Иран – 68:60
  • 2022 жылдың 4 шілдесі – Қазақстан vs Бахрейн – 51:62
2-ші раундта Қазақстан құрамасы Австралия, Қытай және Жапония командаларымен бірге "F" тобында ойынды жалғастырады. Сондай-ақ, біздің құрамамен 1-ші раундта  бірге ойнаған Иран және Бахрейн баскетболшылары да келесі кезеңге өтті. Юірақ біз олармен кездеспейміз. 
  • 25 тамызы 2022 - Қазақстан vs Қытай - 56:68
  • 30 тамызы 2022 - Жапония vs Қазақстан - 73:48
  • 11 қараша 2022 - Қазақстан vs Аустралия - 50:97
  • 14 қараша 2022 - Қазақстан vs Жапония
  • 29 тамыз 2022 - Жапония vs Қазақстан
  • 23 ақпан 2023 - Қытай vs Қазақстан
  • 25 тамыз 2022 - Қазақстан vs Қытай
  • 26 ақпан 2023 - Австралия vs Қазақстан
Әлем Кубогы 2023 жылдың 25 тамызы мен 10 қыркүйегі аралығында үш елде - Жапония, Филиппин және Индонезияда өтеді.

Ұлттық құрамаға көрсеткен қолдауы мен көмегі үшін ҚР мәдениет және спорт министрлігіне, Спорт және дене шынықтыру істері комитетінің спортты дамыту дирекциясына, Ұлттық Олимпиада комитетіне, "Самұрық-Қазына" ұлттық әл-ауқат қорына, "Sport Qory" туризм және спорт индустриясын қолдау қорына, Нұр-Сұлтан қаласының әкімдігіне алғысымызды білдіреміз.

Будьте в курсе всех событий казахстанского баскетбола, следите за новостями на нашем сайте и подписывайтесь на наши социальные сети Instagram, Facebook, Vkontakte и YouTube канал.

Қазақстан vs Жапония матчына шолу - 2023 жылғы Әлем Кубогына іріктеу

14.11.2022    Оқылғаны: 4381
Дереккөз: Баспасөз қызметі
Автор:
14 қараша күні 2023 жылғы Әлем Кубогына екінші іріктеу кезеңінде «F» тобының Қазақстан мен Жапония құрама командалары бетпе-бет кездесті.

Бұған дейін екі команда бір-бірімен 4 рет кездескен және төрт матчта да Жапония басым түскен. Баскетболдан Қазақстан ерлер құрамасының бүгінгі қарсыласы 9 матчтың төртеуін жеңіп, ал бесеуінде қарсыласына есе жіберген.  Ал «Дала Қасқырлары» болса, өткен матчта топтағы айқын көшбасшы Аустарлиямен кездесіп, ойсырай жеңілген. Олар Жапонияға қарсы ойынға 5 жеңіс, төрт жеңіліспен келді. 

Баскетболдан Қазақстан ерлер құрамасы – 2023 жылғы әлем чемпионатына іріктеу
Күн шығыс еліне қарсы матчтың шымылдығын құрама капитаны Шаим Қуанов бастаған Рустам Мурзагалиев, Антон Быков, Роман Марчук пен Максим Марчук бестігі ашты.  

Алғашқы ширекте командалар бірдей деңгейде өнер көрсетті. Алдымен жапониялық Юки Тогаши үш ұпай еншілесе, кейіннен оның әріптесі Суда есепті 0:5-ке жеткізді. Қазақстандық спортшылар мүмкіндіктер бола тұра, оларды жүзеге асыра алмады. Бірінші кезеңнің 2,5 минуты өткенде ғана Олег Кисилевтің шәкірттері алғашқы 2 ұпайды еншіледі. Осы сәттен кейін командалардың ойыны тең дәрежеде жалғасып, Қазақстан құрамасы Рустам Мурзагалиевтің көмегімен есепті теңестірді. Сондай-ақ, баскетболдан Қазақстан ерлер құрамасының №10 жейдедегі ойыншысы «+3» ұпай еншілеп, команданың таразы басында басымдыққа ие болуын қамтамасыз етті. Ұлттық құрама бірнеше минут бойы алда тұрғанымен, Жапония командасы Хиротака Йошидің мергендігінің арқасында есепте тағы алға шықты. Сөйтіп, командалар алғашқы ширекті 14:16 есебімен аяқтады. 

Ал екінші ширекті қазақстандық спортшылар сәтті болды деуге келмейді. «Дала Қасқырлары» бұл он  минуттықта тек 13 ұпай иеленсе, қарсыластар 29 ұпайды өз еншісіне жазды. Рустам Мурзагалиевте, Роберт Панда, Шаим Қуановта тамаша мүмкіндіктер болғанына қарамастан, барлық доп нысанадан мүлт кетті. Десе де, ойынның үздігі деп танылған Мурзагалиев ойынның бірінші бөлігінің аяқталуына екі-ақ секунд қалғанда өз қоржынына тағы 3 ұпай салды. Осы ойын бөлігінің есте қалған тағы бір айшықты тұсы – Жапония құрамасының №33 жейдедегі Юки Кавамураның Қазақстан командасының қорғанысын жалғыз өзі бұзып өтіп, өз есебіне 2 ұпай жазуы. 

Рустам Мурзағалиев – баскетболдан Қазақстан ерлер құрамасы
Үшінші және төртінші ширектерде де, жалпы бүгінгі матчта Қазақстан құрамасының ойыншыларына мергендік пен сәттілік серік болған жоқ. Ұлттық құраманың ойыншыларында 3 және 2 ұпайлар еншілетін сәттері бір емес, бірнешеу болды. Алайда олардың барлығы көздеген нүктеден қисық кетіп отырды. Одан бөлек, айып соққылары тағайындалған кезде де екі мүмкіндіктің тек біреуі жүзеге асырылған сәттер жиі кездесті. Ал жапониялық баскетболшыларының паркеттің кез келген бөлігінен бағыттаған добы діттеген мақсатына дәл жетіп отырды. Осылайша, Қазақстан құрамасы үшінші ширекте де жанкүйерлерін қуанта алмай, 27 ұпай айырмашылығымен тағы да есе жіберді – 46:73. Ал соңғы, қорытынды кезеңде «Дала қасқырлары» қарқынды күшейтіп, ұпай санында қарсыласына жақындап көруге тырысқан. Алайда сәттілік серік болмай, ақырында 30 ұпай айырмашылығымен, 61:81 есебімен Жапония құрамасына тарихта бесінші рет есе жіберді. 

Баскетболдан 2023 жылғы Әлем Кубогына іріктеудің екінші кезең ойындарынан кейін Қазақстан құрамасы «F» тобының турнирлік кестесінде 5-орында тұр. Ел құрамасы 10 ойынның тең жартысында жеңсе, тағы тең жартысында қарсыласына жол берді. 10-ойын күнінде қарсылас болған Жапония құрамасы болса, төртінші сатыда. Күн шығыс елінің баскетболшылары да бес ойында жеңіп, бес ойында жеңілген. Тағы бір айта кететін жайт, Жапония құрамасы 2023 жылғы Әлем Кубогына қатысатыны белгілі. 

Матч көшбасшылары: Жапонияға қарсы өткізген матчта Қазақстан сапынан 14 ұпай жинаған Рустам Мурзагалиев үздік деп танылды. Спортшы екі мәрте команда қоржынына «+3» ұпай салды, ал оның біреуі бірінші ширекте таблодағы көрсеткішті теңестіріп, одан кейін есепте алға шығуға мүмкіндік берген ұпай болды. 

Келесі матч:  Баскетболдан Қазақстан құрамасы 2023 жылғы Әлем Кубогына екінші іріктеу кезеңінің келесі ойынын Қытай құрамасына қарсы өткізеді. Ал матчты келер жылдың 23 ақпанында өткізу жоспарланған.
 

Қазақстан ұлттық құрамасының 2023 жылғы Әлем Кубогы іріктеуіне қатысуы туралы толық ақпарат, команда құрамы, турнирлік кестелер, матчтардың кестесі мен нәтижелері біздің сайтымызда Құрамалар бөлімінде жарияланған.
Естеріңізге сала кетейік, жеребе қорытындысы бойынша "Дала қасқырлары" 1-ші раундта Иран, Сирия және Бахрейн құрамаларымен бірге "D" тобына түсті. Біздің команда алты матчтың бесеуінде жеңіске жетіп, көш басында келеді. 
  • 2021 жылдың 26 ​​қарашасы – Қазақстан vs Сирия – 84:74
  • 2021 жылдың 29 қарашасы – Сирия vs Қазақстан – 71:81
  • 2022 жылдың 24 ақпаны – Иран vs Қазақстан – 69:73
  • 2022 жылғы 27 ақпан – Бахрейн vs Қазақстан – 48:95
  • 2022 жылдың 1 шілдесі – Қазақстан vs Иран – 68:60
  • 2022 жылдың 4 шілдесі – Қазақстан vs Бахрейн – 51:62
2-ші раундта Қазақстан құрамасы Австралия, Қытай және Жапония командаларымен бірге "F" тобында ойынды жалғастырады. Сондай-ақ, біздің құрамамен 1-ші раундта  бірге ойнаған Иран және Бахрейн баскетболшылары да келесі кезеңге өтті. Юірақ біз олармен кездеспейміз. 
  • 25 тамызы 2022 - Қазақстан vs Қытай - 56:68
  • 30 тамызы 2022 - Жапония vs Қазақстан - 73:48
  • 11 қараша 2022 - Қазақстан vs Аустралия - 50:97
  • 14 қараша 2022 - Қазақстан vs Жапония - 61:81
  • 23 ақпан 2023 - Қытай vs Қазақстан
  • 26 ақпан 2023 - Австралия vs Қазақстан
Әлем Кубогы 2023 жылдың 25 тамызы мен 10 қыркүйегі аралығында үш елде - Жапония, Филиппин және Индонезияда өтеді.

Ұлттық құрамаға көрсеткен қолдауы мен көмегі үшін ҚР мәдениет және спорт министрлігіне, Спорт және дене шынықтыру істері комитетінің спортты дамыту дирекциясына, Ұлттық Олимпиада комитетіне, "Самұрық-Қазына" ұлттық әл-ауқат қорына, "Sport Qory" туризм және спорт индустриясын қолдау қорына, Нұр-Сұлтан қаласының әкімдігіне алғысымызды білдіреміз.

Будьте в курсе всех событий казахстанского баскетбола, следите за новостями на нашем сайте и подписывайтесь на наши социальные сети Instagram, Facebook, Vkontakte и YouTube канал.
Статистика сейчас загрузится, если не загрузилась попробовать еще раз

Подписывайтесь на нашу рассылку!