ФИБА 2020 жылға арналған 3х3 баскетболы күнтізбесіне жаңа толықтырулар енгізді

ФИБА халықаралық күнтізбесіне жаңа өзгерістер 12 наурыздағы барлық жарыстарды тоқтату туралы шешімге сәйкес енгізді. Коронавирустық жұқпа індетіне байланысты ресми 3х3 баскетбол жарыстары осы жылдың тамыз айына дейін басталмайды.

2021 жылға ауыстырылған іс-шаралар:

• 2 олимпиадалық іріктеу жарыстары (Токиодағы Олимпиада ойындарын ауыстырғаннан кейін, 2021 жылға ауыстырылды).

2020 жылдың маусымына жоспарланған келесі іс-шараларды болдырмау:

• Прага (1-2 тамыз), Лозанна (21-22 тамыз), Лос-Анджелес (19-20 қыркүйек) және Нанкиндегі (17-18 қазан) 4 World Tour жарыстары;
• ​Ұлттар Лигасы 3х3 U-23;
• Барлық құрлықтық Кубоктарға іріктеу турнирлері;
• 3x3 U-17 құрлықтық Кубоктары, іріктеуді қоса алғанда.

Естеріңізге сала кетейік, бұған дейін маусымның алғашқы 5 Мастерсі – Доха, Манила, Чэнду, Мехико мен Уцуномияда болдырылмаған еді. Осылайша, 2020 жылғы маусымдағы Pro-цикл күнтізбесінде қазіргі уақытта Дебрецен, Монреаль, Джедде және Абу-Дабиде 4 Мастерс ғана қалды.

3х3 баскетболы бойынша 2020 жылғы маусымның қалған жарыстарындағы соңғы шешім кейінірек қабылданады.

ФИБА 3х3 баскетболы бойынша жарыстардың қайта жалғастырылу мүмкіндігіне әуелдегісінше үміттенеді және 2020 жылдың қалған бөлігінде ФИБА 3х3 әлемдік турын, іріктеу серияларын, құрлықтық Кубоктары мен U-23 және U-18 Әлем Кубоктарын жоспарлау мен ұйымдастыру бойынша белсенді жұмыс істеуді жалғастыруда, сондай-ақ қажет болған жағдайда 2021 жылдың қаңтар айында да.

Жаңартылған маусым күнтізбесі FIBA 3x3 ресми сайтында жарияланған.

ФИБА COVID-19-бен байланысты жағдайды тұрақты негізде қадағалауды және кез келген одан әрі жаңартулар туралы хабарлауды жалғастыра береді.