Ұлттық лига: Ақтөбе-Астана сериясында есеп 1-1

Астана Академия командасы ¼ финалдық кездесулерінің екінші ойынында Ақтөбе командасынан 86-82 есебімен басым түсіп есепті теңестірді.

Алғашқы онминуттықты «Астана Академия» командасы сәтті бастап 29-12 есебімен қарсыластан оқ бойы басым түсті. Екінші кезеңде қонақ команда 10 ұпайға дейін қысқарта алғанымен, командалар үлкен үзіліске астаналықтардың 17 ұпай басымдығымен кетті. Есеп 48-31

Үшінші ширекті ақтөбеліктер 17-14 есебімен өз пайдаларына жазды. Соңғы шешуші кезеңде Ақтөбе командасы «Астана Акаедмияны» қуып жетіп есепті 77-77 есебімен теңестіре алды. Алайда соңғы сәтте Игорь Каныгинның сәтті ойынының арқасында астаналықтар өз паркетінде басымдылық танытты. 

Қорытынды есеп 86-82. Серия Ақтөбе қаласында өз жалғасын табады. 

Кездесудің үздік ойыншылары:

«Астана Академия»: Игорь Каныгин – 15 ұпай, 1 тартып алу, 7 нәтижелі пас, тиімділік коэффиценті – 32

Ақтөбе: Шакир Смит – 20 ұпай, 2 тартып алу, 20 нәтижелі пас,  тиімділік коэффциенті – 22

---

Біздің сайттағы жаңалықтарды оқып, қазақстандық баскетболға қатысты барлық шаралар туралы хабардар болыңыздар. Instagram, Facebook, Vkontakte әлеуметтік желілері мен YouTube арнамызға жазылыңыздар.