Павлодарлық "Ertis" "Шымкентті" жеңді

Бұл матчта да тең күрес болмай, павлодарлық "Ertis" құрамасы "Шымкентік" қарсыластарын сенімді түрде жеңді.

Ойын барысы: Павлодар ұжымы тез арада есеп ашып, алты ұпаймен алға шықты. Шымкенттік баскетболшылар алғашқы бес минутта үш ұпай жинай алды. "Ertis" ойынның алғашқы он минутында толығымен үстемдік етті және он минут ішінде жиырма ұпайға жетті – 23: 5. Шымкент ұжымы бірінші кезеңмен салыстырғанда екіншісінде өз нәтижелілігін екі есеге арттырды, бірақ олар қарсыластарын жеңе алмады. Павлодарлық баскетболшылар өз ойындарын сенімді жүргізіп, матчтын бірінші жартысында отыз ұпайлық алшақтықпен жеңіске жетті. Есеп – 48:16. Он бес минуттық демалыстан кейін "Ertis" допты себетке түсіруге деген қарқынын бәсеңдетті, бірақ олар матчтың барысын бақылап, сенімді түрде алға жылжып, алшақтықтарын арттырды. Ойын соңына он минут қалғанда, павлодарлық ұжым қырықтан астам ұпай жинады – 65:23. Матчта ешқандай интрига қалмай, жеңіске жететін команда белгілі болды. Павлодар ұжым қарқынын көтермеді, бірақ маусымдағы алғашқы жеңісіне байсалды түрде барды. Олар төртінші кезеңде жеңіліп қалды, бірақ кездесуде жеңіске жетті. Есеп - 78:40.

Түйінді сәт: Павлодар командасы матчтың алғашқы минуттарынан бастап бастаманы қолға алып, кездесу соныңа дейін еңселерін биік ұстады.

Матчтың кейіпкері: Салтанат Умарғазы ең нәтижелі және тиімді ойын өткізді.

Матч көшбасшылары:

• "Ertis": Салтанат Умарғазы (22 ұпай, 2 доп, 3 пас, 1 блокшот), Рауан Түткішова (11 ұпай, 6 доп, 2 тосқауыл), Камиля Кауканова (10 ұпай, 10 доп, 2 пас).
• "Шымкент": Светлана Улитина (16 ұпай, 5 доп, 2 тосқауыл), Сымбат Шалхарова (14 ұпай, 8 доп), Дарья Ковалева (3 ұпай, 7 доп, 1 блокшот).

---

Біздің сайттағы жаңалықтарды оқып, қазақстандық баскетболға қатысты барлық шаралар туралы хабардар болыңыздар. Instagram, Facebook, Vkontakte әлеуметтік желілері мен YouTube арнамызға жазылыңыздар.