"Дала қасқырлары" «MarSpo Awards» сыйлығының ақтық кезеңіне өтті

«MarSpo Awards» Ресейлік спорттық маркетинг саласындағы жыл сайынғы кәсіби сыйлықтың онлайн дауыс беру кезеңі аяқталды. Оның қорытындысы бойынша "Steppen Wolves" – елдің бас командасының брендіне арналған Қазақстан Ұлттық баскетбол федерациясының жобасы әділ қазылар алқасының жоғары бағасын алып, финалға мәлімделген үш номинациялардың екеуінен өтті.

«MarSpo Awards» – өз қызметінде спорттық маркетинг құралдарын айрықша тиімді пайдаланатын спорт клубтар, федерациялар, лигалар, брендтер мен агенттіктер үшін бұл кәсіби марапат. Қазылар алқасының мүшелері спорттық маркетинг саласында танылған және тәуелсіз сарапшылар, жоғары дәрежелі мамандар болып табылады.

Байқау жобасы аясында Федерациядан үш номинация бойынша өтінімдер берілгені туралы еске сала кету жөн:

• "Спорт шараның үздік маркетингі" - биылғы жылғы отандық баскетболдың ең маңызды және жарқын оқиғасы болған 2021 жылғы Азия Кубогы іріктеу кезеңі аясында Ұлттық құраманың ақпан айындағы үйде өткен матчтары.

• "Спорт шараның үздік жарнама науқаны" - Федерация өз активінде Ұлттық құраманың үй матчтарын ұйымдастыру туралы жағымды пікірлерді ғана иеленбей, сондай-ақ ақпараттық жарықтандыру, жарнамалық және PR науқандары бойынша Азия өңірінің үздік Федерацияларының бірі ретінде ФИБА-мен атап өтілді.

• "Спорттық маркетингтегі ең үздік дағдарысқа қарсы шешім" – 13 наурыздан бастап Қазақстанның бүкіл баскетбол өмірі коронавирустық инфекцияның таралу қаупіне байланысты тоқтап қалғанға қарамастан, Федерация аудиториямен белсенді қарым-қатынасты жалғастырды. "Дала қасқырларының" жанкүйерлері біздің Instagram парақшамыздағы тікелей эфирде құраманың көптеген ойыншыларымен сөйлесіп, олармен онлайн режимде жаттығып, фирмалық атрибутиканың ұтыс ойынына қатысып, баскетболға арналған тақырыптық жарияланымдар сериясынан көптеген жаңалықтарды білді.

2020 жылы қазақстандық баскетбол басты оқиғасының маркетингтік тұжырымдамасы негізіне 2017 жылы жанкүйерлер арасында ашық дауыс беру арқылы таңдалған құрама лақап аты - "Дала қасқырлары" алынды. Құрама лақап атының құрылу тарихы біздің сайтта ФИБА мақаласында жарияланған.

Сыйлықтың финалдық кезеңінде Федерацияның PR және маркетинг департаменті "Спорт шараның үздік маркетингі" және "Спорттық шараның үздік жарнама науқаны" номинацияларында жобаны қорғауы тиіс. "Дала қасқырларына" бәсекелестікті "Зенит" футбол клубы, "Динамо Минск" хоккей клубы, Ресей регби федерациясы жобалары, ATP сериясындағы St. Petersburg Open 2019 халықаралық теннис турнирі және басқа да танымал конкурсқа қатысушылар құрайды. Финалистердің толық тізімі Facebook әлеуметтік желісіндегі сыйлық парақшасында жарияланған.

Жобаларды таныстыру және қорғау 20, 21 және 22 мамырда https://www.sportbis.ru/online_tv платформасында ашық түрде өтеді. Қарау үшін сайтта қорғау күніне жақын пайда болатын қарапайым тіркеу нысанын толтыру қажет. Жобаларды қорғау таймингі 18 мамырда жарияланады. Бастапқыда сыйлықтың қорытынды кезеңі сәуір айының соңында Мәскеуде спорт федерациялар, лигалар, клубтар, турнирлер мен спорт ғимараттарының маркетингі жөніндегі V Халықаралық конференция аясында өтуге тиіс болған, алайда 2020 жылдың қазан айына ауыстырылды. Сол жерде жеңімпаздарды салтанатты марапаттау рәсімі де өтеді.

Айта кеткен жөн, «MarSpo Awards»-қа қатысуға сыйлық тарихында рекордтық сан – 270 өтінім берілді. Федерация жобасының ақтық кезеңге өткені отандық баскетбол үшін елеулі жетістік және бүкіл Қазақстан баскетбол қауымдастығының мақтанышы үшін себеп болып табылады.

Сыйлық туралы толық ақпарат https://marspo.ru/awards сайтында жарияланған.
 

Қазақстан Ұлттық құрамасының 2021 жылғы Азия Кубогы іріктеу кезеңіне қатысуы туралы толық ақпарат, команда құрамы, турнирлік кестелер, ойынның кестесі мен нәтижелері біздің сайтта Құрамалар бөлімінде жарияланған.

Ұлттық Баскетбол Федерациясы құраманы қолдап, үй матчтарын ұйымдастыруға көмек көрсеткені үшін Ұлттық Олимпиадалық Комитеті мен Мәдениет және спорт министрлігіне, сондай-ақ сұхбат өткізуде жәрдемдескені үшін QAZSPORT TV Телеарнасына алғыс білдіреді. Біздің серіктестеріміз - "Транстелеком" АҚ, "Kinopark Theatres" кинотеатрлар желісі және "Dala FM" радиосы.