Атырау, Қазақстан – 2024 жылғы 19 мамыр
 
Баскетболдан Қазақстан чемпионатының финалдық сериясы төртінші ойынмен аяқталып,  «Irbis-Alatau» командасының  жоғары дәрежедегі ойыны мен өз мүмкіндіктеріне деген сенімділігімен аяқталды. Кездесудің басынан-ақ қонақтар ойын тізгінін өз қолдарына алып, алғашқы минуттарда-ақ есеп 11-1 есебімен өз пайдаларына жазды.
 
Бірінші ширек
«Irbis-Alatau» ойынды қарқынды шабуылдармен бастады, нәтижелі шабуылдар олардың жылдам алға шығуына мүмкіндік берді. Бірінші ширектің ортасында қонақ команданың басымдығы 13 ұпайға жетіп, таблодағы есеп 21-8 көрсетті. «Барсы Атырау» қарсыласын қуып жету үшін үздіксіз шабуылдауға күш салып, талпыныстары ақыры өз жемісін берді. Шабуылдардың арқасында атыраулықтар  бірінші ширектің соңына қарай есеп айырмасын қысқарта алды. Десе де қонақ команда 26-17 есебімен алғашқы ширекті өз пайдаларына жазды.
 
Екінші ширек
Екінші ширекте Irbis-Alatau  қарқынын бәсеңдетпеді. Олар ойынды сенімді түрде жалғастырып, есеп айырмасында 15 ұпайға дейін алға шығып, ширектің соңғы жағында таблодағы есеп 36-21 болды. Алайда алаң иелері мойымай, ұпай айырмасын 9-ға дейін қысқарта алды. Командалар ұзақ үзіліске 47-38 есебімен Irbis-Alatau  басымдығымен шықты.
 
Үшінші ширек
Үзілістен кейін «Барсы Атырау» белсенді түрде жеңіск қарсыласын қуып жеткуге әрекет етті. Олар есеп айырмасындағы алшақтықты бар жоғы 4 ұпайға дейін қысқарта алды – 58-62. Алайда ширек соңында алаң иелерінің екі рет тәртіп бұзуы қонақтарға еркін лақтырыста оңай 4 ұпай алуға мүмкіндік берді. Үшінші ширектің қорытындысы бойынша «Irbis-Alatau» 66-58 есебімен сенімді түрде жеңіске қарай ұмытылды.
 
Төртінші ширек
Шешуші ширек «Irbis-Alatau» командасын тез арада тағы 5 ұпайға  ие болуымен басталды. Олар осы басымдықты ойын соңына дейін сақтап қалып, қарсыластың өздеріне жақындауына мүмкіндік бермеді. Бұл ширекте қонақтар 16-13 есебімен жеңіске жетті. Матчтың қорытынды есебі 82-71 «Irbis-Alatau» пайдасына шешілді.
 
Үздік ойыншылар
Су жаңа Қазақстан чемпиондары сапында ең үздік ойыншы Роберт Пан атанды. Ол 20 ұпай, 5 допты қақшу, 4 нәтижелі пас берді және 1 рет допты тартып алды.  «Барсы Атырау» үшін  сапында 23 ұпай жинап, 5 допты қақшу, 9 нәтижелі пас және 3 допты тартып алуды жасаған Джарвис Гаррет үздік ойыншы атанды.
 
Чемпионат нәтижелері
Ұлттық лиганың ерлер командалары арасындағы ХХХІІ Қазақстан чемпионатының қорытындысы бойынша үздік ойыншылар:

• Роберт Пан (Irbis-Alatau)
• Маркус Майерс (Irbis-Alatau)
• Джарвис Гаррет (Атырау Барысы)

 
Стратегиялық шешімдері мен көшбасшылық қабілеттері арқасында  Чемпионаттың үздік жаттықтырушысы Чвирка Рамунас (Irbis-Alatau) атанды.
 
Чемпионаттың марапаттау рәсімі мен нәтижелері
Чемпиондарды марапаттау рәсімін Қазақстан баскетбол федерациясының Бас хатшысы Алмаз Ұзақов өткізді.  Чемпионатты қорытындылай келе, ол биылғы жылдың жоғары деңгейде өткенін атап өтті: «Барлық командалар 100 пайыз күш жұмсады. Бірақ «Irbis-Alatau» командасы Чемпионат қорытындысы бойыеша жеңіске жетті. Елімізде баскетболды дамытуға күш салып жатырмыз. Биыл алғаш рет Ұлттық лига маусымында 8 клуб бақ сынап, Чемпионат жоғары деңгейде өтті. Келесі маусымда жанкүйерлер мен клубтар үшін үлкен тосын сый болады, бұл туралы сіздер міндетті түрде еститін боласыздар.
 


Жаттықтырушылар пікірлері

«Irbis-Alatau» бапкері Рамунас Цврика жеңістен кейінгі эмоцияларымен бөлісті:
«Чемпионат аяқталғаннан кейін – босаңсыған сезім бар. Биылғы чемпионат өте ұзақ болды. Барлық серияны жоғары деңгейде төрешілік еткен қазыларға алғысымды білдіремін. Қарсылас командаға да алғыс айтқым келеді. Жеңіске біздің саны аз  болса да, бірақ өте талантты ойыншыларымыздың арқасында қол жеткіздік. Сіз жайдан жай ғана чемпион болмайсыз. Бұл – маусым бойы тынымсыз еңбегіміздің жемісі. Біз тұрақты маусымда 28 кездесудің 27-сінде жеңіске жеттік. Оңай жеңістер жоқ. Матчтарда жеңіліп қалған кездер де болды, бірақ ойынның бағытын өзгерте білдік. Бұл біздің команданың мінезін көрсетеді».
 

«Барсы Атырау» бапкері Тигран Гокчян да өз әсерімен бөлісті:
«Барлық жанкүйерлерге рахмет. Бүгін аренада жанкүйерлердің өте ыстық ықыласын сезіндік. Біздің команданың өз алаңындағы ойындарында көптеген жанкүйерлерді көру шын айтқанда таң қалдырды».
 
 




Қорытынды
«Irbis-Alatau» ірі жеңіске жетіп, Қазақстан чемпионы атанды. Олардың матчтың басынан аяғына дейін белсенді және үйлесімді ойыны бұл атаққа қол жеткізуге мүмкіндік берді. «Irbis-Alatau» командасын лайықты жеңісімен құттықтаймыз!

---