Қазақстан Республикасының
Ұлттық баскетбол федерациясы

Қараша айында болатын қазақстандық баскетбол  іс-шараларының құлақтандырмасы

01.11.2018    Оқылғаны: 966
Дереккөз: Баспасөз қызметі
Күздің нағыз қызған кезінде елдің баскетболдық өмірі күшеюде – ерлер және әйелдер Ұлттық лигасының матчтар сериялары, ерлер командалары арасындағы Жоғарғы лиганың бастауы, әйелдер арасында өтетін Қазақстан Чемпионатының бірінші Жалпы туры және де қазақстандық баскетболдың басқа да іс-шаралары қарашалық аңдатпада.

Әнтектігіне қарамастан, құлақтандырма айдың соңғы күні – 30 қарашадан басталады, дәл осы күні 2019 жылғы баскетбол бойынша Әлем Чемпионатына қатысу құқығы үшін күрес қайта жалғасады. Қазақстан Ұлттық құрамасы квалификация ойындарының аясында алғаш рет Филиппин командасымен кездеседі. Матч филиппиндықтардың үй алаңында Манила қаласында өтеді. Басталуы Астана уақыты бойынша сағат 17:00-де.

Әйелдер командалары арасындағы 2018 жылғы U-18 Азия Чемпионаты – "В" Дивизионы. Сол екі арада, Үндістанның Бангалор қаласында 18 жасқа дейінгі қыздар арасындағы Азияның басты біріншілігінің топтық кезеңі аяқталды, оның нәтижелері бойынша біздің құрама бір жеңіс және екі жеңіліспен топта 3-ші орынды алды және де бүгін өтетін ширек финалға өздеріне жолдаманы қамтамасыз етті. Біздің қыздарға Иран құрамасымен кездесуге және жартылай финалға шығу үшін күресуге тура келеді. Ширек финал сәтті өтсе, оларды жартылай финалда Сирия командасы күтеді. Егер де ирандық қыздар мықтырақ болса, Қазақстан құрамасы 5-ші орынды ойнатуда қатысады, ол ойын жартылай финалдық серия сияқты 2 қарашада өтеді, ал 3 қарашада жарыстың қорытынды ойын күнінде қола және жеңімпаз атағы үшін матчтар өткізіледі.

Ерлер командалары арасындағы Ұлттық лига:
  • 1 – 2 қарашада Астанада лигаға жаңа келгендер – көкшетаулық "Синегорье" мен жергілікті "Астана" арасындағы екі ойыннан құралған маусымда алғаш серия өтеді.
  • 7 – 8 қарашада матчтардың екі сериясы қатарлас өтеді – "Алматылық Легион" қостанайлық "Тобылды" өз алаңында қарсы алады, ал Атырауда "Барыстардың" бірінші мен екінші құрамдары "өзаралық" матчты ойнайды.
  • 12 – 13 қарашада елордалық баскетболшылар, Ақтауда жергілікті "Каспийге" қарсы өтетін, маусымда алғаш көшпелі серияны өткізеді.
  • 16 – 17 қарашада "Тобыл" Атырауда қонақтауға тоқтап, ақ-жасылдылардың негізгі құрамымен күш сынасады.
  • 17 – 18 қарашада ақтаулық "Каспий" қонақ күтуді жалғастырады, осы жолы оларға алматылық "легионерлер" келеді.
  • 20 – 21 қарашада "Тобыл" қайта Атырауға оралады, оларды енді лига дебютанттары "АГУ Барсы Атырау" күтеді.
  • 21 – 22 қарашада қарашаның екі қорытынды сериялары өтеді: "Синегорье" "Каспийге" кіріп шығып, "Астана" оңтүстік елордадан келген қонақтарды – "Алматылық Легионды" қабылдайды.
"А" тобының әйелдер командалары арасындағы Қазақстан Чемпионаты:
  • 10 – 11 қарашада "Каспийдің" ақтаулық баскетболшы қыздары павлодарлық "Ертістен" кек қайтаруды әрекеттеніп көреді.
  • 18 – 19 қарашада елордада өзара екі матч өткізетін "Астана Тайгерс" клубының бірден екі құрамы күреске қосылады.
  • 24 – 25 қарашада астаналық "жолбарыстардың" негізгі құрамы Ақтауға аттанып, "Каспиймен" кездеседі, ал олардың клубтастары өз паркетінде павлодарлық "Ертісті" қабылдау үшін үйде қалады.
Ерлер командалары арасындағы Жоғарға лига: кеше, 31 қазанда, Ақтөбеде "Қоныс" Спорт Сарайының алаңында, 4 қарашаға дейін жалғасатын, ерлер командалары арасында өтетін ел біріншілігі екінші дивизионының 1-ші туры басталды. 2018/2019 маусымында жарысқа қатысатындар: мансаптарында осы маусым есепте тек екінші болатын "Ақтөбе" өкілдері, елордалық "Астана Тайгерс", Жоғарғы лиганың ересектері – петропавлдық "Барс", павлодарлық "Ертіс" пен шымкенттік "Қазығұрт", ал қатысушылар тізімін, өткен маусымда таратылған "Қапшағай" баскетбол клубының реинкарнациялауы – Талдықорғаннан келген "СДЮСШ" командасы. Бес күн ішінде командалар бес матчтан өткізіп, өз және қарсылас құрамдарын төзімділікке тексере алады. Күніне үш ойыннан өтеді, ал жалпы бірінші турда 15 ойын өтеді.

Әйелдер командалары арасындағы жалпы тур: осы маусымда біріккен Чемпионатта барлық әйелдер командалары ойнайтынына және олар екі топқа – "А" және "Б" бөлінгеніне қарамастан, жалпы турлардың өткізілу форматы өткен маусымнан сақталды. "Б" тобынан шыққан жарыс қатысушыларын – "Ақтөбе", "Ертіс 2", шымкенттік "Қазығұрт" және Алматы облысының өкілдері "СДЮСШ"-ті өз алаңында қабылдайтын "А" тобының бірінші командасы "Астана Тайгерс"-тің екінші құрамы болады. Тур қарашаның 8-і мен 12-сі аралығында Щучинскте "Жақсы 2" Спорт базасында өтеді.

Ұлттық Студенттік Баскетбол Лигасы: 28 қазанда Алматының үздік студенттік командалары 2018/2019 маусымының Ұлттық Баскетбол Студенттік Лигасының жеңімпаз атағы үшін күреске әлдеқашан түсті. 4 қарашада олардың қатарына елордалық ЖОО-ның командалары қосылады, Қарағанды мен Қостанайда маусым бастауы 9 мен 10 қарашада сәйкес өткізіледі, ал 16 қарашада ойынға Тараз кіріседі.

Бала-жасөспірімдік жарыстар:
  • Қарашаның 4-нен 10-на дейін Текелі қаласында 2004-2005 және 2006-2007 жылдары туған қыздар арасындағы Қазақстанның Күзгі Чемпионаты өтеді.
  • 24-ші мен 30-шы қараша аралығында Талдықорғанда 2004-2005 және 2006-2007 жылдары туған ұлдар мен қыздар арасында өтетін  Қазақстан Кубогының тағдыры шешіледі.
Жарыстар туралы толық ақпарат біздің сайтымыздың сәйкес бөлімдерінде жарияланған. Құлақтандырмалар мен шолуларды бақылаңыздар.

Біздің сайттағы жаңалықтарды оқып, қазақстандық баскетболға қатысты барлық шаралар туралы хабардар болыңыздар. Instagram, Facebook, Vkontakte әлеуметтік желілері мен YouTube арнамызға жазылыңыздар.


Подписывайтесь на нашу рассылку!