Қазақстан Республикасының
Ұлттық баскетбол федерациясы

Әйелдер және жастар командалары арасында 3х3 баскетболынан Қазақстан Чемпионаты Республикалық финалы топтық кезеңінің шолуы

07.04.2018    Оқылғаны: 962
Дереккөз: Баспасөз қызметі
7-ші сәуірде Астанада, "Назарбаев Университеті" Спорттық кешенінің алаңында әйелдер және 18 жасқа дейінгі жастар командалары арасында 3х3 баскетболынан Қазақстан Чемпионаты 2017/2018 маусымы Республикалық финалының алдын ала топтық кезеңінің матчтары өтті. Оның нәтижесінде жарыстардың финалдық сатыларының қатысушылары анықталды.

Жаңа 3х3 баскетболынан Қазақстан Республикасының құрамаларын құру Тұжырымдамасына сай, финалдарда елдің ең мықты командалары қатысады. Олар – жылдың басынан Қазақстанның әртүрлі қалаларында өткен аса үлкен жарыстардың жеңімпаздары мен үздіктері.

Әйелдер командалары арасындағы жоғарғы жас санатында халықаралық спорттық алаңда ел намысын қорғау құқығы үшін бес ұжым күреске түсті. Олар: "Astana Tigers" және "Zholbarys" – екі елордалық команда. Осы командалардың ойыншылары "Астана Тайгерс" аттас баскетбол клубының құрамына кіреді. Қалған командалар еліміздің біріншілігінде алматылық ЖОО-ларды көрсетеді – "Squirrels KazNU" Әл-Фараби атындағы Қазақ ұлттық университеті мен туризм және спорт Қазақ академиясынан "KazAST" және "КазАСТ KZ" екі командасы.

Жарыс басталмас бұрын, құрамында Ұлттық лиганың қазіргі чемпиондары және Қазақстан Кубогының иегерлері ойнайтын, "Astana Tigers" командасын сөзсіз жеңіске үміткер деп ойланбастан атауға болады. "Жолбарыстар" өз жанкүйерлерінің барлық үміттерін толығымен ақтап, барлық қарсыластарды аса қиындықсыз жеңіп, алдын ала кезеңнің нәтижесі бойынша жарыстық кестені басқарды. Екінші орынды, бір ғана жеңіліс тапқан, "Zholbarys" басқа елордалық командасының баскетболшы қыздары иеленді. Үшінші орында, төрт матчта екі жеңісі бар, ҚазҰУ-дан алматылық "тиіндер" орналасты. Туризм және спорт Қазақ академиясының екі командасы тек бір-біріне ғана бәсекелестікті көрсете білді. Жеке қарсылықта, алдын ала кезеңнің нәтижесі бойынша төртінші орын иеленген, "KazAST" командасы жеңіске жетіп, олардың қарсыластары, жеңістің дәмін таты алмай, жарыстық кестені тұйықтады.


Осылайша, ертең шығып қалу сериялар аясында алаңда келесі жартылай финалдық жұптар кездеседі: "Astana Tigers" – "KazAST" және "Zholbarys" – "Squirrels KazNU", ал "КазАСТ KZ" командасы жарыстағы өз қатысуын тәмамдады.

Әйелдер жастар командалары арасында чемпиондық атаққа үміткерлер тізімінде алуан түрліліктің толық жоқтығына қарамастан, барлық төрт команда "Астана Тайгерс" астаналық баскетбол клубынан мәлімденсе де, алдын ала кезең аса қызықты болып шықты. Үш команда бірден 67% жеңіс көрсеткішімен мәреге жетті. Ал қорытынды орындардың тағдыры матч уақытында жиналған орта ұпай саны саналғанда анықталып, оның нәтижесі бойынша командалар атауларындағы реттік нөмірге сәйкес орын алды. Барлық үш матчта жеңіліс тауып және нәтижесінде ақырғы орынды иеленген төртінші ұжым да ерекше жағдай ретінде болған жоқ.

Ертең, "жолбарыстардың" бірінші мен төртінші және екінші мен үшінші құрамдары арасында жартылай финалдан басталған, жарыстың қорытынды кезеңі өтеді.

Ерлер жастар командалары арасында, әйелдер жарыстарының айырмасында, елдің үздік командасы атағы үшін күрес екі бағытқа жазылды – он ұжым, әр топта бес командадан болып, "А" және "В" топтарына бөлінді.


"А" тобында, барлық қарсыластарынан үстем болған, "ADMP" елордалық командасы сөзсіз басым болды. Жартылай финалға екінші жолдаманы, тек топтың көшбасшыларымен болған матчта ғана жеңіліс тапқан, "Dark street ADK" алматылық стритболшылар жеңіп алды. Шетте қалған командалар – қоржынында екі жеңісі бар және топта үшінші орынды иеленген, Алматыдан келген "АШЖА"; төртінші орында орналасқан, бір ғана жеңісі бар Ақтөбе қаласынан келген "Dragons" командасы, және де жеңістері жоқ аутсайдерлер "Aktobe Hills".

"В" тобында ерекше шытырмансыз дәл сондай болып өтті. Оңтүстік астанадан келген "National" командасына барлық қарсыластарын жеңу және бірінші позициядан жартылай финалға шығу еш қиындық тудырмады. Жартылай финалға қатысушылардың басқа жұбында оларға серік болған, топтық кезеңді бір жеңіліспен аяқтаған "Dream Squad" атты тағы бір алматылық команда. Басқа ұжымдарға тек бір жеңісті қолға алуға жолы түсті, және де ойын барысында жинаған ұпайдың орта саны бойынша, олар келесі орындарды иеленді: 3-ші орын – Алматыдан "Ravens" командасы, 4-ші орын – "ASNP" және 5-ші орын – Астананы ұсынған "54 мектеп".

Осылайша, ертең "ADMP" және "Dream Squad", "National" мен "Dark street ADK" командаларына жарыстың жартылай финалында күресті жалғастыру тура келеді.
 

Негізгі жарыс қақтығыстарынан басқа, "Назарбаев Университеті" Спорт кешенінің алаңында, 60 команда қатынасатын балалар арасында – U14 және U16 – екі жастық санатында стритбол бойынша жаппай жарыс өтіп жатыр.

24 наурыз күні Алматыда ерлер командалары арасында 3х3 баскетболынан Қазақстан Чемпионатының Республикалық финалы өтіп, оның нәтижесі бойынша 2018 жылдың Азия Кубогында ел намысын қорғайтын Қазақстанның Ұлттық құрамасы анықталғанын ескертеміз.

ҚР ҰБФ және 3х3 баскетболынан Қазақстан Чемпионаты Финалдарының бас демеушісі – "Медикер Спорт" компаниясы, жарыстың ресми серіктесі – "Turan" ауыз суының сауда таңбасын ұсынған "Asia Waters" компаниясы.

Біздің сайттағы жаңалықтарды оқып, қазақстандық баскетболға қатысты барлық шаралар туралы хабардар болыңыздар. Instagram, Facebook, Vkontakte әлеуметтік желілері мен YouTube арнамызға жазылыңыздар.


Подписывайтесь на нашу рассылку!