Федерация

«Қазақстан Республикасының Ұлттық баскетбол федерациясы» Республикалық қоғамдық бірлестігі (ҚР ҰБФ) – Қазақстан Республикасының аумағында баскетбол жарыстарын өткізумен айналысатын ұйым. ҚРҰБФ Нұр-Сұлтан, Алматы, Шымкент және Қазақстан Республикасының 14 облысын біріктіреді. ҚР ҰБФ  ФИБА халықаралық баскетбол федерациясында қазақстандық баскетболдың мүддесін қорғайды. 

ҚР ҰБФ мынадай қызмет түрлерін жүзеге асырады:

• Қазақстан Республикасының аумағында чемпионаттарды, біріншіліктерді, кубоктардың ұтыс ойындарын және басқа да ресми спорттық жарыстарды, сондай-ақ баскетболдан халықаралық турнирлерді ұйымдастыру және өткізу.
• Кәсіби, әуесқой және балалар мен жасөспірімдер баскетболын қалыптастыру, дамыту және үйлестіру бойынша жұмысты ұйымдастыру.
• Жоғары білікті спортшыларды даярлау жүйесін жетілдіру, сондай-ақ спортшыларды даярлау, ұлттық құрама командаларға ойыншыларды іріктеу.
• Қазақстан Республикасының құрама және клубтық командаларының халықаралық жарыстарына дайындалу және қатысу жөніндегі іс-шараларды қамтамасыз ету.
• Халық арасында баскетболды насихаттау және дәріптеу, сауықтыру және физикалық даму мақсатында балалармен және жасөспірімдермен жұмыс жүргізу.