Ақтөбе Ұлттық Лиганың жартылай финалына шықты

10.04.2024 Оқылғаны: 383

Дереккөз: Баспасөз қызметі

«Ақтөбе» мен «Астана Академия» Ұлттық лиганың ширек финалдық сериясы аясында төртінші рет кездесті. Ақтөбеліктер “Астана Академияны” 3:1 есебімен серияда жеңіп, жартылай финалға жолдама алды.

Бірінші кезеңде қос команда арасындағы ойын тең дәрежеде өткенімен, “Ақтөбе” 2 ұпай айырмашылығымен алға шықты, есеп - 22:20. “Ақтөбе” екінші онминуттықта есеп айырмасын тағы да ұлғайтып таблода 44:37 есебі тіркелді.

Он бес минуттық демалыстан кейін алаңда тартысты күрес жалғасын тауып, 68:53 есебі ақтөбеліктер еншісіне жазылды. Ойынның соңғы кезеңінде екі команда бір-біріне беріспей, тең дәрежеде ойын өткізді. Алайда, қарқынды шабуыл нәтижесінде “Ақтөбе” “Астана Академияны” 85:70 (22:20; 22:17; 24:16; 17:17) есебімен тізе бүктірді.

Үздік ойыншылар:

“Ақтөбе” - Ванте Хендрикс: ұпай - 14, доп қақшу - 13, нәтижелі пас - 5, тиімділік - 33

“Астана Академия” - Игорь Каныгин: ұпай - 13, доп қақшу - 12, нәтижелі пас - 7, тиімділік - 32

Жартылай финалда «Ақтөбе» мен «Irbis Almaty» командасымен күш сынасады.

Біздің сайттағы жаңалықтарды оқып, қазақстандық баскетболға қатысты барлық шаралар туралы хабардар болыңыздар. Instagram, Facebook, Vkontakte әлеуметтік желілері мен YouTube арнамызға жазылыңыздар.