Қазақстандық баскетболшылар Азия чемпионатын аяқтады

28.03.2024 Оқылғаны: 555

Дереккөз: Баспасөз қызметі

Сингапурде Қазақстанның ерлер және әйелдер құрамалары қатысқан 3х3 @fiba3x3 баскетболынан жетінші Азия кубогының іріктеу кезеңі аяқталды

3х3 баскетболдан Қазақстан әйелдер құрамасы Сингапурде өтіп жатқан Азия Кубогі іріктеу кезеңінің шешуші ойынында Филиппин құрамасына 12-21 есебімен жол берді. Қыздарымыз үшін жарыс осымен аяқталды. Естеріңізге салсақ бұған дейін Қазақстан әйелдер құрамасы Мальдив (17-11) және Таити (14-10) басым түскен болатын. Қазақстан сапында Валерия Капитонова, Дильназ Еркебай, Тамилла Жакипова, Ксения Абдурашитова өнер көрсетті.

Ерлер арасындағы сында да ұлттық құрама жігіттері соңғы ойында Аустралия құрамасына 7-18 есебімен жол беріп жарысты аяқтады. Бұған дейін Дала қасқырлары Қырғызстан (18-14) мен Таити (17-11) құрамаларын жеңген болатын. Ерлер арасындағы сында Қазақстан намысын Калиев Тимур, Самсин Рамазан, Мухиденов Аманжан, Конысов Ибрагим қорғады.

Біз ұлттық құрамамызды қашан да қолдауға дайынбыз. Бүгінгі жеңіліс – ертеңгі үлкен жеңістердің бастауы деп сенеміз.

Біздің сайттағы жаңалықтарды оқып, қазақстандық баскетболға қатысты барлық шаралар туралы хабардар болыңыздар. Instagram, Facebook, Vkontakte әлеуметтік желілері мен YouTube арнамызға жазылыңыздар.