Қазақстан Республикасының
Ұлттық баскетбол федерациясы

U-18 әйелдер командалары арасындағы баскетбол бойынша 25-ші Азия Чемпионаты

21.10.2018    Оқылғаны: 1878
Дереккөз: Баспасөз қызметі
28 қазан мен 3 қараша аралығында Үндістанда, Бенгалуру қаласында Қазақстан Ұлттық жастар құрамасы қатысатын U-18 әйелдер командалары арасындағы баскетбол бойынша 25-ші Азия Чемпионаты өтеді.

18 жасқа дейінгі жас қыздар арасындағы баскетбол бойынша Азия Чемпионаты (бұрынғы атауы 18 жасқа дейінгі Азиялық баскетбол қауымдастықтарының Кубогы) – ФИБА (Азия) қамқорлығымен, 1970 жылдан бері, 2 жылда бір рет өтіп жатқан баскетбол бойынша халықаралық жарыс. Азияда осы спорт түрі бойынша әйелдер ұлттық жастар құрамалары үшін ең беделді жарыс болып табылады. Сонымен қатар, келесі жылы өтетін U-19 Әлем Чемпионатына іріктеп алу жарысы болып табылады. Қазіргі чемпиондар – Қытай құрамасы.

Қазақстан құрамасы, Таиланд астанасы – Бангкок қаласында өткен, 18-ші U-18 Азия Чемпионатының "В" Дивизионында алғаш рет 2007 жылы қатысты. Сонда біздің қыздар дивизионда 3-ші орынды және қорытынды 9-шы орынды иеленді. Индонезияда өткен келесі 2008 жылдың Чемпионатында қазақстандық құрама екінші дивизионда үздік болып, Азияның келесі біріншілігіндегі таңдаулы дивизионында қатысу құқығына ие болды. Сөйтсе де, 2010 жылы біздің қыздар жарыс кестесінің соңғы орнын иеленіп, "В" Дивизионына оралды. 2012 жылы Қазақстан құрамасы қола медальдерді жеңіп алды, ал келесі 2014 және 2016 жылдардағы екі чемпионаттың нәтижелері бойынша қазақстандық баскетболшы қыздар 4-ші орынды иеленді.


Алдағы чемпионатта Ұлттық құраманың негізін павлодарлық "Ертістің" және "Астана Тайгерс" елордалық клубының жас баскетболшылары құрады. Сонымен қатар, команда құрамына Алматы облысы және Ақтөбеден келген жаңа әйелдер командаларының өкілдері кірді. Біздің құраманың бапкерлік штабын Астанадан келген тәжірибелі маман, "Астана Тайгерс" фарм-командасының бапкер қызметін атқарған – Александр Гусев басқарады. Ал оған ассистент болып істеген "Ақтөбе" әйелдер клубының бас бапкері – Ирина Бондаренко.

Жарысқа әр дивизионда 8 командадан болып "А" және "В" екі дивизионына бөлінген Азиялық өңір және Океаниядан болып келген 16 команда қатысады. Өз кезекте, әр дивизион аясында командалар екі топқа – "А" және "В" бөлінген, әрқайсысында 4 командадан үйлестірілген.

11 қазанда әйелдер жастар құрама командалар арасындағы ФИБА Азия және Океания халықаралық рейтингісіне сәйкес автоматты түрде жасалған жеребе тастау болып өтті. Жеребе тастау нәтижелері бойынша, біздің қыздар аттас дивизионның "В" тобына Гонконг, Сирия және Самоа командаларымен бірге түсті.


Жарыстың өткізілу форматы:

Топтық кезең:
Командалар 2 топқа – "А" және "В" бөлінген, әр топта 4 командадан. Командалар өз топтары аясында өзара бір ойыннан 1 айналым ойнайды. Топтық кезең нәтижелері бойынша, командалар өз топтарында 1-ден 4-ке дейін орындарды үлестіріп бөледі.

Плей-офф:
Топтық кезең нәтижелері бойынша, өз топтарында 1-ші орынды алған командалар автоматты түрде жартылай финалға өтеді. Ширек финалда 2-ші және 3-ші орындарды иеленген командалар жартылай финалға өту мүмкіндігін беретін екінші жолдаманы В2/А3 және А2/В3 жүйесі бойынша ойнатады. Ширек финал жеңімпаздары және өз топтарында 1-ші орынды иеленген командалар жартылай финал жұптарын құрайды. Жартылай финалдың 1-ші жұп жеңімпазы және 2-ші жұп жеңімпазы 1-ші орынды ойынға салады. Жартылай финалда жеңілген командалар 3-ші орынды ойынға салады. Жүлделі орындарды ойнатудан басқа 5-ші орын үшін ширек финалда жеңілген командалар арасындағы матчтар және 7-ші орын үшін өз топтарында 4-ші орынды иеленген командалар арасындағы матчтар қарастырылған. Жарыстың барлық кезеңдерінде командалар өз топтарында бір ойыннан ойнайды.

Топтық кезеңнің матчтары 28 мен 30 қазан аралығында өтеді. Жартылай финалға шығу үшін квалификация матчтары және 7-ші орынның ойнатылуы 1 қарашада өткізіледі. Финалға қатысушылар және 5-ші орынның тағдыры 2 қарашада анықталады. Ал финалдық ойын мен 3-ші орын үшін ойын 3 қарашада өтеді. Бірінші ойынды біздің қыздар жексенбі күні 28 қазанда Сирия құрамасына қарсы өткізеді. Келесі күні оларға Самоа өкілдерімен кездесуге тура келеді. Ал Гонконг командасымен ойнатылатын матч топтық кезеңнің қорытынды ойын күні 30 қазанда өтеді.

Біздің құраманың құрамы, жарыс туралы толық ақпарат, жарыстық кестелер мен матчтар кестесі біздің сайтымыздың Құрамалар бөлімінде жарияланған.

ҚР ҰБФ және баскетбол бойынша Қазақстан Ұлттық құрамасының бас демеушісі – "Медикер Спорт" компаниясы.

Біздің сайттағы жаңалықтарды оқып, қазақстандық баскетболға қатысты барлық шаралар туралы хабардар болыңыздар. Instagram, Facebook, Vkontakte әлеуметтік желілері мен YouTube арнамызға жазылыңыздар.


Подписывайтесь на нашу рассылку!