Қазақстан Республикасының
Ұлттық баскетбол федерациясы

Алматыда «Үміт кубогы» атты баскетбол бойынша 13-ші жасөспірімдік Чемпионаты аяқталды

23.05.2018    Оқылғаны: 176
Дереккөз: Баспасөз қызметі
Автор: Игорь Свирипа
Оңтүстік елордада, 16-шы мен 23-ші мамыр аралығында "Достық" Спорттық кешенінің алаңында өткен, балалар үйлері мен мектеп-интернаттары арасындағы баскетбол бойынша «Үміт кубогы 2018» атты Қазақстан Чемпионаты өз мәресіне жетті.

«Үміт Кубогы» – бұл «Ұлттық лига» жобасының қолдауымен өткізілетін жыл сайынғы жарыс – осы әлеуметтік жобаға ауқымды қаржы демеу көрсеткен Ұлттық Баскетбол Федерациясы және Халық банкі «Халық» Қайырымдылық қорының бірлескен бастамасы болып табылады.

Биыл жарыста Қазақстанның 16 өңірінен – Алматы, Астана, Петропавл, Семей, Қарағанды, Екібастұз, Ақтөбе, Жезқазған, Өскемен, Талдықорған, Қостанай, Павлодар, Тараз, Сандықтау, Қызылорда және Алматы облысы – 18 команда ат салысты. Жарыс аясында балаларды тек спорттық мереке күтпей қоймай – ұйымдастырушылар қатысушылар үшін басқа да көптеген тосын сыйларды дайындады. Сыйлықтардан басқа жас спортшылар оңтүстік астананың көрікті жерлерін көріп қайтып, 1972 жылдың Олимпиада чемпиондары Әлжан Жармұхамедов пен Иван Едешконың мастер-класына қатысып, сонымен қатар олар үшін арнайы дайындалған әртүрлі сайыстарда ат салыса алды.


Спорттық жаққа келсек, бес ойын күндерінің нәтижелері бойынша барлық қатысушы командалар 6 топқа бөлініп, жүлделі орындарды ойынға салды. Жеңімпаз атағы үшін күрес жүрген бірінші финалдық топқа Петропавл (қазіргі чемпиондар), Семей және Қостанайдан келген командалар өтті. Барлық үш команда өздеріне жүлделі орындарды қамтамасыз етті, бірақ оларға топ ішінде биыл кім жеңімпаз атанатының анықтау қалды. Петропавлдықтар өз атағын қорғай алып, кезекті рет алтын медальдерді жеңіп алды. Семейден келген команда екінші орынды иеленіп, қостанайлықтар үшінші болды.

Командалар өз жарыс жолдарын қалай өткеніне қарамастан, оның әр қатысушысы позитивті сезімдер толқынын алды. Ең алдымен, жарыстың ашылу салтанатына Олимпиада чемпиондары Әлжан Жармұхамедов пен Иван Едешко келіп кетті. Олар жас балаларға тілек сөздерді айтып қана қоймай, сонымен қатар, Иван Едешко негізгі баскетболдық элементтер бойынша шағын мастер-класс өткізді. Сол күні ойыншылар ˮКөк-Төбеˮ алматылық саябағын көріп келіп, көп ұмытылмас эмоцияларды алды. Бұдан кейін балалар тікелей, 23-ші мамырға дейін жалғасқан, жарыстық үдеріске кірісті. Ол финалдық кездесулер мен жарыстың жабылу рәсіміне дейін созылды.

Жарыстың жабылу рәсімінде балалар шоу-бағдарламаны тамашалай ғана қоймай, өздері сонда белсене қатыса алды. Лақтыру сайыстарынан басқа, балалар өздерінің би дағдыларын көрсете алған, кішігірім баттл-дэнс те өтті.



Жүлделі орындарды иеленген командаларды марапаттау алдында жарыстың үздік 10 ойыншысы аталды. Олар:
  • Ткачук Алексей – “Алға” командасы
  • Байжуренов Азамат – “Сайрам” командасы
  • Суховерхов Евгений – “Семей” командасы
  • Белоусов Владислав – “Қостанай” командасы
  • Голубов Александр – “Екібастұз” командасы
  • Мухитдиннов Абылай – “Тараз” командасы
  • Садовников Расул – “Астана” командасы
  • Левченко Борис – “Алматы облысы” командасы
  • Кулешов Кирилл – “Павлодар” командасы
  • Чекулаев Анатолий – “Петропавл” командасы
 Осыдан кейін команда-жүлдегерлер ардақты кубоктар мен медальдерді алды. Еске сала кетейік, жеңімпаз болып Петропавл өкілдері атанды, екінші орын Семей командасына бұйырды, ал қола Қостанайға аттанды.

Марапаттау рәсімінің фото-есебі біздің сайтымыздың Фото бөлімінде жарияланған.

Анықтама үшін: 2005 жылдан бастап Халық банкі белсенді баскетболдық қозғалыс құру бойынша «Ұлттық лига» әлеуметтік жобасын қаржыландырады. Оның аясында Қазақстанның 18 қамқорлыққа алынған балалар мекемелері спорт жабдықтары және керек-жарақтармен жабдықталады, бапкерлік құрам жұмысының төлеуі және іріктеуі жүргізіледі. Оқу жыл бойы барысында жоба қатысушылары баскетбол бойынша кәсіби бапкерлер басшылығымен жаттығу мүмкіндігіне ие. Осы жаттығулардың нәтижесі жыл сайынғы жарыстар – балалар үйлері мен мектеп-интернаттары арасында өтетін баскетбол бойынша «Үміт Кубогы» атты ҚР Чемпионаты болып табылады. Жоба қаржыландыруына Қазақстан Халық банкі барлығы 350 млн теңгеден астам қаржы жұмсады.

Будьте в курсе всех событий казахстанского баскетбола, следите за новостями на нашем сайте и подписывайтесь на наши социальные сети Instagram, Facebook, Vkontakte и YouTube канал, а также на информационную рассылку в форме ниже.


Подписывайтесь на нашу рассылку!

Подписывайтесь на нашу рассылку!