Әйелдер және жастар командалары арасында өтетін 3х3 баскетболынан Қазақстан Чемпионатының Республикалық финалы

7-ші мен 8-ші сәуірде, Астанада, "Назарбаев Университеті" спорт кешенінің алаңында, Ұлттық Баскетбол Федерациясының ұйымдастыруымен әйелдер және 18 жасқа дейінгі жастар командалары арасында 3х3 баскетболынан Қазақстан Чемпионатының Республикалық финалдары өтеді.

Жаңа 3х3 баскетболынан Қазақстан Республикасының құрамаларын құру Тұжырымдамасына сай, финалдарда елдің ең мықты командалары қатысады. Олар – жылдың басынан Қазақстанның әртүрлі қалаларында өткен аса үлкен жарыстардың жеңімпаздары мен үздіктері.

Сенбі күні, 7-ші сәуірде, бірінші ойын күнінің аясында, жарыстардың барлық үшеуінде де топтық кезеңнің матчтары өтіп, олардың нәтижесі бойынша, 8-ші сәуір күні, жексенбіде өтетін финалдық сатының қатысушылары анықталады. Әрбір жас санатының жеңімпаздары, чемпиондық атақтан басқа, аса ірі халықаралық жарыстарда ел намысын қорғау құқығына ие болады.

Ең мықты әйелдер командасы, финал нәтижелері бойынша, Ұлттық құраманың негізі болып, Қазақстанды 2018 жылы өтетін екі халықаралық жарыстарда көрсетеді. Олар: 29 сәуірде, Қытайдың Шэнчжэн қаласында өтетін Азия Кубогы және де, 8-ші мен 12-ші маусым аралығында Филиппиндардың Манила қаласында өтетін Әлем Кубогы.

Жас жігіттер мен қыздар арасындағы финал жеңімпаздарын, өткізілетін орны мен өтетін мерзімдері әлі белгіленбеген, U-18 Азия Кубогында өнер көрсету алда күтіп тұр. Сонымен қатар, үздік жасөспірім командасы, 6-шы мен 18-ші қазан аралығында Аргентина астанасы, Буэнос-Айрес қаласында өтетін Үшінші жазғы жасөспірім Олимпиада ойындарына аттанады.
Финалдарды өткізу форматы, қатысушы командалар тізімі және матчтар кестесі туралы толық ақпарат жақын арада жарияланады.

Негізгі жарыс қақтығыстарынан басқа, 60 команда қатынасатын балалар арасында U14 және U16 екі жастық санатында стритбол бойынша жаппай жарыстың өткізілуі жоспарланған.

24 наурыз күні Алматыда ерлер командалары арасында 3х3 баскетболынан Қазақстан Чемпионатының Республикалық финалы өтіп, оның нәтижесі бойынша 2018 жылдың Азия Кубогында ел намысын қорғайтын Қазақстанның Ұлттық құрамасы анықталғанын ескертеміз.

---

Біздің сайттағы жаңалықтарды оқып, қазақстандық баскетболға қатысты барлық шаралар туралы хабардар болыңыздар. Instagram, Facebook, Vkontakte әлеуметтік желілері мен YouTube арнамызға жазылыңыздар.