Қазақстан Республикасының
Ұлттық баскетбол федерациясы

2018 жылдың ерлер командалары арасында баскетболдан Қазақстан Республикасы Кубогының нәтижелері

07.03.2018    Оқылғаны: 101
Дереккөз: Баспасөз қызметі
Автор: Игорь Свирипа
Астанада, 5-ші мен 7-ші наурыз аралығында «Сарыарқа» Велотрегі мен "Назарбаев Университет" спорт кешенінің алаңында өткен 2018 жылдың ерлер командалары арасында Қазақстан Республикасы Кубогының жарысы аяқталды.

Әуелде 2018 жылғы Қазақстан Кубогының өткізу форматы басқа жүйе бойынша жоспарланған. Бірақ бірнеше команда жарыста өз қатысуын растамағандықтан, бір айналымды тегіс чемпионат өткізу шешімі қабылданды. Сонымен қатар, Қазақстан Кубогы, соңғы үш жыл сияқты, легионерсіз жүйесі бойынша өтеді, яғни тек қазақстандық паспорттары бар ойыншылар алаңға шығып, өз командалары үшін ойнай алады. Жарыстың өтетін орны болып, соңғы рет Қазақстан Кубогын 2014 жылы қабылдаған, Астана қаласы таңдалды. Қатысушыларға келсек, Ұлттық лигадан келген төрт команда осы жылдың ойынына қатысты: "Астана" (қазіргі Кубок иегері), "Барсы Атырау", "Каспий" және "Тобыл".

Бірінші ойын күнінде "Барсы Атырау" "Каспийді" сенімді ұтып кетіп – 84:65, "Астана" еш қиыншылықсыз "Тобылдан" басым түсті – 93:63. Келесі күні атыраулық команда "Тобылдан" жеңісті қолдан жұлып алып – 69:63, жарыс қожайындары ақтаулықтардан күштірек болды – 87:69. Үшінші және қорытынды ойын күні өзіндік финал болды. Алдағы өткен матчтардың нәтижелері бойынша Каспий мен Тобыл үшінші орынды ойынға салып, қостанайлықтар мінез арқасында қола медальдарын алды. Ал "Астана" мен "Барсы Атырау" арасындағы матчта 2018 жылғы Қазақстан Кубогының иегері анықталды. Матч 72:61 есебімен аяқталды. Алтыншы рет және екі жыл қатар Кубок елордалық командаға тиді.

Финалдық матч өте салысымен командаларды марапаттау салтанатты рәсімі болып өтті. Жарыстың өткізілу Ережесіне сай, "Астана" командасына "2018 жылғы Қазақстан Кубогының Жеңімпазы" атағы берілді. Команда капитаны Рустам Ерғали жарыстың бас олжасын көкке көтеріп, барлық елордалық баскетболшылар дипломдар және алтын медальдармен марапатталды. "Барсы Атырау" құрметті екінші орынды иеленіп, күміс медальдар жиынтығымен марапатталды. Ал үшінші жүлделі орынды Қостанайдан келген "Тобыл" командасы алды.

Жүлделі орындарды иеленген командалардың негізгі марапаттауынан басқа жарыстың 5 үздік ойыншылары келесі номинацияларда анықталды:
  • Үздік ширатушы қорғаушы – Азим Ягодкин ("Каспий" БК)
  • Үздік шабуылдаушы қорғаушы – Шаим Қуанов ("Тобыл" БК)
  • Үздік жеңіл форвард – Рустам Ерғали ("Астана" БК)
  • Үздік қуатты форвард – Александр Жигулин ("Астана" БК)
  • Үздік орталық шептегі қорғаушы – Павел Михеев ("Каспий" БК)
 Жарыс пен командалар туралы толық мәлімет, жарыстық кестелер, матчтардың кестесі мен нәтижелері, сонымен қатар командалар мен ойыншылардың ең толық статистикасы, жарыстың рекордтары мен үздіктері Турнирлер бөлімінде жарияланған.

Будьте в курсе всех событий казахстанского баскетбола, следите за новостями на нашем сайте и подписывайтесь на наши социальные сети Instagram, Facebook, Vkontakte и YouTube канал, а также на информационную рассылку в форме ниже.


Подписывайтесь на нашу рассылку!

Подписывайтесь на нашу рассылку!