Қазақстан Республикасының
Ұлттық баскетбол федерациясы

2019 жылғы әлем Чемпионаты квалификациясының үйде өткен матчында Қазақстан құрамасы Иран қысымына төтеп бере алмады

22.02.2018    Оқылғаны: 1601
Дереккөз: Баспасөз қызметі
Автор: Игорь Свирипа
2019 жылғы әлем Чемпионаты Азия квалификациясында Қазақстан құрамасы D тобының жеңіске үміткері – Иран құрамасынан бірінші жеңіліске ұшырап отыр.

Қазақстан құрамасы матчты өте жүрдек бастады, Рустам Мурзагалиев есепті ашып, өз командасын алға шығарды. Алайда ирандықтар да ұйықтамай дәл үшұпайлықты кіргізген соң, Александр Жигулин көп ұзамай жауап берді. Осындай екпінде барлық бірінші период өтті. Қазақстандықтар алда жүрді, ал ирандықтар болса қуып жетуші рөлінде болды. Дегенмен, ирандықтарға есепті өз пайдасына бұрғаны қолдарынан келіп, бірінші он минутты бір ұпай минималды артықшылықпен 15:16 аяқтады. Екінші ойын бөлігінің басында да екі жақты тең ойын сақталды, ал көшбасшы осы уақыт ішінде бірнеше рет ауысты. Бірақ периодтың ортасына қарай ирандықтар өз дегенінен таймады және де жетінші минутқа таман олардың ұпай артықшылығы қауіпті он ұпайға жетті. Матч жартысының аяғына дейін командалардың екеуіде ұпай ала алмады, осы тым-тырысты бұзған Рустам Мурзагалиевтің орындауындағы жалғыз бір үшұпайлық. Содан соң 25:32 есебінде ойыншылар үлкен үзіліске шықты, Иран құрамасында +7 ұпай.

Үшінші ширектің басында қазақстандықтар ойын үшін жармысып, ирандықтарға жағдай бақылауды бермеді. Барлық ширек дерлік командалардың ұпай алшақтығы 4 пен 8 ұпай аралығында ұсталды. Михаил Карпенко қамқорлығындағы ойыншыларға қарсыласты қуып жетуге жолы түспеді, бірақ Иран да одан үлкен алшақтыққа кете алмады. Тек аяғында ғана біздің қарсыластарымызға өз артықшылықтарын көбейтуге және ширекті 11 ұпайлық гандикаппен – 36:47 аяқтауға сәті түсті. Қорытынды периодта ирандықтар толықтай өз артықшылықтарын сезіп тұрды, бірақ дегенмен қазақстандықтардың еңсесін түсіру олардың қолынан келмеді. Әрине, командалардың арасындағы алшақтық қорытынды ширек үшін өте үлкен болды, бірақ біздің құрама ойнау мен қарсылық қөрсеткенді қоймады. Барлық он минут дерлік алшақтық 12 мен 15 ұпай аралығында ұсталды, кейде 18-ге де жетті. Бірақ та Қазақстан құрамасына есеп алшақтығын кеміту не сақтау қолдарынан келмеді, ал көрсеткіш тақтасындағы қорытынды цифрлар 54:75 есебін көрсетті – Иран құрамасының жеңісі.

Матчтың үздік ойыншылары:
  • Қазақстан – Рустам Мурзагалиев (18 ұпай, 6 үйлесім), Анатолий Колесников (10 ұпай, 14 үйлесім), Александр Жигулин (8 ұпай, 6 үйлесім)
  • Иран – Хамед Эхадади( 20 ұпай, 20 үйлесім), Арсалан Каземи (10 ұпай, 5 үйлесім), Мохамадсамад Ник Кхахбахрами (21 ұпай, 8 үйлесім)
Матчтың үздік сәттері:
 

Түйінді факторлар:

Иран – оңай "өте салатын" команда емес екенінен бастау керек, алайда ол ФИБА Азия рейтингісінде нөмір екінші команда (еске салсақ, Қазақстан әзірше он үшінші орында). Сонымен қатар, Иран біздің топта көптен келе жатқан басты жеңіске үміткер болатын, ал бірінші ойын терезесінде Ирактан кенет жеңіліске ұшырауы тек оларды қайрап салды. Иран ойын терезелерінің арасында құрамда бірнеше өзгертулерді жасады. Олардың бірі – біздің құрамамен ойнаған матчта кенет көзге түсетін 15 нөмір, өз габариттерінің арқасында бүгін оған шығаршық астында ешкім тең бола алмаған, алып (218 см) Хамед Эхадади. Біздің құрама үздіктерінің бірі – Антон Пономаревтің иық жарақатынан бүгін ойнамағаны үлкен және жағымсыз тосын сый болды. Сонымен бірге, "аты шулы" Хамед Эхададиге шамасы келген, Александр Жигулин, бәлкім, біздің құраманың жалғыз ойыншысы, үшінші ширектің басында аяғын қайырып алып, жерге өте сәтсіз қонды. Жинап келгенде Александр тек төртінші периодтың басында ғана шықты, бірақ аяғы мазалағаны және бар күшімен ойна алмағаны көрініп тұрды (ауыр жарақат алмағанына үміттенеміз). Бірақ барлығын көлденең факторларға да аудартуға болмайды. Ашықтан-ашық айтқанда, осы матчта біздің ойыншылар доп берулер мен шығыршық астында дайындалмаған өтулерден әжептәуір көп керек емес ысырап санын жасады. Айтпақшы, шығаршықтар бүгін біздің жақта ойнады және өзге ретте ирандықтардың лақтыруларын "өз іштерінен итерді". Біздің құрама бүгін ойыннан құлап қалған деп еш айтуға болмайды. Жігіттер аяғына дейін күресіп, Иран сияқты сұсты қарсыласқа төтеп бере алатынын көрсетті.

Зардаптар:

Осы жеңілістен кейін Қазақстан топтағы бірінші орынды Иранға берді. Қатарлас ойында Катар құрамасы Иракты жеңіп шыққанды есепке алсақ, біздің топ "тар" болып бара жатыр. Иран мен Қазақстан екі жеңіс пен бір жеңілістен алып отыр (5 ұпайдан), Катар мен Ирак соңынан еріп, бір жеңіс пен екі жеңілістен жинап отыр (4 ұпай). Қазақстанда алда тағы бір ойын үйде және екі ойын шығуда күтіп отыр және де ұпай санын жоғалтпас үшін оларға 25 ақпан күні, Астанада, Катар командасына қарсы өтетін келесі ойында міндетті түрде жеңіске жету керек. Бапкерлік штаб, Михаил Карпенко басшылығымен, Иран командасынан алған жеңілістен біздің құраманың барлық кемшіліктерін ескеріп шығып, Катарға қарсы ойынға дайындалады деген үміттеміз.

Матч пен қарсыластардың командасы жайлы толық ақпарат, статистика, жаңалықтар, фото және видео есептемелер біздің сайтымыздың Ойын орталығында жарияланған.

Матчтан кейінгі конференция:
 

Баскетболдан Қазақстан Ұлттық құрамасының бас бапкері – Михаил Карпенко:
- Ең алдымен, Иран құрамасын жеңіспен құттықтағым келіп отыр. Шынымен де, команда өте жақсы ойнады. Өзгертулер командаға пайдалы болып, әрине, батылдық пен өз күшіне сенушілік келтірді. Тәжірибелі ойыншылардың тобы командаға қайта оралды. Біріншіден, Эхадади мен Кхахбахрамиді айтамын. Және де сіздер байқағандай олардың біріншісі кортта үздік болды. Сонымен қатар, Иран құрамасының бас бапкері өзгергендіктен, біз Иран командасына қарсы дайындықта қиыншылықтарға тап болдық. Сәйкесінше, қорғаныс пен шабуыл жүйелері өзгерістерге ұшырады. Біз көп ақпараттың жоқтығынан осы ойынға жақсы дайындала алмадық, бірақ, әлбетте, барымызды салып, жақсы ойынды көрсетуге тырыстық. Бір сөзбен айтқанда, бүгін Иран бізден әлдеқайда жақсырақ болды. Әлбетте, олар, Анатолий айтқандай, физикалық жағынан бізден артығырақ. Олар шабуылда ең дұрыс шешім қабылдап, бірінші ширектен кейін біз өз жоспарымызды қолдана алмадық. Допты қолда ұстауға жол болмай, кейде біз өз қарсыластарымызға жеңіл доптарды шығаршыққа кіргізуді жағдай туғыздық.
 
Баскетболдан Қазақстан Ұлттық құрамасының форварды – #31 Анатолий Колесников:
- Өте ауыр жағдай, өйткені, шын айтқанда, ойында біз үшін бірде-бір жағымды нәрсе атай алмаймын. Менің ойымша, бұл біз үшін талқандайтын ойын болды. Күйінішті соққы десе де болады, басқа ештеңе айта алмаймын. Иран командасы барлық параметрлерден біздің командадан сәл жақсырақ болды, әсіресе, физикалық тұрғыдан қарайтын болсақ.
 
Баскетболдан Иран Ұлттық құрамасының бас бапкері – Мехран Шахинтаб:
- Ең алдымен, Қазақстан құрамасына қызықты матч үшін ризашылығымды білдіргім келіп отыр. Ал өз командама сенімді жеңіс үшін алғысымды айтамын. Сонымен қатар, біздің командада өте талантты, қабілетті ойыншылар бар болғанын атап кеткім келіп отыр. Мен оларды мақтан тұтамын. Осындай ойыншылармен Иран баскетболының келешегі зор.
 
Баскетболдан Иран Ұлттық құрамасының форварды - #41 Араслан Каземи:
- Матчты шолудан бұрын, айтқым келгені ол – Қазақстан құрамасы D тобының ең үздік командалардың бірі болып табылатыны. Бүгін бізде қатты ойын болды, әсіресе, біздің үйден тыс ойнағанымызды ескерсек. Бірақ команда құрамына енгізілген өзгертулер шағын қиыншылықтарға талай себеп тудырды. Жаңа құраммен ойнағанға көп уақытымыз болмады. 5-6 рет қана бірге жаттығып, машықтандық. Оған қоса, Қазақстанға жолымыз бір тәулікке созылып, ұзақ болғанын айтып кетпесем болмайды. Астанаға келген соң, бір күн ғана жаттықтық. Ойын қатал болды. Командамыз жақсы ойыншыларға толы. Бапкеріміз қорғаныс пен шабуыл жүйелерінде көп жұмыс атқарып, жақсы өзгертулер енгізді. Қазақстан жақсы команда екендігі бізге мәлім. Бірінші периодта өте жақсы ойнады. Біз өте жүйелі болып, бар ойын бойы қарқынды ойнағанымыздықтан жеңіске жете алдық. Алда күткен ойындарда команда көбірек басқыншылықты болады. Бізде ол үшін сапа мен уақыт жетерлік. Менің ойымша, ойынымыздың деңгейі қалағанымыздай болса десек, барлық алдын-ала жағдайларымыз толарлық.

25 ақпан, жексенбі күні, Михаил Карпенко тәрбиеленушілері Катар командасына қарсы жауап матчын өткізеді. Командалардың бірінші кездесуі 2017 жылдың қараша айында, Доха қаласы, Катар құрамасының өз алаңында өтті. Сонда матч Қазақстан құрамасының сенімді жеңісімен – 70:82 есебімен аяқталды. Катарлықтардың кек алуды баптағаны сөз тудырмайды, оған қоса олар бір жұп жаңа ойыншылармен күшейді. Матчтың басталуы, Астана уақытымен, сағат 18:00-де. Матчқа арналған билеттерді Ticketon.kz сайтынан сатып алуға болады. Сонымен қатар, Қазақстан Ұлттық құрамасының жанкүйерлері үшін Khan SPA & Fitness-тен эксклюзивті ұсыныс жүріп жатыр.

Баскетболдан Қазақстан Ұлттық құрамасының 2019 жылғы әлем Чемпионатының Квалификациясына ат салысуы жайлы толық мәліметпен біздің сайтымыздың Құрамалар бөлімінде таныса аласыздар.

Будьте в курсе всех событий казахстанского баскетбола, следите за новостями на нашем сайте и подписывайтесь на наши социальные сети Instagram, Facebook, Vkontakte и YouTube канал, а также на информационную рассылку в форме ниже.


Подписывайтесь на нашу рассылку!

Подписывайтесь на нашу рассылку!