Қазақстан Республикасының
Ұлттық баскетбол федерациясы

2019 жылғы әлем Чемпионатының квалификациясы аясында Қазақстан айбарлы ирандықтарды қарсы алады

19.02.2018    Оқылғаны: 2924
Дереккөз: Баспасөз қызметі
Автор: Игорь Свирипа
22 ақпанда, Астанада, «Сарыарқа» Велотрегінің алаңында 2019 жылғы әлем Чемпионатының квалификациясы аясында Қазақстан құрамасының Иран құрамасына қарсы матч үйде өтеді. Матчтың басталуы, Астана уақытымен, сағат 20:00-де.

Иран құрамасы азия квалификациясының D тобында айқын жеңіске үміткер болып табылады. Ирандықтар соңғы жылдарда ФИБА рейтингінде жақсы көтерілді. Қазір Иран ФИБА Азия рейтингінде екінші орынды алып, тек ФИБА Азия рейтингіне жаңа ғана қосылған Австралия құрамасына орын беріп отыр. ФИБА жарыстарының аясында Қазақстан және Иран құрамалары алты рет кездесті. Қазақстандықтар екі рет жеңіске жетіп, төрт рет жеңілді. Командалардың матчтардағы орташа есебі – 71:78 ирандықтардың пайдасында. Олардың соңғы кездесуі 2013 жылдың Азия Чемпионаты (бүгінде Азия Кубогы) аясында өткен, сонда ирандықтар 85:53 есебімен ірі жеңіске жеткен.


2019 жылғы әлем Чемпионатының квалификациясы аясындағы ирандықтардың өнер көрсетулеріне келетін болсақ, бірінші матчта-ақ Ирак құрамасына қарсы Иран күтпеген жерден 74:66 есебімен жеңіліс тапты. Екінші кездесуде Катарға қарсы ирандықтар ірі жеңіске жетті – 65:39. Осылайша, ирандық құрама D тобында үшінші орынды алып отырып, біздің құрамадан бір ұпайға артта қалып отыр. Ирандықтарға бұл іс жағдай мүлде ұнамайды. Олар барлық матчтарды жеңу үшін бар күштерін салады. Ал бірінші болып олардың алдында біздің команда кездесіп отыр. Иранға қарсы матч аса қызықты болатынына күмән жоқ және жеңіс үшін қатал күреске жетуі әбден ықтимал. Бірақ біздің құрама үшін бір үлкен жақсы жақ бар – бұл матч үйде, туған жерде өтеді және біздің командаға "алтыншы ойыншы" қосылады – біздің жанкүйерлердің демеуі.

Баскетболдан ҚР ұлттық құрамасының бас бапкері, Михаил Карпенко:
- Соңғы бірнеше іріктеу циклдері мен жарыстарда Иран құрамасы азия континентінде ең мықты командалардың бірі болып табылады. Иран азиялық жарыстардың жеңіске үміткер болып табылғаны тарихи қалыптасты. Ирактан кенет жеңілістен бастағандарына қарамастан, олар бұрынғысынша жеңіске мүмкіндігі жоғары команда болып қала береді және кез келген жағдайда осы команда біздің топта бірінші орынға талаптанады. Бізді қатаң ойын күтуде. Қиыншылықты қосып отырған жағдай – олардың бас бапкерлерінің ауысқаны. Сәйкесінше шабуыл жасауда және қорғанудағы ойын жүйесі де өзгереді. Сондықтан, біз үшін қарашада өткен бірінші іріктеу кезеңінің матчтары тактика көзқарасынан ақпаратқа толы емес. Сонымен қатар, Иран командасы ойыншыларының бойлары өзгерді. Қазір ирандықтарда жаңа 5 ойыншы бар, соның ішінде жақсы, тәжірибелі майталмандар. Біз дайындалып, күйге келтіріліп, әрине жеңіске жетуіміз келеді, бірақ оған жету үшін алаңда барлық 100%-ға барынша тырысып, ойнауымыз керек. Максималды жинақы, қорғануда басқыншы болып, ойынның жоғары екпінің ұстауымыз, және де, әрине, шабуыл жасауда дұрыс шешім қабылдауымыз қажет.

Матчтарға арналған билеттерді Ticketon.kz сайтынан сатып алуға болады. Барлық келем деушілер бағын сынап көріп, билеттердің ұтыс ойынында қатысушы бола алады. Ал билеттерді сатып алғандарға 2019 жылғы баскетболдан әлем Чемпионатының символикасы және Ұлттық құрама ойыншыларының қолтаңбалары бар эксклюзивтік фирмалық ФИБА добының ұтыс ойынында қатысуға болады. Сонымен қатар, Қазақстан Ұлттық құрамасының жанкүйерлері үшін Khan SPA & Fitness-тен эксклюзивті ұсыныс жүріп жатыр.

Баскетболдан Қазақстан Ұлттық құрамасының 2019 жылғы әлем Чемпионатының Квалификациясына ат салысуы жайлы толық мәлімет біздің сайтымыздың Құрамалар бөлімінде жарияланған.
Барлық спорт әуесқойларын, қазақстандық баскетбол бағалаушыларын және матчтардағы құрама жанкүйерлерін күтеміз! Сіздердің қолдауларыңыз біздер үшін өте маңызды!

Будьте в курсе всех событий казахстанского баскетбола, следите за новостями на нашем сайте и подписывайтесь на наши социальные сети Instagram, Facebook, Vkontakte и YouTube канал, а также на информационную рассылку в форме ниже.


Подписывайтесь на нашу рассылку!

Подписывайтесь на нашу рассылку!